అందరిని ఆకర్షించే అందమైన చేతుల కోసం....

Body Care

oi-Saraswathi

By Sindhu

Published: Saturday, March 31, 2012, 15:59 [IST]

మానవ శరీరంలో ముఖం తర్వాత అందంగా కనిపించేది చేతులు...కాళ్ళు...గోళ్ళు..సాధారణంగా ముఖం చూసిన వెంటనే కాళ్ళు చేతులు గమనిస్తారు. ముఖ్యంగా స్త్రీల శరీరంలో వంపు సొంపులతో పాటు చేతులు, కాళ్ళు ఆకతులు అందంగా కనిపిస్తాయి. నగరాల్లో ఉరుకుల పరుగుల జీవితానికి అలవాటు పడ్డ స్త్రీలు ఇటు ఇంటి పనులు, వంట పనులు, చేయడం వల్ల సున్నితమైన చేతులు కూడా చాలా కఠినంగా తయారైతాయి. మరి అలాంటి చేతులను కోమలంగా ఉండాలంటే చిన్న పాటి చిట్కాలు అవసరం...

1. ఉడకబెట్టిన బంగాళదుంపను పేస్ట్ చేసుకుని అరచేతులకు పట్టించి మసాజ్ చేసుకుంటే చేతులు మృదువుగా ఉంటాయి.
2. ఒక స్పూన్ పాలమీగడలో కొద్దిగా నిమ్మరసం, కొంచెం గ్లిజరిన్ వేసి కలుపుకోవాలి. ఈ మిశ్రమాన్ని రాత్రి పడుకునే ముందు చేతులకు పట్టించి మసాజ్ చేసుకుంటే అందమైన చేతులు మీ సొంతం.

3. అరచేతులు పొడిబారినట్టయితే రాత్రి పడుకునే ముందు కొబ్బరినూనెతో చేతులను, చేతి వేళ్ళను బాగా మర్ధనా చేయాలి. ఇలా చేయడం వలన చేతులకు వ్యాయామం కలిగి రక్త ప్రసరణ బాగా జరుగుతుంది.

4. ఒక గిన్నె లేక వెడల్పుగా ఉన్న పాత్రలో నీళ్ళు పోసి, దానిలో కొద్దిగా ఉప్పు, నిమ్మరసం కలిపి ఈ మిశ్రమాన్ని ముంజేతి నుండి భుజాల వరకు రాయాలి. ఇలా వారానికి 2 సార్లు చేయాలి. ఇల చేయడం వలన చేతులు మృదువుగా తయారై మృతకణాలు తొలగిపోతాయి.

5. ఒక గిన్నెలోకి నీళ్ళు తీసుకొని అందులో ఒక టీ స్పూన్ ఆల్మండ్ ఆయిల్ కలిపి చేతులకు పట్టించాలి. ఈ మిశ్రమం చేతులపై ఉండే మృత కణాలను, పొడి చర్మాన్ని తొలగించి చేతులను సున్నితంగా చేస్తుంది.

6. అరకప్పు పాలకు టీ స్పూన్‌ టేబుల్‌ సాల్ట్‌ ను కలిపి దానితో మో చేతులపై సున్నితంగా రుద్దాలి. మృతకణాలు తొలగిపోయి ముఖం కొత్త మెరుపును సంతరించుకుంటుంది. అంతేకాదు పాల వల్ల ఇది చక్కటి మాయిశ్చరైజర్‌ గా కూడా పనిచేస్తుంది.