పాలక్-పొటాటో పలావ్ వంటకం

కావలసిన పదార్ధాలు:

బాస్మతి రైస్: 2cupd
పాలకూర: రెండు కట్టలు
పొటాటో: 2
కారట్: 2
ఉల్లిపాయ: 2
పచ్చిమిర్చి: 4-6
కొత్తిమీర తరుగు: 1cup
అల్లంవెల్లుల్లి పేస్ట్: 2tbps
గరం మసాలా పొడి: 2tsp
ఉప్పు: రుచికి తగినంత
కారం: 1tsp
పసుపు: చిటికెడు
నూనె: కావలసినంత
చెక్క: చిన్న ముక్క
వంగాలు, యాలకులు: 2:2
షాజీర: కొద్దిగా

తయారు చేయు విధానం:
1. ముందుగా బాస్మతి బియ్యాన్ని కడిగి పదినిమిషాలు నాననివ్వాలి.
2. తర్వాత పొటాటో(బంగాళదుంప), కారట్ ను శుభ్రం చేసి కట్ చేసి పెట్టుకోవాలి. అలాగే పాలకూర, కొత్తిమీర సన్నగా తరిగి ఉంచుకోవాలి.
3. పాన్ లో నూనె పోసి వేడయ్యాక మసాల దినుసులు వేయాలి. సన్నగా తరిగిన ఉల్లి, పచ్చిమిర్చి వేసి వేయించాలి. అల్లంవెల్లుల్లి పేస్ట్ వేసి వేగిన తరువాత పాలకూర, పొటాటో, కారట్ తురుము వేసి వేగనివ్వాలి.
4. అందులోనే చిటికెడు పసుపు, కారం, గరం మసాలా పొడి, కొత్తిమీర వేసి కలపాలి. ఇప్పుడు తగినన్ని నీళ్ళు పోసి మరిగాక బియ్యం, తగినంత ఉప్పు వేసి కలిపి కుక్కర్ మూత పెట్టి మూడు విజిల్స్ రానివ్వాలి.
5 అంతే క్రిందికి దింపుకొని ఆవిరి అంతా పోయాక కుక్కర్ మూత తీసి ఒకసారి అంతా కలకలిపి వేడిగా రైతాతో వడ్డిస్తే రుచిగా ఉంటుంది.