ఐశ్వర రాయ్ అందాలు..రహస్యం...

Body Care

oi-Saraswathi

By Sindhu

Published: Wednesday, March 7, 2012, 16:57 [IST]

ప్రపంచం మెచ్చిన సౌందర్యరాశి ఐశ్వర్య రాయ్ సంవత్సరాల తరబడి వన్నె తరగని అందంతో మెరిసిపోతూనే ఉంది. ప్రపంచ వ్యాప్తంగా మన్ననలు పొందిన బాలీవుడ్ బ్యూటీ ఈమె. ఫిల్మ్ మేకర్స్ మొదలు టీనేజ్ బాయ్స్ వరకూ ఆమెను ఆరాధించే వారే. 1994 లో మిస్ వరల్డ్ టైటిల్ పొందినది మొదలు ఐశ్వర్య రాయ్ భారతీయ మహిళలను ఎంతగానో ప్రభావితం చేసారు. సాంప్రదాయ సుడిగుండంలో చిక్కుకోకుండా ఐష్ తన ప్రతిభకు మెరుగులు పెడుతూనే ఉన్నారు. వివాహానంతరం కూడా ఆమె తన కెరీర్ గ్రాఫ్ నూ పెంచుకుంటూనే వచ్చారు. అందరూ మెచ్చే అందం..చందం..ఆమె ఎలా సొంతం చేసుకొందే ఆమె మాటల్లోనే...పుట్టుకతో వచ్చిన అందాన్ని కాపాడుకుంటూ, దానికి మరింత మెరుగులు దిద్దుకోవలసిన బాధ్యత మనదే అంటుంది. అదెలా అంటే

ఐశ్వర్య రాయ్ అందమైన చర్మ సౌందర్యం కలదు. ఆమెలో దాగున్న అందం వెనుక స్కిన్ క్వాలిటీ. ఐశ్వర్య రాయ్ తన చర్మ, కేశ సౌందర్యానికి చాలా ప్రాధాన్యత ఇచ్చి కేర్ తీసుకుంటుంది. దాంతో ఆమె చర్మం ఎల్లప్పుడు స్కిన్ హైడ్రేషన్ కలిగి ఉండటం వల్ల చర్మం పొడిబారటం, ఆయిల్ కలిగి ఉండటం జరగవు.

1. ప్రతి రోజూ కనీసం ఎనిమిది గ్లాసుల నీటిని తప్పనిసరిగా తాగుతుందట. దాని వలన ఆమె శరీరంలోని మలినాలు బయటకు వెళ్లిపోతాయి.
2. రోజూ ఉదయమే గోరువెచ్చని నీటిలో తేనె, నిమ్మకాయ రసం కలుపుకుని తాగితే చర్మానికి నిగారింపుకు దోహదం చేస్తుంది అంటోంది ఐష్.
3. అతిగా మేకప్ చేయడం వల్ల అందాన్ని దెబ్బతీస్తుంది. తేలికపాటి మేకప్ తోనే అందంగా కనిపించవచ్చు.
4. యోగాసనాలు, వ్యాయామాలు శరీరాకతిని కాపాడుకోవడానికి దోహదం చేస్తాయి.
5. ఎటువంటం పరిస్థితుల్లోనూ నిద్రను అలక్ష్యం చేయనని కూడా చెబుతోంది. ఆరు గంటలు గాఢంగా నిద్రతో పాటు మితంగా ఆహారం ఆరోగ్యానికే కాదు అందానికీ మంచిదే. ముఖ్యంగా సినీ రంగంలో ఉన్నవారు మితాహారం తప్పనిసరిగా తీసుకోవాలి. అంటూ తన బ్యూటీ సీక్రెట్ ను బయటపెట్టింది అందాల ఐశ్వర్య రాయ్....