చికెన్ & ఆలు కర్రీ: టేస్టీ అండ్ హెల్తీ

Non Veg

oi-Saraswathi

By Sindhu

| Updated: Friday, February 6, 2015, 16:31 [IST]

చికెన్ చాలా మందికి ఇష్టమైన ఆహారం. ఆలూ, చికెన్ రెండూ ఇష్టపడే వారికి ఒక చక్కటి కాంబినేషన్ డిష్ ఇది. ఇండియన్ మసాల దినుసులతో తయారుచేసే ఈ వంట మంచి ఆరోమా వాసనతో పాటు, రుచి కలిగి ఉంటుంది. ఆలులో పూర్తి పోషఖాలు, చికెన్ లోని ప్రోటీనులు ఆరోగ్యానికి మేలు చేస్తాయి.

ఈ లీన్ మీట్ ను బరువు తగ్గాలనుకొనే వారు, డైట్ ను అనుసరించే వారి రెగ్యులర్ డైట్ లో చేర్చుకోవచ్చు. రెడ్ మీట్ తో పోల్చితే చికెన్ లో చాలా తక్కువ క్యాలరీలుంటాయి. కాబట్టి, డైటింగ్ చేసే వారు కూడా ఈ కర్రీని నిరభ్యంతరంగా తినవచ్చు. దీన్ని తయారుచేయడం చాలా సులభం. మీరు లంచ్ కు దీన్ని త్వరగా తయారుచేసుకోవాలంటే, ప్రెజర్ కుక్కర్ లో చికెన్ మరియు బంగాళదుంపలను వేసి ఒకే సారి ఉడికించుకొని తర్వాత మసాల, పోపుదినుసులతో ఫ్రై చేసుకోవచ్చు. మరి ఈ ఆలూ చికెన్ కర్రీని ఎలా తయారుచేయాలో చూద్దాం...

కావల్సిన పదార్థాలు:
చికెన్ : ½ kg (ఎముకలు చికెన్ ముక్కలు)
ధనియాలు: 1 tsp
ఆవాలు: 1tsp
లవంగం: 3
బే ఆకు : 2
గ్రీన్ ఏలకులు: 4
పసుపు పొడి : 1tbsp
కారం: 1 ½tbsp
ధనియాల పొడి: 1tbsp
అల్లం వెల్లుల్లి పేస్ట్ : 1tbsp
ఉల్లిపాయ: 1(చిన్న ముక్కలుగా తరిగినవి)
బంగాళదుంపలు: 2 (చిన్న ముక్కలుగా తరిగినవి)
ఉప్పు : రుచికి సరిపడా
టమోటా: 1(చిన్న ముక్కలుగా తరిగినవి)
పచ్చిమిరపకాయలు :1 (సన్నగా తరిగినవి)
కొత్తిమీర తరుగు: కొద్దిగా (సన్నగా తరిగినవి)
నీళ్ళు: చికెన్ ఉడికించుకోవడానికి

తయారు చేయు విధానం:
1. ముందుగా పాన్ లో కొద్దిగా నూనె వేసి వేడయ్యాక అందులో ఆవాలు, బిర్యానీ ఆకు, యాలకలు, వేసి వేగించుకోవాలి.
2. పోపు ఆరోమా స్మెల్ వచ్చే వరకూ వేగించుకోవాలి. తర్వాత అందులో పసుపు, కారం, జీలకర్ర మరియు ధనియాల పొడి వేసి ఫ్రై చేసుకోవాలి.

3. తర్వాత అందులోనే అల్లం వెల్లుల్లి పేస్ట్ కూడా వేసి ఫ్రై చేసుకోవాలి.
4. పోపువేగే లోపు అందులో ఉల్లిపాయ ముక్కలు మరియు బంగాళదుంప ముక్కలు వేసి ఫ్రై చేసుకోవాలి.
5. మొత్తం మిశ్రామన్ని కలగలుపుకొని, మూత పెట్టి ఉడికించుకోవాలి.
6. కొద్దిసేపటి తర్వాత మూత తీసి మొత్తం మిశ్రమాన్ని కలగలుపుకోవాలి.

7. ఇప్పుడు అందులో బోన్ లెస్ చికెన్ వేసి, ఆలూతో మిక్స్ చేస్తూ ఉడికించుకోవాలి.
8. ఇప్పుడు పాన్ లో కొద్దిగా ఉప్పు వేసి, మిక్స్ చేసి తిరిగి మూత పెట్టి మరో 10 నిముషాలు ఉడికించుకోవాలి.
9. చికెన్, ఆలూ రెండు మెత్తగా ఉడికే సమయంలో అందులో టమోటో ముక్కలు, తగినన్ని నీళ్ళు పోసి ఉడికించుకోవాలి.

10. ఇప్పుడు తిరిగి మూత పెట్టి మరో 10 నిముషాలు ఉడికించుకోవాలి.
11. 10 నిముషాల తర్వాత మూత తీసి అందులో పచ్చిమిర్చి, కొత్తిమీర తరుగుతో గార్నిష్ చేయాలి.
12. గార్నిష్ చేసి మరో 5నిముషాలు తక్కువ మంట మీద ఉడికించుకోవాలి. తర్వాత స్టౌ ఆఫ్ చేసి వేడి వేడిగా సర్వ్ చేయాలి.