స్ర్కబ్బింగ్ తో వీపు భాగం మరింత అందంగా....

Body Care

oi-Saraswathi

By Sindhu

| Published: Tuesday, February 7, 2012, 14:59 [IST]

సాధారణంగా స్త్రీలు అందంగా కనబడాలని శరీరంపట్ల అనేక జాగ్రత్తలు తీసుకుంటారు. అయితే కొన్ని సమయాల్లో వీపు భాగాన్ని నిర్లక్ష్యం చేస్తుంటారు. అలా చేయడం వల్ల వీపు భాగంలో చర్మం ఛాయ తగ్గి, నిర్జీవంగా తయారవుతుంది. కొందరికి వీపు బాగంలో మొటిమల మచ్చలు ఏర్పడతాయి. మరికొందరికి చర్మం పొట్టురాలడం జరుగుతుంది. అలా కాకుండా ఉండా అందమైన వీపు మీ సోంతం కావాలంటే... చర్మం మీద ఉండే మృతకణాలను తొలగించే ప్రయత్నం చేయాలి. దీనికి స్క్రబ్బర్ బాగా పని చేస్తుంది.

1. నిమ్మరసంలో కాస్త ఉప్పు, పసుపు వేసి ముద్దలా చేయాలి. దీన్ని మెడ, వీపు భాగంలో రాసి మర్దన చేయాలి. ఇది మంచి స్క్రబ్‌ లా పనిచేస్తుంది.
2. కొంచెం గరుకుగా ఉండే బియ్యంపిండి, సున్నిపిండిని తీసుకుని రుద్దితే మృతకణాలను తొలగిపోయి వీపు భాగంలో ఉండే చర్మం ఆరోగ్యంగా మెరుస్తుంది.
3. బియ్యం పిండికి వెనిగర్ చేర్చి బాగా కలిపాలి. స్నానానికి ముందు వీపు భాగంలో ప్యాక్‌ లా వేసుకోవాలి. ఇలా తరచుగా చేస్తే వీపు ఉన్న మురికి తొలగిపోతుంది.
4. వేసవిలో ముఖంతోపాటు వీపు కూడా ఎక్కువగా సూర్యరశ్మికి గురవుతుంది. అలాంటప్పుడు డీప్ నెక్, స్ట్రిప్స్ ఉన్న బ్లౌజ్‌లు, చుడీదార్లు వేసుకుంటే వీపు నల్లబడుతుంది. అయితే వీపు నల్లబడకుండా ఉండాలంటే, వారానికి ఒకసారి బ్లీచ్ చేసుకుంటే మంచిది.
5. గుడ్డులోని తెల్లసొనను మెడ, వీపు భాగాల్లో రుద్ది కాసేపు అలాగే ఉంచాలి. ఆరిన తర్వాత గోరు నీటిలో ముంచిన దూదితో తుడిచేయాలి. ఇలా వారానికి రెండు, మూడుసార్లు చేస్తే ఫలితం ఉంటుంది.
6. టమాటా, కీరదోసను పెద్ద ముక్కలుగా కట్ చేసి వీపు భాగంలో గట్టిగా రుద్దాలి. వాటిలోని రసమంతా బయటకు వచ్చాక పదినిమిషాల పాటు అలాగే ఉంచి నీటితో శుభ్రపర్చాలి.
7. కలబంద గుజ్జు, పసుపు, శనగపిండి కలిపి మెడ నుంచి భుజాల కింద వరకు ప్యాక్ వేయాలి. తర్వాత వేడినీటిలో ముంచిన దూదితో ప్యాక్‌ను పూర్తిగా తీసేయాలి.