షుగర్ పేషంట్స్ కొరకు స్పెషల్ డిష్-కుకుంబర్ చెన్నా

ప్రపంచంలో మధుమేహ వ్యాధిని నయం చేయడానికి వీలుపడని వ్యాధిగా ఉంది. ప్రస్తుత రోజుల్లో ప్రపంచ వ్యాప్తంగా చాలా మంది మధుమేహ వ్యాధితో బాధపడుతున్నారు. మధుమహంతో బాధపడేవారు డైట్ లో ప్రత్యేక శ్రద్ద తీసుకోవాలి. కొన్ని ఆహారాలను తినాలి, కొన్ని ఆహారాలను తినకూడదు. అయితే తీసుకొనే ఆహారాలను రుచికరంగా తయారుచేసుకోవడం చాలా అద్బుతంగా ఉంటుంది.

కీరదోసకాయతో తయారుచేసే వంట చాలా రుచికరంగా, సింపుల్ గా మరియు సులభంగా మరియు హెల్తీ గా ఉంటుంది. శెనగపప్పులో అధిక న్యూట్రీషియన్స్ ఉంటాయి. పోషకాలు అధికంగా ఉండే ఈ కీరదోసకాయను మిక్స్ చేస్తే మరింత అధినపు రుచిని అంధిస్తుంది . ఈ రెండింటి కాంబినేషన్ చాలా అద్భుతంగా ఉంటుంది. మరి మీరు కూడా ఈ డయాబెటిక్ స్పెషల్ రిసిపిని టేస్ట్ చేయాంటే, తయారుచేసే పద్దతిని ఫాలో అవ్వాల్సిందే...

తయారుచేయు విధానం:
1. ముందుగా శెనగపప్పును శుభ్రంగా కడగాలి.
2. తర్వాత ప్రెజర్ కుక్కర్ లో శెనగపప్పు, ఉప్పు, పసుపు, సరిపడా నీళ్ళు పోసి మీడియం మంట మీద మూడు విజిల్స్ వచ్చే వరకూ ఉడికించుకోవాలి.
3. పప్పు ఉడికిన తర్వాత, స్టౌ మీద నుండి కుక్కర్ ను పక్కకు దింపుకోవాలి.
4. తర్వాత పాన్ లో నూనె వేసి వేడి చేసిన తర్వాత అందులో జీలకర్రవేసి చిటపటలాడిన తర్వాత అందులో ఉడికించుకొన్న శెనగపప్పు వేయాలి, అలాగే అల్లం, వెల్లుల్లి పేస్ట్, కారం వేసి 5నిముషాలు మీడియం మంట మీద ఫ్రై చేసుకోవాలి.
5. తర్వాత అందులో సన్న ముక్కలుగా కట్ చేసి పెట్టుకొన్న కీరదోస ముక్కలు మరియు ఉప్పు వేసి 10నిముషాలు చాలా తక్కవ మంట మీద ఉడికించుకోవాలి .
6. కీరదోస మొత్తగా ఉడికిన తర్వాత, స్టౌ ఆఫ్ చేసే ముందు కొత్తిమీర తరుగుతో గార్నిష్ చేయాలి. అంతే కుకుంబర్ చెన్నా దాల్ రిసిపి రెడీ. ఈ ఆరోగ్యకరమైన చెన్నాకుకుంబర్ దాల్ రిసిపిని రోటీలతో పాటు తీసుకుంటే డయాబెటిక్ పేషంట్స్ కు చాలా ఆరోగ్యకరం.