Surya dosham: ఆదివారం అవి తింటే సూర్యడికి కోపం..జీవితంలో కష్టాలు,అనారోగ్యం

జాతకంలో గ్రహ దోషం ఉంటే అనేక ఇబ్బందులు ఎదుర్కోవాల్సి వస్తుందని జ్యోతిష్య శాస్త్రం చెబుతోంది. జ్యోతిష్య శాస్త్రం ప్రకారం వ్యక్తి జాతకంలో సూర్యభగవానుడు బలమైన స్థానంలో ఉంటే ఆ వ్యక్తి అనేక ప్రయోజనాలను పొందుతారు. అదే సమయంలో ఒక వ్యక్తి జాతకంలో సూర్యుడు బలహీనంగా ఉంటే ఆ వ్యక్తి వృత్తి,గౌరవం,ఆరోగ్యం మొదలైన అంశాల్లో ఇబ్బందులు ఎదుర్కోంటారు. సూర్య దోషం(surya dosham) తొలగించుకోడానికి జ్యోతిషశాస్త్రంలో కొన్ని ప్రభావవంతమైన నివారణలు తెలుపబడ్డాయి. ఈ పరిహారాలు సూర్య దోషం యొక్క అశుభ ప్రభావాలను తొలగించి, సూర్యుడిని బలపరుస్తాయి. దీంతో మీకు శుభ ఫలితాలు వస్తాయి.

ఆదివారం వస్తే చాలు చాలామంది ఇళ్లల్లోని వంటగదుల్లో పొద్దునే నాన్ వంటకాలు రెడీ అవుతుంటాయి. సండే అంటే చికెన్ డేగా పరిగణిస్తుంటారు కొందరు. సాధారణంగా మన దగ్గర నాన్ వెజ్ అంటే చికెన్ తినేటోళ్లు ఎక్కువ.. దీనికి కారణం మటన్ ధరలు ఎక్కువగా ఉండటమే. అయితే ఆదివారం కొన్ని రకాల ఆహార పదార్ధాలను తినడం వలన సూర్యుడికి కోపం వస్తుందని,జీవితంలో కష్టాలు వస్తాయని అనారోగ్యంతో ఇబ్బంది పడతారని నమ్మకం.

సనాతన ధర్మంలో ఆదివారానికి చాలా ప్రాముఖ్యత ఉంది. ఇది తెలియక చాలా మంది కొన్ని తప్పులు చేస్తూ ఉంటారు. ముఖ్యంగా తినే ఆహారం విషయంలో పెద్దగా పట్టించుకోరు. ఆదివారం లేదా భానువారం సూర్యునికి అత్యంత ప్రీతికరమైన రోజు. నవగ్రహాలలలో సూర్యగ్రహం మొట్టమొదటి. ఎవరి జాతకంలోనైనా సూర్యుడు స్థానం సరిగ్గా లేకపోయినా లేదా సూర్యుడు చెడు స్థానంలో ఉన్నా ఆదివారాలు ఏయే ఆహార పదార్థాలకు దూరంగా ఉండడం మంచిదో ఇప్పుడు చూద్దాం.

ఆదివారం వీటిని తినకూడదు
-ఆదివారం రోజు మద్యం లేదా మందుకి దూరంగా ఉండటం మంచిది.

-మీ జాతకంలో సూర్య దోషం ఉంటే ఆదివారం చేపలు తినకూడదు. ఆదివారం చేపలు తినడం అశుభం అని పండితులు చెబుతున్నారు.

-ఆదివారం ఉల్లి వెల్లుల్లి కూడా తినకూడదు. ఈ రోజున మనం తినే ఆహారంలో వీటిని లేకుండా చూసుకోవాలి. ఉల్లి,వెల్లుల్లి తినడం ఆరోగ్యానికి మంచిదే అయినప్పటికీ వీటిని ఆదివారం తినడం అనారోగ్యానికి కారణం అని జ్యోతిష్య శాస్త్రం తెలియజేస్తోంది.

-ఉసిరికాయలను ఆదివారం రోజున తినడం అశుభకరమైనదిగా పరిగణించబడుతుంది.

-ఆదివారం పాలకూర కూడా తినకూడదు. ఆదివారం పాలకూర తినడం అశుభమని నమ్మకం.

-ఆదివారం రోజున చిక్కుడు,బీన్స్ వంటి వాటిని తినకూడదని పండితులు తెలిపారు.

Disclaimer: ఈ ఆర్టికల్ లో ప్రస్తావించబడిన రత్నాల ప్రయోజనాలు సాంప్రదాయ నమ్మకాలు, జ్యోతిషశాస్త్ర పద్ధతులపై ఆధారపడి ఉంటాయి. ఫలితాలు వ్యక్తి నుండి వ్యక్తికి మారవచ్చు. జ్యోతిషశాస్త్ర ప్రయోజనాల కోసం ఏదైనా రత్నాన్ని ధరించే ముందు ధృవీకరించబడిన జ్యోతిష్కుడు లేదా రత్న నిపుణుడిని సంప్రదించండి. ఈ కంటెంట్ సమాచార ప్రయోజనాల కోసం మాత్రమే ఉద్దేశించబడింది.