ఆలివ్ అయిల్ ఎక్కువ రోజులు నిల్వ ఉంటే..?

Published: Saturday, December 10, 2011, 16:17 [IST]

ఆలివ్ నూనె ఎక్కువ రోజుల నిల్వ ఉంటే పోషకాలు తగ్గి పోవచ్చు. కాబట్టి ఆలివ్ నూనె సీసా లేదా డబ్బా మూత తెరిచిన వెంటనే వాడు కోవటం శ్రేయస్కరం. ఆలివ్ నూనెతో చేకూరే లబ్ధి గురించి అవగాహన పెరగటంతో చాలా మంది ఈ నూనె వాడకం వైపు మొగ్గుచూపుతున్నారు. నిజానికి ఇందులో కొవ్వు మోతాదు అధికమే. అయినప్పటికి ఇది ఆరోగ్యానికి ఏలా మేలు చేస్తుందని చాలా మంది ప్రశ్తిస్తుంటారు.

ఇందుకు కారణం ఆలివ్ నూనెలోని మోనో అన్‌సాచురేటెడ్ ఫ్యాటీ ఆసిడ్స్, మనకు ఆహారం ద్వారా లభించే కొవ్వుల్లో చాలా ఆరోగ్యకరమైనవి. ఇవి గుండె జబ్బుకు కారణమయ్యే ఎల్‌డీఎల్ కొలెస్ట్రాల్‌ను తగ్గించటంలో తోడ్పడతాయి. అంతేకాదు.. రక్తంలో ఇన్స్‌లిన్ స్థాయి, చక్కెర శాతాన్ని నియంత్రించటంలోనూ ఆలివ్ ఆయిల్ తొడ్పడుతున్నట్లు పలు అధ్యయనాల్లో తేలింది. అయితే ఆలివ్ నూనె ఎంత ఆరోగ్యకమైనదైనా ఇందులో కెలరీలు అధికంగా ఉంటాయని గుర్తుంచుకోవాలి. కాబట్టి దీన్ని పరిమితంగానే వాడుకోవాలి.