ఈ బ్యూటీ క్వీన్స్ సినిమాల్లోకి రాకుంటే రియల్ లైఫ్ లో ఏమయ్యేవారు

తమన్నా

తమన్నా సినిమాల్లోకి రాకుండా ఉంటే రియల్ లైఫ్ లో మెడికల్ ప్రొఫషినల్ అయ్యేదాన్ని అంటోంది.

దీపికా పదుకునె:

మన నటుల్లో చాలామంది బిగ్ గేమ్ అంటూ కబుర్లు చెప్తారు. కానీ, నిజంగా గేమ్ అంటే తెలిసిన నటి దీపికా పదుకునె... తండ్రి ప్రపంచ బాడ్మింటన్ ఛాంపియన్ ప్రకాశ్ పదుకునె. ఆయన చేతుల్లో బాడ్మింటన్ ప్లేయర్‌గా, స్టేట్ లెవెల్ ప్లేయర్‌గా ఎదిగింది. తండ్రి శిక్షణలో ఇంకా ఎదుగుతూ మరిన్ని విజయాలు సాధించే సత్తా ఉన్నా, తనలోని మరో టాలెంట్ వైపు మొగ్గింది. ఫలితమే ఇప్పుడు మనం వెండితెరపై చూస్తున్న అందాల తార దీపికా పదుకునె

జూహీచావ్లా:

అలనాటి అందాల నటి జూహీచావ్లా. ఆమె తెరపై ఇతర సింగర్స్ పాడిన పాటలకు లిప్ సింక్ ఇవ్వటం చూసే ఉంటారు. అలాంటి జూహీ స్వయంగా మైకందుకుని మెలొడీస్ పాడేస్తే ఎంత బావుంటుంది కదా..!! కానీ ఇది ఒట్టి ఊహకు మాత్రమే పరిమితం కాదు. సక్సెస్ ఫుల్ నటజీవితం తర్వాత జూహీ పాడటం కూడా మొదలు పెట్టింది. సరదాగా కాదు.. సీరియస్‌గా పాటలకే అంకితమవుతూ శ్రద్ధగా నేర్చుకుంది కూడా. అంతే కాదు.. సింగర్‌గా ఆ మధ్య ఓ పంజాబీ సినిమాకు కూడా పాడేసింది. జూహీ పాటలు వింటుంటే... ఓ మంచి సింగర్ ని ఇన్నేళ్లూ ఇండ్రస్టీ మిస్ అయిందని అనిపించటం లో ఆశ్చర్యం లేదు..

ఇషా శర్వాణి:

ఇషా శర్వాణి గురించి చెప్పటానికి పెద్దగా ఆలోచించనక్కర్లేదు. ఆమె నటించిన మొదటి సినిమా కిస్నా చూసిన వాళ్లెవరైనా ఇట్టే గెస్ చేయగలరు. అంతెందుకు ఇషాకు నడవటం కంటే గాల్లో ఎగరటమే తేలికంటే ఆశ్చర్యపడనక్కర్లేదు. ఆమె ప్రతి బాడీ మూవ్‌మెంట్ లోనూ ఆ ప్రత్యేకత కనిపిస్తుంది. దీనికి కారణం ఏంటో తెలుసా..?? ఇషా ఏళ్ల తరబడి చాలా రకాల నృత్య రీతులు నేర్చుకుంది. వాటిల్లో అపారమైన కృషి చేసింది. మరీ ముఖ్యంగా భారతీయ సమకాలీన నృత్యాలతో పాటు , ఏరియల్ డాన్స్‌లో అద్భుతమైన పట్టు సాధించింది. మరి నటి కాకపోతే మాత్రమేం? ఆమె డాన్స్ చూసి దేశమంతా ఫిదా అయ్యుండేది కాదా...?

సోనమ్ కపూర్:

సోనమ్ కపూర్ నటిగా చిత్రోత్సవాల్లో రెడ్ కార్పెట్‌పై చిరునవ్వులు చిందిస్తూ కనిపిస్తుండొచ్చు. కానీ, ఆమెలో బయటి ప్రపంచానికి తెలియని మరో కోణం ఉంది. ఈ అనిల్ కపూర్ గారాల తయన ప్రఖ్యాత యునైటెడ్ వరల్డ్ కాలేజ్ ఆఫ్ సౌత్ ఈస్ట్ ఏషియాలో చదివిన తర్వాత, ముంబయి యూనివర్సిటీ నుండి పొలిటికల్ సైన్స్ , ఎకనామిక్స్‌లో డిగ్రీ చేసింది. అంతే కాదు కథక్, క్లాసికల్, లాటిన్ నృత్యాలలో కూడా ప్రావీణ్యం సాధించింది.

