1. బచ్చలి లేదా పాలకూర :
ఆకుకూరలలో ఫోలిక్ ఆమ్లం సమృద్ధిగా ఉన్నకారణంగా, వీర్యకణాల ఆరోగ్యం మరియు నాణ్యతను మెరుగుపరచడంలో సహాయపడుతుందని చెప్పబడుతుంది. పాలకూరను తరచుగా తీసుకోవడం మూలంగా వీర్యకణాల సంఖ్య గణనీయంగా పెరుగుతుందని, మరియు వాటి నాణ్యత కూడా రెట్టింపు అవుతుందని చెప్పబడుతుంది.
2. గుడ్లు :
మనిషికి అందుబాటులో అత్యధిక ప్రోటీన్ మూలాలు ఉండి, అత్యంత చౌకగా లభించే ఉత్తమ వనరుగా గుడ్డు ఉంటుంది అనడంలో ఏమాత్రం అతిశయోక్తి లేదు. ఇందులో మీ వీర్యకణాల సంఖ్యను పెంచే మూలాలు అధికమొత్తాలలో ఉన్నాయని చెప్పబడుతుంది. ప్రోటీన్ ని వీర్యకణాల బిల్డింగ్ బ్లాక్ గా పేర్కొంటారు, క్రమంగా మంచి నాణ్యత కలిగిన ప్రోటీన్ వినియోగించడం మూలంగా మీ వీర్యకణాల సంఖ్య పెరుగుతుందని చెప్పబడుతుంది.
3. డార్క్ చాక్లెట్ :
మీకు డార్క్ చాక్లెట్ అలవాటు పెద్దగా లేకుండా, దాని షుగర్ వర్షన్ మీద అభిమానం ఎక్కువగా ఉన్నట్లైతే, మీరు మీ ఎంపికలను సవరించుకోవలసినదిగా మేము సూచిస్తున్నాము. చక్కెరలు వీర్యకణాలకు బద్ధ శత్రువుగా ఉన్నప్పటికీ, మరోవైపు డార్క్ చాక్లెట్లో అమైనో ఆమ్లాల నిక్షేపాలు అధికంగా ఉంటాయని చెప్పబడుతుంది. మరియు ఇది మీ వీర్యకణాల సంఖ్యను మరియు నాణ్యతను పెంచడానికి గొప్ప మార్గంగా చెప్పబడుతుంది.
4. వెల్లుల్లి :
వీర్యకణాల సంఖ్యను పెంచే జాబితాలో అత్యంత రుచిగా ఉండే ఆహార పదార్ధం కాకపోయినా, వెల్లుల్లి కొన్ని అద్భుతమైన గుణాలను కలిగి ఉంటుందని చెప్పబడుతుంది., క్రమంగా ఇది మీ వీర్యకణాల సంఖ్యను పెంచడానికి సహాయపడుతుంది. వెల్లుల్లి విటమిన్ B6 మరియు సెలీనియంతో ప్యాక్ చేయబడి ఉన్న కారణంగా వీర్యకణాల నష్టాన్ని నిరోధించడంలో అత్యుత్తమంగా సహాయపడగలదని చెప్పబడుతుంది.
5. అరటి పండు :
అరటిపండు ఖచ్చితంగా ఈ జాబితాకు న్యాయం చేస్తుంది. అంతేకాకుండా, అరటిపండు ఆరోగ్యం విషయంలో ఆల్ రౌండర్ పాత్రను పోషిస్తుంది. విటమిన్ A, B1 మరియు C నిక్షేపాల ఘనమైన వనరుగా ఉన్న కారణంగా, అరటిపండ్లను తరచుగా తీసుకోవడం ద్వారా, మీ వీర్యకణాల సంఖ్యను మరియు నాణ్యతను పెంచడంలో ఉత్తమంగా సహాయపడగలదని చెప్పబడుతుంది.
6. ఆయిస్టర్ :
ఆఫ్రోడిసియాక్ గా ప్రసిద్ది చెందిన ఈ ఆయిస్టర్స్, మీ టెస్టోస్టెరాన్ స్థాయిలను మరియు వీర్యకణాల ఉత్పత్తిని నిర్వహించడానికి సహాయపడగల, అత్యంత ముఖ్యమైన జింక్ వంటి ఖనిజాలతో కూడుకుని ఉంటుంది.
7. వాల్నట్స్ :
మీరు వాల్నట్స్ స్నాక్స్ తీసుకోవడం ఎక్కువగా ఇష్టపడుతున్నట్లైతే, ఇది మీకు అనేకరకాలుగా సహాయం చేయగల ఉత్తమ ఆహారపదార్ధంగా ఉండగలదు. వాల్నట్స్ ఓమేగా 3 ఫ్యాటీ యాసిడ్స్ తో నిండి ఉన్న కారణంగా, వృషణాలకు రక్త ప్రవాహాన్ని పెంచుతుంది, ఫలితంగా వీర్యకణాల సంఖ్య పెరగడంలో సహాయపడుతుందని చెప్పబడుతుంది.
8. ఆస్పరాగస్ :
ఈ హెల్తీ గ్రీన్ స్టిక్స్ లో విటమిన్ సి అధిక స్థాయిలు ఉన్న కారణంగా, ఫ్రీ రాడికల్స్ డ్యామేజ్ నుండి శుక్రకణాలను రక్షించగలుగుతుంది, తద్వారా వీర్యకణాల ఉత్పత్తి గణనీయంగా పెరుగుతుందని చెప్పబడుతుంది.
