డెడ్‌స్కిన్ తొలగిస్తే పగుళ్ళు మాయం...

వర్షాకాలంలో కాళ్ళు సంరక్షణ కోసం ఎంత ప్రాధాన్యతను ఇస్తామో.. కాళ్ళ గోళ్ళకు కూడా అంతే ప్రాధాన్యతనివ్వాలి. ఎందుకంటే కాళ్ళు వర్షంలో ఎక్కువగా తడవడం వల్ల బురద, మురికి నీటిలో నడవడం వల్ల, వర్షం నీటిలో ఉన్న మురికి కాళ్ళ గోళ్ళలో చేరి, సూక్ష్మ క్రిములు ఆవాసాలనేర్పరచుకొంటాయి. దాంతో ఇన్ఫెక్షన్ మొదలవుతుంది. కాబట్టి కాళ్ళ గోళ్ళలలో దుమ్ము, ధూళి, పేరుకోకుండా నివారించడానికి మరియు అంటువ్యాధులు రాకుండా ఉండాలంటే గోళ్ళను తరచూ శుభ్రం చేసుకొంటూ, కొంచెం పెరగగానే గోళ్ళను కట్ చేస్తుండాలి.

గోర్లను శుభ్రం చేసుకోవడానికి హైడ్రోజన్ పెరాక్సైడ్ ఉపయోగించవచ్చు. తరువాత పాదాలను తడి లేకుండా తుడిచి మాయిశ్చర్‌ను అప్లై చేయాలి. పాదాలకు ఉన్న మృతచర్మం తొలగిపోయేలా స్క్రబ్బర్‌తో రాసుకోవాలి. డెడ్‌స్కిన్ వల్ల కాలి పగుళ్లు వచ్చే అవకాశం ఉంటుంది. మదుమేహం ఉన్నవారు పాదాల పట్ల మరింత శ్రద్ధ వహించాలి. ఫంగల్ ఇన్‌ఫెక్షన్ సోకితే వెంటనే వైద్యుడిని సంప్రదించి తగిన చికిత్స తీసుకోవాలి.