జెనీలియా డిసౌజా:

దక్షిణాదికి బాగా పరిచితమైన నటి జెనీలియా. ఈమె ప్రతిభాపాటవాలను చూస్తే అబ్బురపడాల్సిందే. గ్లామర్‌తో కూడిన అమాయక హీరోయిన్ పాత్రల్లా కాదు. ఆమెలో చాలా విషయం ఉంది. యాక్టింగ్ ఆమెకు కేవలం ఒక ఆప్షన్ మాత్రమే. యూనివర్సిటీ ఆఫ్ ముంబయి నుండి మేనేజ్‌మెంట్‌లో బాచిలర్స్ డిగ్రీ చదివిన ఆమె అథ్లెట్‌గా చాలా ప్రతిభ చూపింది. అథ్లెట్ , స్ప్రింటర్ గా స్టేట్ లెవల్ లో రాణించింది. అంతే కాదు ఫుట్ బాల్‌లో నేషనల్ ప్లేయర్. చూస్తే అలా అనిపించలేదు కదా..

నర్గీస్ ఫక్రి:

ర్యాపింగ్‌కి పాపులర్ ప్లేస్ న్యూయార్క్ లోని క్వీన్స్. అక్కడే పుట్టింది నర్గీస్ ఫక్రి. ఆమె టాలెంట్ మామూలు రేంజ్‌లో లేదు. ఫ్రీస్టైల్ ర్యాపింగ్‌లో ఎంతో పట్టు సాధించిన ఆమె, హృతిక్ రోషన్ నటించిన బ్యాంగ్ బ్యాంగ్ ఛాలెంజ్‌లో ర్యాపింగ్ పెర్ఫామెన్స్ చూపింది. ఇంకేముంది.. ర్యాపర్‌గా వరల్డ్ పాపులర్ అయిన కర్టిస్ జాక్సన్ కళ్లలో కూడా పడింది. బాలీవుడ్ లోనే కాదు.. హాలీవుడ్ లో కూడా ఎంట్రీ ఇచ్చింది.

ప్రీతి జింటా:

బుగ్గమీద సొట్టలతో ఆకట్టుకునే ఈ స్టార్- జీవితంలో నటన చాలా చిన్న విషయమని చెప్పాలి. హ్యూమన్ సైకాలజీపై గట్టి పట్టు సాధించటమే లక్ష్యంగా తన చదువుని సాగించింది. ఈ క్రమంలో బ్యాచిలర్, ఇంటెన్సివ్ మాస్టర్ డిగ్రీని క్రిమినల్ సైకాలజీలో పూర్తి చేసింది. అంతే కాదు.. ఇంగ్లీషులో బీఏ ఆనర్స్ కూడా పూర్తి చేసింది.

పరిణితి చోప్రా:

ఫైనాన్స్ రంగంలో దూసుకుపోవాల్సిన పరిణితి బాలీవుడ్ ఎంట్రీ పక్కా యాక్సిడెంట్ అనే చెప్పాలి. ఎందుకంటే, బిజినెస్, ఫైనాన్స్, ఎకనామిక్స్ మూడింటిలో ఇంగ్లండ్ మాంచె స్టర్ బిజినెస్ స్కూల్ నుండి ఆనర్స్ డిగ్రీలు పూర్తి చేసిన పరిణితి- నిజానికి ఇన్వెస్ట్ మెంట్ బ్యాంకర్ గా సెటిలవ్వాల్సింది. మరి ఇంత చదివి.. కెరీర్ పై వేరే కలలు కంటున్న ఈ అందాల తార బాలీవుడ్ ఎంట్రీ యాక్సిడెంట్ కాకపోతే మరేంటి? ఇంత ప్రతిభ ఉన్న వ్యక్తి నటి కాకపోయినా, మరో రంగంలో కచ్చితంగా సక్సెస్ అయి ఉండేది కదా...!!

మినిషా లాంబా:

జర్నలిస్ట్ కాబోయి యాక్టరయిన నటి ఈమె. ప్రఖ్యాత మిరండా హౌస్ నుండి ఇంగ్లీషులో డిగ్రీ పూర్తి చేసిన మినిషా ఇంట్రస్టంతా జర్నలిజం వైపే ఉంది. నటి కాకపోయి ఉంటే ఈపాటికి ఓ మాంచి జర్నలిస్టుగా పేరు ప్రఖ్యాతులు వచ్చిఉండేవేమో కదా..!!

అమీషా పటేల్:

అమీషా పటేల్ అనగానే కహోనా ప్యార్ హై, బద్రి, నాని లాంటి సినిమాలు గుర్తొస్తాయి. నటిగా సక్సెస్ ఫుల్‌గా నిలిచిన ఆమె డిగ్రీలు చూస్తే మతిపోవల సిందే. సినిమాల్లో ఎంట్రీ ఇవ్వకముందే, మసాచు సెట్స్ లోని టప్ట్స్ యూనివర్సిటీలో ఎకనామిక్స్‌లో గోల్డ్ మెడల్ సాధించింది. ఎకనమిక్ ఎనలిస్ట్‌గా ముంబయి బేస్డ్ బ్యాంకింగ్ కంపెనీ ఖండ్వాలా సెక్యూరిటీస్‌లో కూడా ఉద్యోగం చేసింది.