పురుషులలో అంగస్తంభన కారణంగా గుండె జబ్బులా? వాస్తలేంటో తెలుసుకోండి..

వివాహం జరిగిన దంపతుల్లో శారీరక సంబంధం కీలక పాత్ర పోషిస్తుంది. అయితే కొన్నిసార్లు పురుషులు లైంగిక సంపర్కం సమయంలో అనేక సమస్యలను ఎదుర్కొంటారని వెలుగు చూసింది. ఈ సమస్యలున్న పురుషులకు గుండె జబ్బులు వచ్చే అవకాశాలు ఎక్కువగా ఉన్నాయని తాజా అధ్యయనంలో తేలిందని వెలుగు చూసింది. ఈ అధ్యయనం వివరాలు తెలుసుకుందాం.

లైంగిక సంపర్కం సమయంలో కొందరు పురుషులు కొన్నిసార్లు అంగస్తంభన సమస్యతో బాధపడుతున్నారు. ఒక వ్యక్తి అతని భాగస్వామితో లైంగిక సంపర్కం సమయంలో అంగస్తంభన సమస్యతో బాధపడుతుంటే అతనికి గుండె జబ్బులు వచ్చే ప్రమాదం ఎక్కువగా ఉందని తాజా అధ్యయనంలో తేలింది.

పురుషులలో అంగస్తంభన లోపం దంపతుల మధ్య తక్కువ ఉద్రిక్తత, వారి సంబంధంలో బాధను కలిగిస్తుంది. ఇలాంటి సమస్యలు ఎక్కువగా ఉన్న దంపతులు విడాకులు తీసుకోవడానికి ఎక్కువ ఆసక్తి చూపిస్తాారని తెలిసింది.

నిపుణుల పరిశోధనలో ఏం తేలిందో తెలుసా

తాజా అధ్యయనం వివరాలను ఆక్స్‌ఫర్డ్ అకాడమీ జర్నల్ ఆఫ్ సెక్సువల్ మెడిసిన్‌లో ప్రచురించారు. ఈ అధ్యయనం ప్రకారం సాధారణ పురుషులతో పోలిస్తే మయోకార్డియల్ ఇన్‌ఫార్క్షన్, గుండె జబ్బులు మరియు స్ట్రోక్‌తో సహా తీవ్రమైన వ్యాధుల ప్రమాదం ఎక్కువగా ఉందని సంబంధిత నిపుణులు అంటున్నారు.

లక్షల మంది పురుషులను పరిశోధించారు?

ఈ అధ్యయనంలో గ్రామీణ, పట్టణ ప్రాంతాల్లో మొత్తం 4,30,621 మంది పురుషులు ఉన్నారు. వారిలో అంగస్తంభన సమస్య ఉన్న పురుషులకు గుండె జబ్బులు వచ్చే ప్రమాదం ఎక్కువగా ఉంటుంది. అధ్యయన సమూహాలను అంగస్తంభన పట్టణ, అంగస్తంభన గ్రామీణ, అంగస్తంభన నో అర్బన్, అంగస్తంభన నో రూరల్‌గా విభజించారు. ట్రెండ్ స్కోర్‌లను గుర్తించడానికి బహుళ లాజిస్టిక్ రిగ్రెషన్ మోడల్ ఉపయోగించబడిందని, ఆ పరిశోధనల ద్వారా ఈ విషయాలు వెలుగు చూశాయని సంబంధిత నిపుణులు తెలిపారు.

అంగస్తంభన ఉంటే ఏమి చేయాలో చెప్పిన నిపుణులు

ఒక వ్యక్తికి అంగస్తంభన సమస్య ఉంటే ఏమి చేయాలో కూడా పరిశోధనలె చెబుతున్నాయి. అంగస్తంభన సమస్య ఉన్న రోగుల చికిత్సలో, వైద్యులు గుండె జబ్బుల ప్రాథమిక, ద్వితీయ నివారణకు ప్రమాద కారకాలపై దృష్టి సారించాలని నివేదిక పేర్కొంది. మొత్తం మీద పురుషులు శారీరక సంబంధం పెట్టుకున్న సమయంలో అంగస్థంభన సమస్యల కారణంగా గుండె జబ్బులతో పాటు అనేక సమస్యలతో సతమతం అవుతారని తాజా పరిశోధనలో తేలిందని ఆ నివేదిక తెలిపింది.

Disclaimer: ఈ ఆర్టికల్ లో అందించిన సమాచారం సాధారణ సమాచారం,విద్యా ప్రయోజనాల కోసం మాత్రమే. ఇది వృత్తిపరమైన వైద్య సలహా, రోగ నిర్ధారణ లేదా ట్రీట్మెంట్ కు ప్రత్యామ్నాయంగా ఉద్దేశించబడలేదు. వైద్య పరిస్థితికి సంబంధించి మీకు ఏవైనా ప్రశ్నలు ఉంటే మీ డాక్టర్ లేదా సంబంధిత నిపుణుల సలహా తీసుకోండి.