For Quick Alerts
ALLOW NOTIFICATIONS  
For Daily Alerts

హింగ్ దహీవాలే చట్ పేట్ ఆలూ రిసిపి

|

పిల్లలకు ఎల్లప్పుడు ఆరోగ్యకరమైన ఆహారాన్ని అందివ్వాలని తల్లులు ఎప్పుడూ ప్రయత్నిస్తుంటారు. ముఖ్యంగా, బ్రేక్ ఫాస్ట్, లంచ్ విషయంలో చాలా మూడీగా ఉంటారు. పిల్లలు ఆరోగ్యకరంగా తినడానికి హెల్తీ ఆహారాన్ని తయారుచేయడం కొంచెం కష్టమైన పని అనిపిస్తుంది. వారు హెల్తీ మీల్స్ కంటే, టేస్టీ ఫుడ్స్ నే ఎక్కువగా ఇష్టపడుతారు కాబట్టి. పిల్లలు ఎప్పుడూ మృదువైన ఆహారాలను ఇష్టపడరు. వారు ఎప్పుడూ స్వీట్స్ మరియు ట్యాంగీ ఫుడ్స్ ను ఎక్కువగా ఇష్టపడుతారు.

మరి అటువంటి పిల్లల కోసం ఒక హల్తీ వంటకాన్నీ ఈ రోజు మీముందుంచుతున్నాం. ఈ వంటను చట్ పట్ ఆలూ అని పిలుస్తారు. చట్ పట్ అంటే ఇది కొంచెం పుల్లగా ఉంటుంది . ఈ రిసిపిని వివిధ రకాల మసాలా దినుసులను ఉపయోగించి తయారుచేస్తారు. ట్యాంగీ టేస్ట్ కోసం, ఇందులో డ్రై మ్యాంగో పౌడర్ ను మిక్స్ చేస్తారు. ఈ చట్ పట్ రిసిపి పిల్లలకు టేస్టీగా ఉంటుంది. అదేవిధంగా హెల్తీ కూడా..మరి మీ పిల్లలకోసం దీన్ని ఎలా తయారుచేయాలో చూద్దాం...

Hing Dahi Wale Chatpate Aloo Recipe

కావల్సిన పదార్థాలు:
బంగాళదుంపలు: 6 (ఉడికించి పొట్టు తీసినవి)
పెరుగు: 1 cup (beaten)
ఇంగువ: ½ tsp
మెంతులు: ½ tsp
ధనియాలు: 1tsp(రఫ్ గా పొడి చేసుకోవాలి)
ధనియాలపొడి: 1tsp
ఛాట్ మసాలా: 1tsp
ఉప్పు: రుచికి సరిపడా
నూనె: 2tbsp

తయారుచేయు విధానం:
1. ముందుగా పాన్ లో కొద్దిగా నూనె వేసి వేడి అయ్యా, మెంతులు, ధనియాలు వేసి ఒక నిముషం వేగించుకోవాలి.
2. తర్వాత అందులో ముందుగా ఉడికించుకొన్న బంగాళదుంపలు వేసి మరో 5నిముషాలు ఫ్రై చేసుకోవాలి.
3. ఛాట్ మసాలను, పెరుగులో వేసి బాగా మిక్స్ చేయాలి. తర్వాత అందులోనే ధనియాల పొడి, ఉప్పు మరియు ఒక కప్పు నీళ్లు కూడా పోసి బాగా మిక్స్ చేయాలి.
4. ఇప్పుడు ఈ పెరుగు మిశ్రమాన్నిబంగాళదుంప వేగుతున్న పాన్ లో వేసి బాగా మిక్స్ చేయాలి.
5. బాగా ఉడికించి ఇంగువ చిలకరించి, మంటను పూర్తిగా తగ్గించి తర్వాత స్టౌ ఆఫ్ చేయాలి. అంతే ఇంగ్ దహీ వాలే చట్ పాటే ఆలూ రెడీ. ఈ వెజ్ రిసిపిని రైస్ తో కలిపి తీసుకోవచ్చు.

Story first published:Saturday, January 24, 2015, 17:01 [IST]
Desktop Bottom Promotion