వర్షాకాలంలో పిల్లల్లో ఇమ్యూనిటి పవర్ పంచే హెల్తీ ఫుడ్స్

గుడ్లు:

గుడ్లలో అత్యవసరం అయిన ప్రోటీనులు పుష్కలంగా ఉంటాయి. ఇవి పిల్లలకు పూర్తిగా పోషకాహారం. పిల్లలకు ప్రతి రోజూ ఒక గుడ్డును అందివ్వడం ద్వారా పిల్లలకు అవసరం అయ్యే విటమిన్స్ , మినిరల్స్, మరియు ప్రోటీనులు పుష్కలంగా అంది, దగ్గు మరియు జలుబు నుండి ఉపశమనం పొందుతారు. అంతే కాదు వర్షాకాలంలో గుడ్లు తినడం వల్ల పిల్లల శరీరం కొద్దిగా వెచ్చగా ఉంటుంది.

ఫ్రెష్ ఫ్రూట్స్:

వర్షాకాలంలో దాదాపు అన్ని రకాల పండ్లు అందుబాటులో ఉంటాయి. అయితే, వాటిలో సీజనల్ ఫ్రూట్స్ మాత్రమే ఎంపిక చేసుకోవాలి. సీజనల్ గా మనకు అందుబాటులో ఉండే ప్రతి పండులోనూ వ్యాధినిరోధక శక్తులు పుష్కలంగా ఉండి, ఆయా సీజన్లలో వచ్చే జబ్బుల నుండి మన శరీరాన్ని కాపాడుతాయి. మరియు పిల్లలకు కూడా ఫ్రూట్ జ్యూసులకు బదులుగా నేరుగా పండ్లను తినడానికి అలవాటు చేయండి .

బాదం:

మంచి కంటి చూపుకోసం, చర్మం కాంతివంతం మరియు హెల్తీ ఇమ్యూన్ సిస్టమ్ కోసం ప్రతి రోజూ రెండు బాదంలను అందివ్వాలి. బాదంను నీటిలో వేసి రాత్రంతా నానబెట్టి, తర్వత రోజు ఉదయం పొట్టు తీసి అందివ్వాలి. అలాగే నీటిలో నానెబట్టిన బాదంను పేస్ట్ లా చేసి పాలలో మిక్స్ చేసి పిల్లలకు అందివ్వొచ్చు.

కేసర్ మిల్క్ :

కేసర్ లేదా కుంకుమపువ్వు మొక్కలో ఉండే కెమికల్స్ లో వ్యాధులను నివారించే శక్తి చాలా పవర్ ఫుల్ గా ఉన్నట్లు కనుగొనబడినది. ముఖ్యంగా పిల్లలకు ఇది ఇక సహాయకారి ఫుడ్ గా ఉంది. పాలతో మిక్స్ చేసి, పిల్లలకు అందివ్వాలి.

సూప్స్:

వెజిటేరియన్ లేదా నాన్ వెజిటేరియన్స్ అయినా సరే, సూప్ ను తీసుకోవడం ఆరోగ్యానికి చాలా ఆరోగ్యకరం. మరియు పాస్తా సూప్ ఒక కంప్లీట్ మీల్ గా సహాయపడుతుంది . పిల్లలకు సూప్స్ ఎల్లప్పుడూ ఒక హెల్తీ ఫుడ్ అని చెప్పవచ్చు.

హేర్బల్ టీ:

సహజంగా హేర్బల్ టీని పెద్దలు ఎక్కువగా తీసుకుంటుంటారు , కానీ పిల్లలకు అందివ్వాల్సిన సమయం కూడా...వర్షకాలంలో పిల్లలకు హేర్బల్ టీ అందివ్వడం వల్ల ఆరోగ్యానికి మరింత మంచిది . హేర్బల్ టీలో ఉండే యాంటీ ఆక్సిడెంట్స్ వ్యాధులతో మరియు క్రిములతో పోరాడే గుణాలు పుష్కలంగా ఉన్నాయి.

అల్లం:

వర్షకాలంలో పిల్లల్లో వ్యాధినిరోధకత శక్తి తగ్గిపోతుంది మరియు చాలా తర్వగా స్టొమక్ ఇన్ఫెక్షన్స్ సంక్రమిస్తాయి. ఇలాంటి సమయంలో అల్లంతో చేసిన ఆహారాలు, జింజర్ టీ త్రాగడం వల్ల స్టొమక్ ఇన్ఫెక్షన్స్ ను నివారించుకోవచ్చు మరియు పొట్ట సమస్యలు దూరం అవుతాయి.

వెల్లుల్లి:

వర్షకాలంలో పిల్లలు ఆరోగ్యంగా ఉండాలంటే, వారికి ఉత్తమ ఆరోగ్యకరమైన ఆహారాలను అందివ్వాలి. వెల్లుల్లి రెబ్బలు లేదా వెల్లుల్లి పేస్ట్ ను రెగ్యులర్ డైట్లో చేర్చాలి .

స్పైసీస్:

మన ఇండియన్ మసాలా దినుసుల్లో ఔషధ గుణాలు మెండుగా ఉన్నాయి . అందుకే వంటకాల్లో వీటిని ఎక్కువగా ఉపయోగిస్తుంటారు. వంటలకు మంచి రుచి, ఫ్లేవర్ తో ఆరోగ్యానికి కూడా ఉపయోగపడే మసాలను రెగ్యులర్ వంటల్లో చేర్చడం వల్ల వర్షాకాలంలో పిల్లల్లో కూడా వ్యాధినిరోదక వక్తిని పెంచవచ్చు. అందుకు పసుపు, ధనియాలు, లవంగాలు, మిరియాలు, దాల్చిన చెక్క వంటివి గ్రేట్ గా సహాయపడుతాయి.

పప్పులు:

ధాన్యాలు, శరీరానికి చాలా అవసరం అయినటువంటి పౌష్టికాహారం, శరీరంలో కణాల అభివ్రుద్దికి మరియు డ్యామేజ్ అయిన కణాల మర్మత్తుకోంస ఇవి గ్రేట్ గా సహాయపడుతాయి. వర్షాకాలంలో వ్యాధుల నుండి ఉపశమనం పొందాలంటే ఇవి చాలా అవసరం . వీటిని ఉడికించి లేదా మొలకలు రూపంలో తీసుకోవడం చాలా అవసరం.