గమ్మడితో ఘుమఘుమలే కాదు..ముఖ కాంతిని కూడా మెరిపించవచ్చు..

గుమ్మడి గుజ్జు: గుమ్మడికాయను చిన్న ముక్కలుగా చేసి మిక్సీలో వేసి మెత్తగా పేస్ట్ చేసుకొని ఆ పేస్ట్ ను ముఖానికి అప్లై చేసి పది నిముషాల తర్వాత చల్లటి నీటితో శుభ్రం చేసుకోవాలి. ఇలా ప్రతి రోజూ చేయడం వల్ల మీ చర్మ శుభ్రపడటంతో పాటు, చర్మ కాంతి పెరుగుతుంది.

గుమ్మడి -గుడ్డు ఫేస్ ప్యాక్: ఒక గుడ్డులోని తెల్ల సొనకు గుమ్మడి గుజ్జు, పాలు, తేనెను చేర్చి బాగా మిక్స్ చేసి ముఖం మరియు మెడకు అప్లై చేసి 15నిముషాల పాటు అలాగే ఉంచేసి, చల్లటి నీటి శుభ్రపరచుకోవడం వల్ల చర్మ కాంతివంతంగా మెరుస్తుంటుంది మరియు ఎటువంటి మొటిమలు లేకుండా రక్షణ కల్పిస్తుంది.

గుమ్మడి-యాపిల్ సైడర్ వెనిగర్: మీది ఆయిల్ చర్మం అయితే, మరి ఈ గుమ్మడి ఫేస్ ప్యాక్ ను ట్రై చేయండి. గుమ్మడిపేస్ట్ లో కొన్నొ చుక్కల తేనె మరియు యాపిల్ సైడర్ వెనిగర్ వేసి బాగా మిక్స్ చేస ముఖానికి అప్లై చేయాలి. 20నిముషాల అలాగే ఉంచి తర్వాత చల్లటి నీటితో శుభ్రం చేసుకోవాలి.ఇది ఆయిల్ స్కిన్ చర్మ తత్వం కలవారికి అద్భుతంగా పనిచేస్తుంది.

గుమ్మడి-పంచదార-పాలు: చర్మం కాంతివంతంగా మార్చుకోవడానికి గుమ్మడిగుజ్జులో అరచెంచా పంచదార వేసి బాగా మిక్స్ చేసి ముఖానికి పట్టించి పది నిముషాల తర్వాత ముఖం మీద స్ర్కబ్ చేయాలి. ఈ ఫేస్ ప్యాక్ మొటిమలకు , డార్క్ స్పాట్స్ తొలగించడానికి మరియు స్కిన్ కాంప్లెక్సన్ మెరుగుపరచడానికి బాగా సహాయపడుతుంది.

గుమ్మడి మరియు శెనగపిండి: ఈ రెండి మిశ్రమాన్ని స్ర్కబ్ గా లేదా ఫేస్ ప్యాక్ గా ఉపయోగించవచ్చు. గుమ్మడి గుజ్జులో కొద్దిగా శెనగపిండి వేసి బాగా మిక్స్ చేసి మెత్తటి పేస్ట్ లా తయారు చేసుకోవాలి ఇందులో కొన్ని చుక్కల నిమ్మరసం మరియు పాలు కలిపి బాగా మిక్స్ చేసి ముఖానికి పట్టించి 10-15నిముషాలు అలాగే ఉంచి తర్వాత చల్లటి నీటితో శుభ్రం చేసుకోవాలి. ఈ ఫేస్ ప్యాక్ అన్ని రకాల చర్మతత్వాలకు పనిచేస్తుంది. ఈ ప్యాక్ ను వారంలో రెండు మూడు సార్లు అప్లై చేసుకోవచ్చు.

గుమ్మడి -పెరుగు: ఇది తక్షణం తయారు చేసుకో గల హోం మేడ్ ఫేస్ ప్యాక్ . గుమ్మడిగుజ్జులో కొద్దిగా పెరుగు మరియు నిమ్మరసం తేనె చేర్చి బాగా మిక్స్ చేసి ముఖానికి మరియు మెడకు పట్టించాలి. తర్వాత చల్లటి నీటితో శుభ్రం చేసుకోవాలి.

గుమ్మడి మరియు బాదాం: ఈ ఫేస్ ప్యాక్ ఫ్రూట్ ఫేస్ ప్యాక్ ఇచ్చినంత ఎఫెక్ట్ ను ఇస్తుంది. బాదాం పౌడర్ లో గుమ్మడి గుజ్జును మిక్స్ చేసి కొద్దిగా తేనె కలిపి బాగా మిక్స్ చేసి ముఖం మీద మసాజ్ చేయాలి తర్వాత చల్లటి నీటితో శుభ్రం చేసుకోవాలి.

గుమ్మడి మరియు సాండిల్ ఉడ్ పౌడర్: మొటిమలను నివారించుకోవాలనుకుంటున్నారా?మరి ఈ హోం మేడ్ ఫేస్ ప్యాక్ ను ట్రై చేయండి. సాండిల్ ఉండ్ పౌడర్ మొటిమలను దాని తాలూకు మచ్చలను పోగొడుతుంది. సాండిల్ ఉడ్ పౌడర్ ను గుమ్మడి గుజ్జతో మిక్స్ చేసి అందులో కొన్ని చుక్కల తేనె కూడా కలిపి బాగా మిక్స్ చేసి ముఖానికి ప్యాక్ వేసుకోవాలి. దీన్ని 20నిముషా పాటు అలాగే ఉంచి తర్వాత శుభ్రం చేసుకోవాలి .