వర్షాకాలంలో పాదాలు పదిలపరుచుకోండిలా....!

Body Care

oi-Saraswathi

By Sindhu

Published: Thursday, July 5, 2012, 17:51 [IST]

వర్షా కాలం వచ్చిందంటే చాలు... చాలా మంది పాదాలు ఇన్ఫెక్షన్ కు గురవుతుంటాయి. వర్షంలో తడవటం మూలంగా ఫంగల్ ఇన్‌ఫెక్షన్ వస్తోందని హైరానా పడిపోతుంటారు మరి కొందరు. వర్షాకాలంలో తడి మూలంగా ఇన్‌ ఫెక్షన్లు రావడం జరుగుతూ ఉంటుంది. అందుకే ఈ సీజన్‌ లో పాదాల సంరక్షణపై ప్రత్యేక దృష్టి పెట్టాలి. కాలి వేళ్ల మధ్యన చర్మం కందినట్లుగా ఈ సమస్య వస్తుంటుంది. పాదాలను ఎప్పుడూ తడి వాతావరణంలో ఉంచడం వల్ల చర్మంపై ఒకరకం ఫంగస్ పెరగడంతో ఈ సమస్య వస్తుంది. వర్షాల్లో ఇది మరింత తీవ్రమవుతుంది. ఫంగస్ వల్ల వచ్చే ఈ సమస్యతో పాటు... కొందరిలో బ్యాక్టీరియల్ ఇన్ఫెక్షన్ కారణంగా పాదాలనుంచి కాస్త చెడువాసన వస్తుంది. పాదాలు చెడకుండా ఉండటానికి కొన్ని సూచనలు...

పాదాలను శుభ్రపరచుకోవడానికి గోరువెచ్చని నీరు మంచిది. సువాసనపూరితమైన యాంటీ బ్యాక్టీరియల్ సబ్బుతో గోరువెచ్చని నీళ్లతో కాళ్లు కడుక్కోండి కాళ్లు కడిగాక నీరు దానంతట అదే ఆరుతుందంటూ అలా వదిలేయకండి. శుభ్రమైన పొడిబట్టతో పాదాలు తుడుచుకోవాలి. మరీ ముఖ్యంగా కాలివేళ్ల మధ్య తడి అంతా ఆరి పొడిబారేలా తుడుచుకోవాలి. లేకపోతే పాదాలు చెడటం మరింత ఎక్కువవుతుంది పొడిబారిన పాదాలపై టాల్కమ్ పౌడర్ వేసుకోండి. దాంతో పాదాలు చాలా సేపు పొడిగా ఉంటాయి. దాంతో ఫంగల్, బ్యాక్టీరియల్ ఇన్ఫెక్షన్స్ వచ్చే అవకాశాలు కూడా తక్కువ.

వర్షాకాలంలో ఎత్తు చెప్పులు(హీల్స్) వేసుకోక పోవడమే మంచిది. లేదు మీరు హీల్సే ధరించాలనుకొంటే, స్లిప్ కాకుండా ఉండే సాండిల్స్ ను ధరించడం మంచిది. అయితే మీల్ కాలి మడమ కంటే ఎక్కువ ఎత్తు ఉండకూడదు.

వర్షంలో ధరించడానికి ప్రత్యేకంగా రైన్ బూట్స్ , గమ్ బూట్ప్ అని మార్కెట్లో దొరుకుతాయి. వాటిని వినియోగించడం మంచిది. అవి ధరించడం వల్ల కాళ్ళకు మట్టి, బురద, బురదనీళ్లు కాళ్ళ మీద పడకుండా భద్రత కల్పిస్తాయి. అవి రబ్బర్ తో తయారు చేసినటు వంటి వాటర్ ఫ్రూవ్ కలిగినవి. లిక్రా బూట్స్ ఇవి వర్షాకాలంలో చాలా సౌకర్యవంతంగా ుంటాయి. బ్యాలెట్ ప్లాట్స్ అన్ని రకాల కాలాలు సౌకర్యవంతమైనటువంటివి.

వర్షాకాలంలో పాదాలు నీటిలో తడవడం వల్ల పాదాలు ఇన్ఫెక్షన్ కు గురై, దురద పెడుతుంటే వెంటనే ఉల్లిపాయ గుజ్జును రాస్తే తక్షణ ఉపశమనమిస్తుంది. అలాగే వర్షంలో తడిసి ఇంటికి రాగానే మురికి నీళ్ళ ప్రభావం పాదాలపై ఎక్కువగా ఉంటుంది. కాబట్టి ముందుగా పాదాలను మంచి నీళ్లు, లేదా గోరు వెచ్చని నీళ్లలో నిమ్మరసం, వెనిగర్ వేసి శుభ్రం చేసుకోవాలి. దాంతో ఇన్ఫెక్షన్ దురద వంటివి దరిచేరకుండా ఉంటాయి.

కాళ్లు ఎక్కువగా నీటిలో తడవడం వల్ల కాళ్ల వేళ్ళ మద్య నుండి చెడు వాసన వస్తుంటే, చిన్న టబ్ లో 5ఎంఎల్ పెప్పర్ మెంట్ ఆయిల్ వేసి, కాళ్ళు పొనిగేంత గోరు వేచ్చని నీళ్ళు పోసి, అందులో గుప్పెడు వేపఆకులు వేసి బాగా మిక్స్ చేయలి. తర్వాత మీ పాదాలను అందులో పదినిమిషాల పాటు నాననివ్వాలి. పదినిమిషాల తర్వాత కాళ్ళు బయటకు తీసి పొడి బట్టతో తుడిచి తడి ఆరిన తర్వాత కాళ్ళ మీద టాల్కమ్ పౌడర్ ను స్ప్రే చేసుకోవాలి. ఇలా చేయడం వల్ల చేమట పట్టకుండా చేయడమే కాకుండా వాసన కలిగించే బ్యాక్టీరియా నుండి ఉపశమనం కలిగిస్తుంది.

ఒక లోతైనటవంటి తట్ట లేదా పాత్ర లేదా బకెట్ లో పాదాలు మునిగేటన్ని నీళ్లు పోసి అందులో ఒక కప్పు వెనిగర్, కొన్ని చుక్కల థైమ్ ఆయిల్ కలపాలి. ఆ మిశ్రమంలో పాదాలను 20 నిమిషాల పాటు ఉంచాలి. థైమ్ ఆయిల్‌లోని యాంటీసెప్టిక్ గుణం పాదాలు చెడటాన్ని తగ్గిస్తుంది. అందులోని సువాసన గుణం పాదాల నుంచి వచ్చే చెడువాసనను అరికడుతుంది ఈ పాదాలకు కాటన్ సాక్స్ వేసుకోవడం మంచిది. నైలాన్ సాక్స్ వాడటం అంత సరికాదు. ఆ కాటన్ సాక్స్‌ను ప్రతిరోజూ మార్చాలి.