చికెన్ దివాని: హైదరాబాద్ స్పెషల్ కుండ వంట

Non Veg

oi-Saraswathi

By Sindhu

| Published: Tuesday, January 6, 2015, 14:45 [IST]

మన ఇండియాలో చికెన్ వంటలను వివిధ రకాలుగా వండటాన్ని మనంపలు ప్రదేశాల్లోచూస్తూనే ఉంటాం. ఒక్కో రాష్ట్రంలో ఒక్కో రుచితో చాలా డిఫరెంట్ టేస్ట్ లతో తయారుచేస్తుంటారు . ముఖ్యంగా హైదరాబాద్ వంటలకు కొన్ని ప్రత్యేకమైన ఇండియన్ మసాలా దినుసులను చేర్చడం వల్ల అద్భుతమైన రుచి వస్తుంది.

హైదరాబాద్ వంటకాల్లో ముఖ్యంగానిజామ్ కిచెన్ వంటలు చాలా ఫేమస్ .ముర్గ్ మరియు చికెన్ దివాని హంది వంటి వంటలు చాలా రుచికరంగా ఉంటాయి . ఈ చికెన్ కర్రీని చాలా ట్రెడిషినల్ గా కుండలో తయారుచేస్తారు. ఈకుండలో తయారుచేసే వంటలుచాలా వెరైటీ టేస్ట్ ను కలిగి ఉంటుంది. కొద్దిగా మసాలాలు మరియు జీడిపప్పు పేస్ట్ వల్లచికెన్ దివాని గ్రేవీ చిక్కగా, మరియు సువాసనతో నోరూరిస్తుంటుంది. మరిఈ హైదరాబాద్ స్పెషల్ చికెన్ దివాని వంటను ఎలా తయారుచేయాలో చూద్దాం....

కావల్సిన పదార్థాలు:
చికెన్- 500 gms
జీడిపప్పు- 20-25
ఉల్లిపాయలు: 2
టమోటో గుజ్జు: 1/2cup
వెల్లుల్లి రెబ్బలు: 7-8 (చిన్న ముక్కలుగా కట్ చేసుకోవాలి)
అల్లం వెల్లుల్లి paste- 1tbsp
పెరుగు- 1tbsp
పసుపు పొడి: 1tsp
కారం పొడి: 2tsp
ధనియాల పౌడర్:1tsp
జాజికాయ పొడి : ఒక చిటికెడు
గరం మసాలా: 1/2 tsp
కసూరి మేతి: 1tsp (పొడి చేసుకోవాలి)
పుదీనా: 1tsp (సన్నగా తరిగిపెట్టుకోవాలి)
కొత్తిమీర: 2tbsp (సన్నగా తరిగి పెట్టుకోవాలి)
ఉప్పు : రుచికి సరిపడా
బిర్యానీ ఆకు: 1
లవంగాలు: 2
దాల్చిన చెక్క :1
జాపత్రి: 2 తంతువులు
యాలకలు: 2
ఆయిల్ / బటర్: 3tbsp
తాజా క్రీమ్: 2tbsp (గార్నిష్ కోసం)
గోరువెచ్చని నీళ్ళు: కొద్దిగా
మట్టి కుండ: 1

తయారుచేయు విధానం:
1. ముందుగా చికెన్ ముక్కలను శుభ్రంగా కడిగి, ఉప్పు, పసుపు, మరియు పెరుగు వేసి 30నిముషాలు బాగా మ్యారినేట్ చేసి పక్కన పెట్టుకోవాలి.
2. అంతలోపు గోరువెచ్చని నీటిలో జీడిపప్పును నానబెట్టి, 15నుండి 20నిముషాల తర్వాత వాటిని తీసి, మిక్సీగ్రైండర్ లో వేసి మెత్తగా పేస్ట్ చేసుకోవాలి.

3. ఇప్పుడు మట్టి కుండ స్టౌ మీద పెట్టి వేడయ్యాక అందులో కొద్దిగా నూనె వేసి వేడయ్యాక అందులోబిర్యానీ ఆకుల, జాపత్రి రేకులు, దాల్చిన చెక్క, లవంగాలు వేసి ఒక సెకను వేగనివ్వాలి. తర్వాత వెల్లుల్లి రెబ్బులు కూడా వేసి ఒక నిముషం వేగనివ్వాలి.

4. ఇప్పుడు అందులోనే ఉల్లిపాయ తరుగు వేసి మరో 5నిముషాలు మీడియం మంట మీద వేగించుకోవాలి. తర్వాత అల్లం వెల్లుల్లి పేస్ట్ వేసిమరో 5నిముషాలువేగించుకోవాలి.
6. ఇప్పుడు అందులో ముందుగా మ్యారినేట్ చేసి పెట్టుకొన్న చికెన్ ముక్కలను మరియు జీడిపప్పు పేస్ట్ను వేసి మరో 5నిముషాలు ఫ్రై చేసుకోవాలి.

7. ఇప్పుడు అందులో టమోటో గుజ్జు కూడా వేసి మరో 5నిముషాలు మీడియం మంట మీద వేగించుకోవాలి
8. టమోటో గుజ్జు వేగిన తర్వాత అందులో కారం, ధనియాలపొడి, కస్తూరి మేతి, ఉప్పు, పంచదార కూడా వేసి మరో 5నిముషాలు ఫ్రై చేసుకోవాలి. మూతపెట్టి 10నిముషాలుఉడికించుకోవాలి.

9.దాని తర్వాత మూత తీసిఅందులో పుదీనా, నట్ మగ్(జాజికాయ పొడి)మరియు గరం మసాలావేసి మొత్తం మిశ్రమాన్నిమిక్స్చేసిఅరకప్పువేడి నీళ్ళుపోయాలి.

10.ఇప్పుడుమొత్తం మిశ్రమాన్ని కలగలుపుకొని,మూత పెట్టి మరో 20నిముషాలుతక్కువ మంట మీద ఉడికించుకోవాలి. అంతే చికెన్ దివాని కుండ వంట రెడీ..ఇది హైదరాబాదీస్పెషల్ చాలా టేస్ట్ గా ఉంటుంది. ఈ రాయల్ డిష్ ను రోటీ లేదా నాన్స్ తోతీసుకోవచ్చు.