వాలెంటైన్ డే రొమాంటిక్ గా కనిపించండిలా...

Published: Tuesday, February 14, 2012, 13:00 [IST]

The right dress for wearing on Valentine’s Day for making day romantic

ప్రస్తుత జనరేషన్ లో యువతి యువకులు ట్రెండ్ కు తగినట్టు, ష్యాషన్ గా ఉండాలనుకుంటా.. ఎదుటి వారిటి ఆకర్షించేటట్లు ముస్తాబవుతుంటారు. ఇక ఏదైన శుభకార్యాలు, పండుగలు, పెళ్ళిళ్ళు, పుట్టినరోజు ఇలాంటి వాటిలో ప్రత్యేకంగా కనబడాలనుకుంటారు. అయితే వారు ఎలాంటి డ్రెస్ వేసుకోవాలి, ఎలాంటి మేకప్ సూట్ అవుతుంది. ఎలాంటి హెయిర్ స్టై బాగుంటుంది అని మదన పడుతుంటారు. ఈరోజు ప్రేమికుల రోజు కాబట్టి ప్రపంచంలోని చాలా దేశాలలో ప్రత్యేకంగా ప్రేమికుల రోజును సెలబ్రేట్ చేసుకొంటారు. అందుకు ఖర్చు ఎంతైన వెనుకాడరు. యువతి యువకులు ఆనందడోలికల్లో మునిగి తేలుతారు..మరి ఇలాంటి ప్రేమికలు రోజును ప్రత్యేకంగా కనిపించి యువతి..యువకులను ఆకర్షించాలంటే ఎలా తయారవ్వాలో చూద్దామా...

మేకప్ వేసుకొనేటప్పుడు బ్రైట్‌ మేకప్ నైట్ పార్టీని మరింత కాంతివంతం చేస్తుంది. మేకప్ చేసుకొని షిమ్మర్ బాడీ ఫౌండేషన్ వాడితే చర్మం కాంతివంతంగా కనిపిస్తుంది. ఐ షాడోకి బ్రైట్ కలర్స్ వాడి, షిమ్మర్ లిపిస్టిక్‌ తో పెదాలను తీర్చిదిద్దుకోవాలి. హెయిర్ స్టైల్ విషయంలో మంచి స్ట్రెయిట్ షోల్డర్ లైన్ ఉన్నవారు జుట్టును పైకి మడిచేలా హెయిర్ స్టైల్ చేసుకోవాలి. లావు చేతులు ఉన్నవారు జుట్టును వదిలేసుకుంటే బాగుంటుంది. చెవులకు... వేలాడే షాండ్లియర్స్, పెద్ద పెద్ద రింగులు పెట్టుకోవాలి. వెస్ట్రన్ డ్రెస్సులు వేసుకున్నప్పుడు మెడలో ఏమీ వేసుకోవాల్సిన అవసరం లేదు. చెప్పులు హై హీల్స్ అదీ సౌకర్యంగా ఉండేవి ఎంచుకోవాలి. పంఫ్‌ షూస్, శాండల్స్ కూడా పార్టీకి బాగుంటాయి. హ్యాండ్‌బ్యాగులకు బదులుగా డ్రెస్‌ కి మ్యాచింగ్ ఉండే ఎంబ్రాయిడరీ క్లచ్‌లు పట్టుకోవాలి.

సాధారణంగా ప్రేమికుల రోజును ప్రేమకు గుర్తుగా ఎరుపు, పచ్చరంగులను ధరిస్తారు. ఇలా కాకుండా మరే డ్రెస్ ధరించినా మంచి కాంతివంతమైన రంగులు ఉన్నవి, లేత రంగులు ఇష్టపడేవారైతే అందులోనే బ్రైట్ షేడ్స్ ఉన్నవి ఎంపిక చేసుకోవాలి. స్టోన్, సీక్వెన్స్ ఎంబ్రాయిడరీ ఉన్న గౌన్లు లైట్ వెలుతురులో ఆకర్షణీయంగా కనిపిస్తాయి. శరీరాకృతికి తగ్గ డ్రెస్: హాల్టర్ నెక్, ఆప్ షోల్డర్స్, సింగిల్ షోల్డర్, స్లీవ్‌లెస్, స్పగెట్టి లైన్స్ ఉన్న ఈవెనింగ్ గౌన్లు పార్టీకి ఆధునిక కళను తీసుకొస్తాయి. వెస్ట్రన్ గౌన్లు శరీరానికి అతుక్కుపోయినట్టు ఉంటాయి. అలాగే పాశ్చాత్య దుస్తులు వేసుకున్నప్పుడు లో దుస్తుల విషయంలోనూ ప్రత్యేక జాగ్రత్తలు తీసుకుంటేనే డ్రెస్ పర్‌ ఫెక్ట్‌గా ఉంటుంది. పొట్ట కొద్దిగా ఎత్తున్నవారు డ్రెస్సులకు నెట్టెడ్ మెటీరియల్‌ ను వాడకూడదు. లాంగ్, నీలెంగ్త్ గౌన్లకు శాటిన్, షిఫాన్, జార్టెట్ మెటీరియల్‌ ను ఎంచుకోవాలి. బ్లేజర్స్ అయితే లెనిన్‌ వి ఎంచుకోవాలి.