Budh asta: బలహీనపడ్డ బుధుడు..స్టాక్ మార్కెట్, వ్యాపారంలో మొత్తం తల్లకిందులు,వారికి మాత్రం..

జ్యోతిష్యశాస్త్రం ప్రకారం గ్రహాలకు రాకుమారుడిగా,కమ్యూనికేషన్, వ్యాపారానికి కారకుడిగా భావించే బుధుడు సోమవారం( మార్చి 17)సాయంత్రం మీన రాశిలో అస్తమించాడు. ఇది 16 రోజులు ఈ స్థితిలో ఉంటుంది. అస్తమించడం అంటే ఒక గ్రహం సూర్యుడిని సమీపించినప్పుడు అది అస్తమిస్తున్నట్లు పరిగణించబడుతుంది. జ్యోతిష్యశాస్త్రంలో బుధుడు సూర్యుడి చుట్టూ తిరిగే కక్ష్యలో ఒక నిర్దిష్ట సమయంలో సూర్యుడికి చాలా దగ్గరగా వచ్చినప్పుడు దానిని బుధుడి అస్తమం అంటారు. ఖగోళ శాస్త్ర పరంగా చూస్తే భూమి నుండి చూసేటప్పుడు బుధ గ్రహం సూర్యుని కాంతిలో కలిసిపోయి కనిపించకుండా పోతుంది.

జ్యోతిష్యంలో బుధుడుని కమ్యూనికేషన్, తెలివితేటలు, విశ్లేషణ, వ్యాపారం, విద్య, ప్రయాణాలకు కారకుడిగా భావిస్తారు. బుధుడు అస్తమించినప్పుడు ఈ అంశాలకు సంబంధించిన విషయాలలో కొంత మందగమనం లేదా బలహీనత ఉంటుందని పండితులు చెబుతుంటారు. అస్తమం సమయంలో ఆ గ్రహం శక్తి బలహీనపడుతుంది. ప్రస్తుతం బుధుడు బలహీనమైన శక్తి కారణంగా పూర్తి ఫలితాలను ఇవ్వలేడు. పంచాంగం ప్రకారం బుధుడు ఏప్రిల్ 2 బుధవారం ఉదయం 5.28 గంటల వరకు అస్తమించే స్థితిలో ఉంటాడు. బుధ అస్తమంతో వ్యాపారం, స్టాక్ మార్కెట్ ఏప్రిల్ 2వ తేదీ వరకు ఎలా ఉంటుందో ఇక్కడ చూడండి.

వీరు చాలా జాగ్రత్తగా ఉండాలి

బుధ గ్రహం అస్తమించడం వల్ల భారతదేశంతో సహా ప్రపంచవ్యాప్తంగా సృజనాత్మకత సంబంధిత వ్యాపారాలు చేస్తున్న కళాకారులు, వ్యక్తులు వ్యాపారంలో మందగమనాన్ని ఎదుర్కోవచ్చు. పెద్ద కంపెనీలలో అపార్థం, కమ్యూనికేషన్ లేకపోవడం,గందరగోళం వంటి సమస్యలు కనిపిస్తాయి. బుధ గ్రహం అస్తమం వల్ల సీనియర్ ప్రభుత్వ నాయకులు, అధికారుల నాలుక జారడం వల్ల సమస్యలు పెరగవచ్చు. దీనికి మీరు క్షమాపణ చెప్పాల్సి రావచ్చు. బుధ గ్రహం అస్తమ ప్రభావం వల్ల విదేశీ సమస్యలు పెరగుతాయి.

బుధు అస్తమం సమయంలో ప్రముఖులు,ఉన్నత స్థానాల్లో ఉన్న వ్యక్తులు మీడియా ప్రశ్నలతో చిరాకు లేదా కొంచెం అసౌకర్యంగా అనిపించవచ్చు. జర్నలిజం, కౌన్సెలింగ్ రంగాలు వంటి కమ్యూనికేషన్ రంగానికి సంబంధించిన వ్యక్తులు అధికారులు, ప్రభావవంతమైన వ్యక్తులు సృష్టించే సమస్యలను ఎదుర్కోవచ్చు. ఏప్రిల్ 2వ తేదీ దరకు కౌన్సిలర్లు, మోటివేషనల్ స్పీకర్స్ వంటి కెరీర్‌ లలో ఉన్న వ్యక్తులు తమ పనిలో క్షీణతను ఎదుర్కోవచ్చు.

స్టాక్ మార్కెట్ పై ఎలాంటి ప్రభావం ఉంటుంది

బుధుడు బలహీనమైన శక్తి కారణంగా పూర్తి ఫలితాలను ఇవ్వలేడు. దీని ఎఫెక్ట్ స్టాక్ మార్కెట్ పై కూడా గట్టిగానే ఉంటుందని పండితులు చెబుతున్నారు. కమ్యూనికేషన్, వ్యాపారంలో సమస్యలు ఉంటాయని తెలిపారు. ఇది ముఖ్యమైన ప్రాజెక్టులపై పనిచేసే పరిశోధన సంస్థలపై ప్రతికూల ప్రభావాన్ని చూపవచ్చు. దీనివల్ల ప్రణాళిక ఆలస్యం కావచ్చు.

వీరికి అద్భుతం
అయితే బుధుడి అస్తమం ప్రతి ఒక్కరిపై ఒకే విధమైన ప్రభావాన్ని చూపదని గుర్తుంచుకోవడం ముఖ్యం. ఇది వ్యక్తిగత జాతకంలోని బుధుడి స్థానం, ఇతర గ్రహాల ప్రభావాలపై కూడా ఆధారపడి ఉంటుంది. కొంతమందికి ఇది పెద్దగా ప్రభావం చూపకపోవచ్చు. బుధుడు అస్తమించిన సమయంలో ముఖ్యంగా కమ్యూనికేషన్ మరియు డాక్యుమెంటేషన్‌కు సంబంధించిన విషయాల్లో జాగ్రత్తగా ఉండాలని జ్యోతిష్య నిపుణులు సూచిస్తారు. కొత్త ప్రాజెక్ట్‌లు ప్రారంభించడం లేదా ముఖ్యమైన ఒప్పందాలు చేసుకోవడం ఈ సమయంలో అంత మంచిది కాదని భావిస్తారు.

మంచి విషయం ఏమిటంటే విద్యుత్ ఉత్పత్తులు, విద్యుత్, టీ-కాఫీ పరిశ్రమ, సిమెంట్, రసాయన, వజ్రం, భారీ ఇంజనీరింగ్ మొదలైన రంగాల పనితీరు అద్భుతంగా ఉంటుంది. ముఖ్యంగా సాంకేతిక రంగంలో మందగమనం ఉండవచ్చు.

Disclaimer: ఈ ఆర్టికల్ లో ప్రస్తావించబడిన రత్నాల ప్రయోజనాలు సాంప్రదాయ నమ్మకాలు, జ్యోతిషశాస్త్ర పద్ధతులపై ఆధారపడి ఉంటాయి. ఫలితాలు వ్యక్తి నుండి వ్యక్తికి మారవచ్చు. జ్యోతిషశాస్త్ర ప్రయోజనాల కోసం ఏదైనా రత్నాన్ని ధరించే ముందు ధృవీకరించబడిన జ్యోతిష్కుడు లేదా రత్న నిపుణుడిని సంప్రదించండి. ఈ కంటెంట్ సమాచార ప్రయోజనాల కోసం మాత్రమే ఉద్దేశించబడింది.