ఇబ్బంది కలిగించే గ్యాస్ర్టిక్ ట్రబుల్ తగ్గించే న్యాచురల్ హోం రెమిడీస్

మిరియాలు

మిరియాలలో ఉండే హైడ్రోక్లోరిడ్ యాసిడ్ జీర్ణక్రియ సజావుగా సాగడానికి సహాయపడుతుంది. అరస్పూన్ బెల్లం, చిటికెడు మిరియాల పొడి కలిపి తీసుకోవాలి. దీనివల్ల గ్యాస్ర్టిక్ ట్రబుల్ మాత్రమే కాదు ఎసిడిటీ, డైజెస్టివ్ ప్రాబ్లమ్స్ నుంచి ఉపశమనం కలిగిస్తుంది.

దాల్చిన చెక్క

స్పైసీగా, స్వీట్ గా ఉండే చెక్క గ్యాస్ర్టిక్ ప్రాబ్లమ్ కి పవర్ ఫుల్ హోం రెమిడీ. ఒక కప్పు కాచిన నీళ్లలో ఒక స్పూన్ చెక్క పొడి కలిపి కొన్ని నిమిషాలు అలానే వదిలేయాలి. తర్వాత ఈ టీ తీసుకోవడం వల్ల గ్యాస్ ప్రాబ్లమ్స్ తగ్గిపోతాయి. లేదంటే ఒక టేబుల్ స్పూన్ చెక్క పొడికి కొంచెం తేనెను గోరువెచ్చని పాలలో కలిపి తీసుకున్నా మంచి ఉపశమనం కలుగుతుంది.

లవంగాలు

పొట్ట ఉబ్బరంగా, గ్యాస్ర్టిక్ ప్రాబ్లమ్ లేదా డైజెషన్ ప్రాబ్లమ్ అనిపించినప్పుడు ఒకటి లేదా రెండు లవంగాలను నోట్లో వేసుకుని చప్పరించాలి. దీనివల్ల వెంటనే ఉపశమనం కలుగుతుంది. ఒకవేళ లవంగాలు తినడం ఇష్టం లేకపోతే లవంగం నూనెను తీసుకోవచ్చు.

యాలకులు

యాలకులు డైజెషన్ ప్రక్రియను ఇంప్రూవ్ చేస్తాయి. అలాగే గ్యాస్ ని అరికడతాయి. యాలకును మరుగుతున్న నీటిలో వేసి 5 నుంచి 7 నిమిషాలు ఉంచాలి. తర్వాత నిదానంగా తాగడం వల్ల మంచి ఫలితం ఉంటుంది.

అల్లం

భోజనం తర్వాత చిన్న అల్లం ముక్కను నములుతూ ఉండటం వల్ల గ్యాస్ ఏర్పడకుండా అరికట్టవచ్చు. లేదా తాజా అల్లం తీసుకుని మరుగుతున్న నీటిలో కొన్ని నిమిషాలు ఉంచి తర్వాత రోజుకి రెండు లేదా మూడు సార్లు తీసుకోవడం వల్ల గ్యాస్ర్టిక్ ట్రబుల్ నుంచి బయటపడవచ్చు.

నిమ్మకాయ

ఒక గ్లాసు వేడినీళ్లలో నిమ్మరసం కలిపి తీసుకోవడం వల్ల గ్యాస్ ప్రాబ్లమ్ తగ్గుతుంది. అలాగే వాంతుల ఫీలింగ్ నుంచి ఉపశమనం కలుగుతుంది.

సోపు

సోపు తినడానికి ఇండియన్స్ ఎక్కువ ఇష్టపడతారు. ఇది గ్యాస్ ఏర్పడకుండా కాపాడుతుంది. కాబట్టి టీ రూపంలో వీటిని రెగ్యులర్ గా తీసుకోవడం మంచిది. ఒక టీ స్పూన్ సోపు గింజలు ఒక కప్పు మరుగుతున్న నీటిలో వేసి.. 10 నిమిషాల పాటు ఉంచి టీ తయారు చేసుకుని తాగాలి. లేదా కొన్ని సోపు గింజలు తీసుకుని నమలడం వల్ల కూడా జీర్ణ వ్యవస్థ పనితీరు మెరుగవుతుంది.. ఎలాంటి గ్యాస్ సమస్యా ఉండదు.

పుదీన ఆకు

గ్యాస్ర్టిక్ సమస్య నుంచి వెంటనే ఉపశమనం పొందాలంటే.. కొన్ని పుదీనా ఆకులను నమలితే సరిపోతుంది. లేదా ఒక కప్పు మరుగుతున్న నీటిలో గుప్పెడు పుదినా ఆకులు వేయాలి. కాసేపు అలానే ఉంచి.. తర్వాత తేనె కలుపుకుని తాగడం వల్ల గ్యాస్ నుంచి ఉపశమనం పొందవచ్చు.

జీలకర్ర

గ్యాస్ర్టిక్ ట్రబుల్ నుంచి ఉపశమనం పొందడానికి జీలకర్ర పవర్ ఫుల్ హోం రెమిడీ. మరుగుతున్న గ్లాస్ నీళ్లలోకి కొన్ని జీలకర్ర వేసి.. ఈ టీని రోజుకి ఒక్కసారి తాగడం వల్ల డైజెస్టివ్ ప్రాబ్లమ్స్ దూరమవుతాయి. లేదా కొంచెం జీలకర్ర తీసుకుని నములుతూ ఉన్నా ఫలితం ఉంటుంది.

పెరుగు

పెరుగులో క్యాల్షియం, పొటాషియం, మెగ్నీషియం, విటమిన్ బి ఎక్కువ మోతాదులో ఉంటుంది. అలాగే ఇందులో మంచి బ్యాక్టీరియా కూడా ఉంటుంది. ఇది రోగనిరోధక శక్తిని పెంచడంతో పాటు.. డైజెస్టివ్ ట్రాక్ ఆరోగ్యంగా ఉండటానికి సహాయపడుతుంది.

మంచినీళ్లు

మంచినీళ్లు శరీరానికి అవసరమైనన్ని తాగడం వల్ల అనేక అనారోగ్య సమస్యలకు చెక్ పెట్టవచ్చు. శరీరాన్ని హైడ్రేట్ గా ఉంచుకోవడం చాలా అవసరం. కాబట్టి ఎక్కువ మోతాదులో నీళ్లు తాగడం వల్ల జీర్ణక్రియ సులభంగా వేగంగా జరుగుతుంది.

వెల్లుల్లి

గ్యాస్ర్టిక్ ట్రబుల్ నుంచి ఉపశమనం కలిగించే హోం రెమిడీస్ లో వెల్లుల్లి కూడా చాలా బాగా పనిచేస్తుంది. గోరువెచ్చని నీటిలో వెల్లుల్లి వేసి సూప్ తయారు చేసుకుని తాగడం వల్ల గ్యాస్ర్టిక్ సమస్య నుంచి వెంటనే ఉపశమనం పొందవచ్చు.

గ్రీన్ టీ

ఒక కప్పు గ్రీన్ టీ తాగడం వల్ల పొట్టలో వచ్చే సమస్యలను తగ్గించుకోవచ్చు. అలాగే కొన్ని తులసి ఆకులు, నిమ్మరసం కూడా గ్రీన్ టీలో కలుపుకోవడం వల్ల సమస్య నుంచి వెంటనే బయటపడవచ్చు.