అందమైన చేతివేళ్లు...గోళ్లు సంరక్షించుకోవడం ఎలా...?

Published: Wednesday, January 4, 2012, 11:52 [IST]

గోళ్లు మనకు చేతివేళ్లకు కాలివేళ్లకు రక్షణ కవచాల్లాగ ఉంటాయి. అవి మనిషి పుట్టినప్పటి నుంచి చనిపోయే వరకు పెరుగుతూనే ఉంటాయి. చేతివేళ్ల గోళ్లు నెలకు సుమారుగా మూడు మిల్లీమీటర్ల పొడవు పెరుగుతాయి. ఆరోగ్యమైన గోళ్లు చేతులకు ఎంతో అందాన్నిస్తాయి. గోళ్ల సంరక్షణ ఎలాగో ఇప్పుడు తెలుసుకుందాం.

1. ప్రతి రోజు ఆలివ్ ఆయిల్‌తో వేళ్లని మసాజ్ చేసుకోవాలి. లేకపోతే ఆలివ్ ఆయిల్ కలిపిన గోరువెచ్చని నీళ్ళతో చేతి వేళ్ళు కనీసం అయిదు నిముషాలుంచాలి.

2. గోళ్ల ఆరోగ్యానికి నిమ్మకాయ ఉపయోగించవచ్చు. నిమ్మచెక్కలతో గోళ్లు రుద్దితే గోళ్లు అందంగాను, పుచ్చిపోకుండా ఉంటాయి.

3. చేతులను ఆయిల్‌తో మర్దన చేయడం వల్ల రక్తప్రసరణ మెరుగై చేతివేళ్లు అందంగా యారవుతాయి.

4. రాత్రి పడుకోబోయే ముందు ఏదైనా క్రీము లేదా క్యూటికల్ ఆయిల్ రాసుకోవాలి.

5.. చేతుల్ని రిస్ట్ వరుకూ పాలలో ముంచి కొంచెం సేపు ఉంచి ఆరనిచ్చి కడుగుకోవాలి.

6. లొనోళిన్- 3చెంచాలు, నువ్వుల నూనె- 1 చెంచా, కలిపి వేళ్ళకి రిస్ట్ వరుకు రాసి బాగా మసాజ్ చెయ్యాలి. దీనికి కాటన్ తో తయారైన గ్లౌస్ ధరించాలి.

7. ఫేస్ మాస్క్ లకి ఉపయోగించేవి చేతులకి ఉపయోగపడగలవు.

8. బాగా తడిసి ఉన్నప్పుడు గోళ్లను కత్తిరించే కార్యక్రమం పెట్టుకోవాలి. అలాగైతే విరగకుండా సులభంగా ఒక పద్ధతిప్రకారం కత్తిరించుకోవచ్చు.