గోళ్ళను కట్ చేసేటప్పుడు చిన్నపాటి ట్రిక్స్ పాటిస్తే సరి....

గోళ్ళ సంరక్షణ పెద్దల్లో కంటే పిల్లల్లో ఎక్కువ జాగ్రత్తలు పాటించడం అవసరం. అప్పుడే పిల్లలు ఆరోగ్యంగా ఉంటారు. గోళ్లు పెరిగి, అందులో మురికి చేరితే ఆహారం తీసుకునేటప్పుడో, పిల్లలు వేళ్లను నోట్లో పెట్టుకునేటప్పుడో ఆ మురికి వారి కడుపులోకి చేరుతుంది. అది పిల్లల ఆరోగ్యానికి హాని చేస్తుంది. అంతేకాదు పెరిగిన గోళ్లను కత్తిరించడంలో సరైన జాగ్రత్తలు తీసుకోకపోయినా ప్రమాదమే...

1. పిల్లలు చేతులు ఫ్రీగా ఉండేలా చూసుకోవాలి.
2. నెయిల్ క్లిప్పర్స్ చివరలు ఎగుడుదిగుడులు లేనివి ఎంచుకోవాలి. సురక్షితమైన నెయిల్ క్లిప్సర్స్‌ ను మాత్రమే వాడాలి. కత్తులు, బ్లేడ్లు ఉపయోగించకూడదు.
3. చిగుళ్లకు తాకేలా గోళ్లను కత్తిరించకూడదు. టీవీలో పిల్లలకు నచ్చిన కార్యక్రమం చూపిస్తూనో, కథలు చెప్పుతూనో గోళ్లను కత్తిరించడాన్ని ముగించవచ్చు.
4. పిల్లలకు స్నానం చేయించిన తర్వాత గోళ్లు మెత్తబడతాయి. అప్పుడు గోళ్లను కత్తిరించడం కూడా సులువు.
గోళ్లను కత్తిరించే ముందు పౌడర్ అద్దితే పెరిగినవి ఎక్కడి వరకు ఉన్నాయో స్పష్టంగా కనిపిస్తాయి. కత్తిరించడం కూడా సులువు అవుతుంది.
5. గోళ్ళ చుట్టూ ఉన్న చర్మంపై క్యూటికల్ ఆయిల్ ని రాయాలి. ఊడిన గోళ్ళని క్యూటికల్ కటర్స్ తో మెల్లగా కత్తిరించాలి.
6. చేతులకు ఆయిల్‌ తో మర్ధన చేయడం వల్ల రక్తప్రసరణ మెరుగై చేతివేళ్ళు అందంగా తయారవుతాయి.