9. విటమిన్ డి ఘనంగా ఉండే ఆహారపదార్ధాలు :
విటమిన్ డి మరియు కాల్షియం తక్కువ స్థాయిలలో ఉన్న కారణంగా, వీర్యకణాల సంఖ్య తక్కువగా ఉండే అవకాశాలు ఉన్నాయని అనేక అధ్యయనాలలో రుజువైంది. అందువలన, మీ శరీరానికి తగిన మోతాదులో విటమిన్ డి మరియు కాల్షియం ఇవ్వడం మూలంగా ఆరోగ్యకరమైన ఎముకపుష్టిని కలిగి ఉండడమే కాకుండా, మీ వీర్యకణాల నాణ్యత మరియు పరిమాణాన్ని పెంచడంలో కూడా సహాయపడలదని చెప్పబడుతుంది.
10. పసుపు :
పసుపులో ఉండే శక్తివంతమైన కుర్కుమిన్, వీర్యకణాల నాణ్యతపై సానుకూల ప్రభావాన్ని కలిగి ఉంటుందని చెప్పబడుతుంది. ఈ సుగంధ ద్రవ్యాలు వీర్యకణాలు ఉత్పత్తి అయ్యే వృషణాల ప్రాంతానికి రక్తప్రవాహాన్ని మెరుగుపరచడమే కాకుండా, పురుషులలో మొత్తం వీర్యం ఉత్పాదక సామర్థ్యాన్ని పెంచడంలో కూడా సహాయపడగలదు.
11. పుట్ట గొడుగులు :
పుట్ట గొడుగులు చిన్నవిగా కనిపించవచ్చు, కానీ అవి శక్తి వంతమైన పోషకాలతో కూడుకుని ఉన్న పవర్ ప్యాక్డ్ ఆహార పదార్ధంగా చెప్పబడుతుంది. ఇవి మీ వీర్యకణాల సంఖ్యను పెంచడానికి సరిపడే విధంగా సుమారు 15 రకాల అత్యుత్తమ విటమిన్స్ మరియు మినిరల్స్ కలిగి ఉంటాయని చెప్పబడుతుంది. అంతేకాకుండా, ఇవి శరీరం లోపల, వివిధ కారణాల మూలంగా కూడా వీర్యకణాలను నాశనం కాకుండా కాపాడగలుగుతాయి.
12. ఓట్స్ :
ఓట్స్, ఆరోగ్యకరమైన అల్పాహారంగా మాత్రమే కాకుండా, మీ పునరుత్పత్తి సామర్ధ్యాన్ని ఉత్తమ స్థానంలో ఉంచడానికి సరిపోయే గొప్ప లక్షణాలను కలిగి ఉంటుంది. ఇవి మీ కొలెస్ట్రాల్ స్థాయిలను తగ్గించడంలో సహాయపడటమే కాకుండా, సంతానోత్పత్తిని మెరుగుపరచడంలో భాగంగా వీర్యకణాల ఉత్పత్తిలో కీలక పాత్రను పోషిస్తుంది.
13. సాల్మన్ ఫిష్ :
సాల్మన్ ఫిష్ అధిక మొత్తాలలో ఒమేగా 3 ఫ్యాటీ యాసిడ్స్ కలిగి ఉంటాయి. క్రమంగా ఇది అత్యంత ఆరోగ్యవంతమైన సీఫుడ్ గా పేర్కొనడం జరుగుతుంది. అంతేకాకుండా, ఇది మీ వీర్యకణాల నాణ్యతను మరియు సంఖ్యను పెంచడంలో సహాయపడగలిగే, విటమిన్ B మరియు D యొక్క అద్భుతమైన మూలంగా ఉంటుందని సూచించబడుతుంది.
14. స్వీట్ పొటాటో (చిలగడ దుంప) :
ఇవి అత్యధిక మోతాదులలో విటమిన్ ఎ నిక్షేపాలను కలిగి ఉంటాయి. విటమిన్ ఎ శక్తివంతమైన యాంటీ ఆక్సిడెంట్ గా ఉంటుంది, మరియు ఫ్రీ రాడికల్ డ్యామేజ్ నుండి శుక్రకణాలను రక్షిస్తుంది. స్వీట్ పొటాటోలో ఉండే పోషకాలు, వీర్యకణాల ఉత్పత్తిలో సహాయపడుతాయి. మరియు ఈ రెండు కారకాల కారణంగా, మీ వీర్యకణాల ఉత్పత్తి గణనీయంగా పెరగడంలో ప్రభావాన్ని కలిగి ఉంటాయని చెప్పబడుతుంది.
మీ వీర్యకణాల సంఖ్యను, నాణ్యతను మెరుగుపరచడంలో కొన్ని జీవనశైలి చిట్కాలను అనుసరించడం కూడా ముఖ్యమైన పాత్రను పోషిస్తాయి. మీరు ఎంత గొప్ప ఆహారప్రణాళికను అనుసరిస్తున్నప్పటికీ, గణనీయమైన జీవనశైలి మార్పులను కలిగిలేని పక్షంలో ఎటువంటి పురోగతిని కూడా సాధించలేరని గుర్తుంచుకోండి.