కేన్స్ 2012లో అందాల మెరుపులు...అద్భుత సౌందర్యం!

Body Care

oi-Nageswara

By B N Sharma

Published: Monday, May 28, 2012, 16:35 [IST]

సాంప్రదాయ తీరు తెన్నుల కేన్స్ ఫిలిం ఫెస్టివల్ లో అందాల అతివ, ఒక బిడ్డ తల్లి అయిన ఐశ్వర్య రాయ్ ఎలీ సాబ్ రూపొందించిన దుస్తులలో ప్రతి ఒక్కరిని ఆశ్చర్య చకితులను చేసింది. ఎలీ సాబ్ ఆధునిక హంగులతో రూపొందించిన దుస్తులలో అయిశ్వర్యా రాయ్ కేన్స్ ఫిలిం ఫెస్టివల్ రెడ్ కార్పెట్ ను మరింత ఆకర్షణీయం చేసింది. ప్రసవం తర్వాత కొద్దిగా బరువు పెరిగినప్పటికి ఐశ్వర్య రాయ్ ఈ ఫిలిం ఫెస్టివల్ లో అందరి చూపులను ఆకట్టుకొంది. ఆమె ధరించిన నీలి రంగు గౌను ఆమె అందాలను ద్విగుణీకృతం చేసింది. చూపరులను అలరించింది.

కాస్మోపోలిస్ ప్రధమ ప్రదర్శనలో ఐశ్వర్య రాయ్ తన అందచందాలను పాశ్చాత్య దుస్తులలో చూపిన ఈ ప్రదర్శనతో అక్కడ చేరిన వ్యాఖ్యాతలు మూగబోయారు. ముందురోజు అయిశ్వర్య సాంప్రదాయక దుస్తులు ధరించింది. రెడ్ కార్పెట్ పై అబు జాని సందీప్ ఖోస్లా ఆమె కొరకై రూపొందించిన ఛికన్ కారి ఎంబ్రాయిడరీ పనితనంతో ఆఫ్ వైట్ చీర చుట్టి తన సౌందర్యాన్ని విందు చేసింది. కాని అర్ధ రాత్రి అయ్యే సరికి నీలం రంగు గౌనులో అప్సరస వలే ప్రత్యక్షమై అందరిని విస్మయులను చేసింది. అందమైన రంగుల గోళ్ళు, మత్తెక్కించే కళ్ళ అలంకరణలు ఆమె సౌందర్యాన్ని మరింత ఇనుమడించాయి.

తల్లి అయిన తర్వాత అయిశ్వర్య అందాలు వన్నె తగ్గాయనే వ్యాఖ్యాతలకు దీటుగా తన అందచందాలతో, ఆకర్షణీయ దుస్తులలో ఆమె మరోమారు సౌందర్యోపాసకుల అంచనాలను తల్లికిందులు చేసింది. రెండవమారు చేసిన ఫోటో షూట్ లో ఆమె ధరించిన నల్లని కాలి పట్టెలు, శాండల్స్, సన్ గ్లాసెస్ వంటివి ఎంతో ఆకర్షణీయం అనిపించాయి.

ఆమె ధరించిన గౌను పూవులు, జంతువుల బొమ్మల ప్రింటుతో చూడముచ్చటగా వుంది. 1970ల నాటి సిల్హౌటీ సిల్క్ కఫ్తాన్ పై ముందువైపు గల నీలి బొమ్మలు, వెనుక వున్న ఆకుపచ్చని పూవులు మరువలేని ఆకర్షణలు. ఆమె వేసిన ముందువైపు డీప్ వి నెక్ వెనుక వున్న కఫ్తాన్ లకు భుజాలపై వచ్చిన కటౌట్లు ఎంతో బాగున్నాయి. ఆమె కట్టిన నల్లని రిబ్బన్... ధరించిన దుస్తులకు ఎంతో నప్పింది. మేకప్ చాలా తక్కువ. నల్లని ముంగురులు, పింక్ రంగులో గల ఆమె పెదవులు కేన్స్ 2012 ప్రదర్శనకు ఆమెను ఒక ప్రత్యేక అప్సరసను చేశాయి.

2012 కేన్స్ ఫిలిం ఫెస్టివల్ మొదటి ఫొటో షూటింగ్ లో అయిశ్వర్య రాయ్ తన గౌనులో ఎంతో అందంగా వుంది. రెడ్ కార్పెట్ పై సైతం అతి తక్కువగా వున్న ఆమె మేకప్, ఆకర్షణీయమైన ఆమె దుస్తులు మరోమారు ఐశ్వర్య అందాల సుందరి అనుకునేలా చేశాయి.

ఈ అప్సరస తన ప్రసవం తర్వాత కొద్దిగా బరువు పెంచుకున్నప్పటికి, తన బరువైన శరీరాన్ని దాచకుండా వుండలేకపోయింది. ధరించే దుస్తులు, భారతీయ సాంప్రదాయకమైనవైనా, పాశ్చాత్య పోకడలవైనా, ఏవైనప్పటికి తన అంద చందాలను ప్రదర్శించి చూపరులను ఎలా ఆకట్టుకోవాలనేది అందాల సుందరి అయిశ్వర్యకే బాగా తెలిసిన అంశం అనాలి.