మోతీచూర్ లడ్డు వంటకం

కావలసిన పదార్థాలు:
శెనగపిండి: 2cup
పంచదార: 2cup
యాలకులు: 4-6
నూనె: కావలసినంత
నెయ్యి, బాదం, పిస్తా పప్పులు: తగినన్ని

తయారు చేయు విధానం:
1. ఒకటిన్నర కప్పు నీళ్ళుపోసి శెనగపిండిని జారుగా, ఉండలు లేకుండా కలుపుకోవాలి.
2. తర్వాత బాదం, పిస్తాపప్పులను కూడా వేయించి పక్కనుంచాలి. ఓ కప్పునీళ్లలో చక్కెర వేసి పాకం పట్టాలి.
3. పాన్ లో నూనెను మరిగించి చిన్న చిన్న చిల్లులున్న గరిటెను తీసుకుని దానిని బాణలి మీదుగా ఉంచి, పిండిని గరిటెలో వేయాలి. చిల్లుల్లోంచి పిండి నూనెలో పడుతుంది. ఎరుపురంగు వచ్చే వరకూ వేయించి తీసేయాలి.
4. ఇప్పుడీ బూందీలో చక్కెరపాకం, యాలకుల, పొడి నెయ్యి కలిపి ఉండలుగా చుట్టి, బాదం, పిస్తా పప్పులను పైన అద్దాలి.
5. పంచదార పాకం, బూందీ ఒకేసారి తయారయ్యేలా చూసుకుని వేడిగా ఉన్నప్పుడే ఉండలు చుట్టుకుంటే పాకం బాగా పట్టటమే కాకుండా ఉండలు చుట్టటం తేలికవుతుంది.