ఆ పిల్ల హ్యాండ్ ఇచ్చినా నా భర్త తననే తలుచుకుంటూ ఉంటాడు, ఆయనపై అసహ్యం పుడుతుంది #mystory306

ఈ విషయాలన్నీ నాకు ముందే తెలుసు. ఎందుకంటే నా భర్త స్వయానా మా అమ్మ అన్న కొడుకు. అప్పట్లో మా మామయ్య తన కొడుకు పరిస్థితి చాలా బాధపడ్డాడు.

తనను అలాగే విడిచిపెడితే పిచ్చి వాడైపోతాడనుకున్నాడు. అందుకే వెంటనే మా అమ్మతో అన్ని విషయాలు చెప్పి నాతో పెళ్లికి ఏర్పాట్లు చేశారు. ఎంతైనా సొంత బావనే కదాని నేను కూడా పెళ్లికి ఒప్పుకన్నా.

పెళ్లయ్యాక మా బావతో రోజూ ఇబ్బందిపడుతున్నా. తన గర్ల్ ఫ్రెండ్ గురించి ఎప్పుడూ నాకు చెబుతూ ఉంటాడు. తనలాంటి అందెగత్తె ఈ విశ్వంలోనే ఇంకెవ్వరూ ఉండరని ఆమెను పొగుడుతూ ఉంటాడు.

ఏమండీ అదెక్కడో తన భర్తతో హ్యాపీగా కాపురం చేసుకుంటూ ఉంది.. తను నిన్ను పూర్తిగా మరిచిపోయింది. నువ్వెందుకు తన గురించి అంతలా ఆలోచిస్తావంటే వినడు. తనను ఎంత మర్చిపోవాలనుకున్నా నేను మరిచిపోలేను అంటాడు.

నా భర్త తన మాజీ ప్రియురాలినే మనస్సులో తలచుకుంటూనే నాతో రాత్రి పడుకుంటాడు. ముద్దులు పెట్టేది నాకే.. కానీ ఊహించుకునేది తనని. ఆ పని కూడా నాతోనే చేస్తాడు కానీ తన మనస్సులో ఊహించుకునేది మాత్రం తన ప్రియురాలినే.

నేను మొదట కొన్నాళ్లు భరించాను. కానీ రానురాను ఆయన ఆగడాలు మరీ మితిమీరిపోతున్నాయి. ఆయన ఊహాప్రపంచం గురించి నాకు కూడా చెప్పాడు. తన ప్రేయసి తనతో ఎలా ప్రవర్తించేదో అవన్నీ చెప్పి నన్ను కూడా అలా తనతో ప్రవర్తించమంటున్నాడు.

నాకు మా ఆయన తీరు అస్సలు నచ్చడం లేదు. శృంగారం సమయంలో నా భర్త తన ప్రియురాలిని ఊహించుకుని నాతో పాల్గొనడం నాకు అస్సలు నచ్చడం లేదు.

తాను ఎప్పుడూ ఏదో ఒక లోకంలో ఉంటాడు. తనలో తను నవ్వుకుంటూ ఉంటాడు. పెళ్లికి ముందు మా ఆయన ప్రేమించడం తప్పు కాదు. కానీ ఆ పిల్ల హ్యాండ్ ఇచ్చి వెళ్లాక కూడా తననే తలుచుకుంటూ ఉండడం నన్ను బాధిస్తుంది.

తన ప్రతి సమస్యను అర్థం చేసుకుని, తననే సర్వసంగా భావించి బతికే నన్ను పట్టించుకోకుండా మోసం చేసిన అమ్మాయి గురించే ఆలోచించడం కరెక్టేనా? నా భర్త సొంతం నా బావనే కాబట్టి ఏమనలేకపోతున్నాను.

అయితే నా భర్తతో కొన్నాళ్లుగా అసలు శృంగారంలో పాల్గొనడం లేదు. అలా అయినా దారిలోకి వస్తాడని నేను అనుకుంటున్నాను. నా ప్లేస్ లో మీరుంటే ఏం చేస్తారో చెప్పండి.