కడాయ్ పనీర్ వంటకం

కావలసిన పదార్థాలు:
పనీర్: 150gram
బటర్: 2tbsp
ఉల్లిపాయ పేస్ట్: 1tsp
జీడిపప్పు పేస్ట్: 1tsp
టమాటో పేస్ట్: 1cup
కారం: 1tsp
జీలకర్ర పొడి: 1/2tsp
మెంతి పొడి: 1/2tsp
పసుపు: 1/2tsp
పంచదార: 1/2tsp
ఫుడ్ కలర్: కొద్దిగా
ఉప్పు: రుచికి సరిపడా
నూనె: తగినంత
కొత్తిమీర: కొద్దిగా

తయారు చేయు విధానం:
1. మొదటగా స్టౌ మీద పాన్ లో నూనె వేసి వేడయ్యాక పనీర్ వేసి వేయించి తీసి పక్కన పెట్టుకోవాలి.
2. తర్వాత అదే పాన్ లో బటర్ వేసి కాగాక ఉల్లిపాయ పేస్ట్, జీడిపప్పు పేస్ట్, టొమాటో పేస్ట్ వేసి బాగా వేయించాలి.
3. ఈ మిశ్రమం అంతా గోధుమరంగులోకి వచ్చే దాకా వేయించిన తర్వాత అందులో కారం పొడి, జీలకర్ర పొడి, పసుపు, మెంతిపొడి, పంచదార, ఫుడ్ కలర్, తగినంత ఉప్పు వేసి వేసి బాగా కలిపి కొద్దిగా నీళ్లు పోయాలి.
4. నీళ్లు పోసిన తర్వాత వీటన్నిటినీ బాగా ఉడికేదాక ఉంచాలి. అప్పుడు గ్రేవీలాగా తయారవుతుంది. ముందుగానే వేయించి పెట్టుకున్న పనీర్ ముక్కలను ఇందులో వేసి అన్నీ కలిసేలా బాగా కలపాలి.
5. కాసేపు కలిపాక అందులో నూనె పైకి తేలుతుంది. అప్పుడు స్టౌవ్ ఆఫ్ చేసి ఈ పదార్థాన్ని ఒక బౌల్ లోకి తీసుకుని కొత్తిమీర గార్నిష్ చేయాలి. అంతే కడాయ్ పనీర్ రెడీ...