అందంతో పాటు సామర్థ్యాన్ని తెలిపే పెదాలు...!

Body Care

oi-Saraswathi

By Sindhu

Published: Monday, July 16, 2012, 13:06 [IST]

పెదవులు ముఖంలో అద్భుతమైన లక్షణాలు కలిగి ఉంటాయి. ముఖంలో సంతోషం, బాధ చిరునవ్వు, హాస్యం వంటివి ముఖకవలికల్లో బాగం. ఆ ముఖ కవలికల్లో పెదవుల పాత్ర కూడా ఉంది. కాబట్టి ముఖంలో పెదాలకు కూడా రక్షణ కల్పించాలి. అప్పుడే ఆ వ్యక్తి యొక్క సామర్థ్యం మరింత పెంచుకోకలుగుతారు. పెదాల విషయంలో చాల సున్నితంగా ఉండాలి. ఏమాత్రం చిన్న గాయం అయినా సరే అప్పుడే పెదాలు వాచడం, లెదా ఉబ్బుకోవడం వంటి లక్షణాలు కనబడుతాయి. పెదావులు ఎప్పుడూ ఆకర్షనీయంగా ఉండాలి. పెదాలపై కూడా కేర్ తీసుకొంటే మరింత ఆకర్షణీయంగా కనబడుతాయి. ముందుగా పెదాలను వాతావరణ తీవ్రత నుండి కాపాడుకోవాలి. ప్రతి మూడు నెలలకొక సారి వాతావరణంలో మార్పు సహజం. వాతావరణాన్ని బట్టి శరీరంలో కూడా కొన్ని కొన్ని మార్పులు జరుగుతుంటాయి. అయితే వాటికి సరైన జాగ్రత్తలు తీసుకొంటే ఎప్పుడూ ఆరోగ్యంగా, యవ్వనంగా, ఆకర్షనీయంగా కనబడుతారు. ముఖ్యంగా పెదాలు ఎక్కువ చలి, లేదా ఎక్కువ వేడికి పగలడం, లేదా పొడిబారడం, దాంతో పెదాలు చీలి, రక్తం కారడం వంటి సమస్యలు ఏర్పడుతుంటాయి.

మృదువుగా, అందంగా ఉండే పెదాలు మంచి ఆరోగ్యానికి చిహ్నాలని చెప్పవచ్చు. అయితే పెదాలు తడిగా ఉండేందుకు అక్కడ నూనె గ్రంధులేవీ ఉండనందువల్ల అవి తరచు పొడిగా మారుతుంటాయి. పెదాలను నాలుకతో తడిచేసుకోవడం చాలామందిలో మనం గమనిస్తున్నదే. కాని అలా చేయడం మంచిది కాదని వైద్యులు చెబుతుంటారు. చలికాలంలో చర్మం పొడిగా మారి చాలా చోట్ల పగుళ్లు ఏర్పడడం, చిట్లిపోవడం జరుగుతుంటుంది. పెదాలు చిట్లిపోయి రక్తం కూడా కారుతుంది. పెదాలు చిట్లిపోవడానికి చాలా కారణాలు ఉంటాయి. విటమిన్ల లోపం, శరీరంలో నీటి నిల్వలు తగ్గిపోవడం, వాతావరణ మార్పులు ఇందులో ముఖ్యమైనవి.
వర్షా కాలంలో పెదాల సంరక్షణకు తీసుకోవలసిన సూచనలు ఇవి:
1. కీరా ముక్కను పెదాలపై రాయడం వల్ల పెదాలు మృదువుగా ఉంటాయి.
2. కలబంద రసాన్ని పూయడం వల్ల కూడా ప్రయోజనం ఉంటుంది.
3. ఆలివ్ ఆయిల్‌ను రాయడం వల్ల కూడా పెదాల పగుళ్లు తగ్గుతాయి.
4. చవకరకం లిప్‌ స్టిక్స్ వాడవద్దు. పెట్రోలియం జెల్లీని రాసుకోవాలి. విటమిన్ ఇ ఆయింట్‌మెంట్ రాసుకుంటే పెదాల పగుళ్లు మానుతాయి.
5. రాత్రుళ్లు పడుకునే ముందు పెదాలపై పేరుకుని ఉన్న నెయ్యి రాయడం వల్ల ఉదయానికి పెదాలు మృదువుగా, మెరుస్తూ కనపడతాయి.
6. మార్కెట్లో దొరికే టీ బ్యాగును గోరువెచ్చని నీటిలో ముంచి పెదాలపై నాలుగైదు నిమిషాల సేపు ఉంచడం వల్ల పెదాలకు కావలసిన తేమ ఏర్పడి నిగారింపు వస్తుంది.
7. విటమిన్ ఎ, బి,సి, బి2, ఇ లోపాల వల్ల కూడా పెదాలు చిట్లిపోయి రక్తం కారుతుంది. ఈ విటమిన్లు దొరికే కూరగాయలు, పండ్లు తీసుకోవడంతోపాటు విటమిన్ టాబ్లెట్లు తీసుకోవాలి.
8. కొన్ని అలర్జీల వల్ల కూడా పెదాలు అందవిహీనంగా తయారయ్యే అవకాశం ఉంది. అలాంటి పరిస్థితులలో వైద్యుని పర్యవేక్షణలో మందులు తీసుకోవడం మంచిది.
9. పెదాలు చిట్లిపోతే తడిగా ఉండేందుకు నాలికతో తడిచేసుకోవద్దు. అలా చేయడం వల్ల తాత్కాలిక ఉపశమన ఉంటుంది కాని తడి ఆరిన తర్వాత నొప్పి అధికం అవుతుంది.
బాగా నీరు తాగాలి. కనీసం రోజుకు పది గ్లాసుల నీరు తాగాలి.
10. సాధారణంగా శరీరంలో మృత చర్మానికి చాలా జాగ్రత్త తీసుకొంటాం. అయితే పెదాలపై మృత చర్మం గురించి అంతగా పట్టించుకోము. అటువంటప్పుడు పెదాలు చీలడం, రక్తం కారడం వంటివి జరగుతాయి. అలాజరగకుండా అప్పుడప్పుడూ పెదాల మీద మృత చర్మాన్ని తొలగిస్తుండాలి. అందుకు పళ్ళు రుద్దుకొనే బ్రష్ తీసుకొని పెదాల మీద సున్నితంగా రుద్దినట్లైతే మృత చర్మం తొలగిపోయి. పెదాలు తాజాగా కనబడుతాయి.