నిత్యం యవ్వనంగా కనిపించడం కోసం...

నిత్యం యవ్వనంగా కనపడాలని ఎవరికివుండదు. ప్రతి ఒక్కరు ఆరోగ్యంగా వుండాలని ఏవేవో మందులు వాడటం, యోగాలు, ఆసనాలు చేయడం, డైటింగ్ చేయడం లాంటివి ఎన్నో చేస్తుంటారు. అలాంటి వారు అశ్వగంధాది చూర్ణం వాడితే చాలా మంచిదని ఆయుర్వేద వైద్యులు తెలిపారు.

నాడీ వ్యవస్థని బలసంపన్నం చేసే ఔషధాలలో అశ్వగంధాది చూర్ణం ఒకటి. ఇందులో పెన్నేరు, శొంఠి, పిప్పళ్ళు, మిరియాలు, లవంగాలు, భారంగి, తాళీ సపత్రి, కర్జూరాలు, జరుమాంసి, కంకోలవంటి అనేకానేక బలవర్ధకమైన మూలికలు వుంటాయి.

ముఖ్యంగా ఇందులో వృద్ధాప్యాన్ని నివారించే గుణంవుంది. ధాతుక్షయం, శరీర దౌర్భల్యం, పైత్య వ్యాధులు, తల త్రిప్పటం లాంటివి వుంటే ఈ చూర్ణం తీసుకుంటే తగ్గుతాయి. ఇది చర్మానికి మంచి పోషణనిస్తుంది. కండరాలు శక్తివంతమవుతాయి. జీర్ణ శక్తి బాగుంటుంది. చక్కటి నిద్ర కూడా వస్తుంది. ఈ చూర్ణం తీసుకుంటే త్వరగా ముసలితనం రాదని ఆయుర్వేద వైద్యులు పేర్కొన్నారు.