పెదాల మీద మొటిమలను, ఇన్ఫెక్షన్ మాయం చేసే చిట్కాలు

1. టూత్ పేస్ట్:

మొటిమలను నివారించడానికి టూత్ పేస్ట్ ఒక గొప్ప హోం రెమెడీ. ముఖంను శుభ్రంగా కడిగి, తడి పూర్తిగా ఆరిన తర్వాత, పెదాల మీద ఏర్పడ్డ మొటిమల మీద టూత్ పేస్ట్ ను అప్లై చేయాలి . ఇలా కొన్ని సార్లు క్రమం తప్పకుండా చేస్తుంటే మంచి ఫలితం ఉంటుంది.

2. వేప పేస్ట్:

రెండు వేపఆకుల తీసుకొని కొద్దిగా నీళ్ళు పోసి, మెత్తగా పేస్ట్ చేసుకోవాలి . ఈ పేస్ట్ ను పెదాల మీద ఏర్పడ్డ మొటిమల మీద అప్లై చేసి నిధానంగా మసాజ్ చేయాలి . ఇలా రెమెడీని క్రమం తప్పకుండా అప్లై చేస్తుంటే, రెండు రోజుల్లో సమస్యను నివారించడం జరుగుతుంది.

3. ఆలివ్ ఆయిల్:

ఒక చెంచా ఆలివ్ ఆయిల్ తీసుకొని, క్యాండిల్ మీద వేడి చేయాలి . గోరువెచ్చగా అయిన తర్వాత ఈ ఆయిల్ ను మొటిమల మీద నేరుగా అప్లై చేయాలి. ఈ హాట్ ఆయిల్ మొటిమలు పగిలిపోయేలా చేసి మొటిమలు కనబడకుండా చేస్తాయి.

4. కొబ్బరి నూనె:

లిప్ పింపుల్స్ నివారించడంలో కొబ్బరి నూనె గ్రేట్ గా సహాయపడుతుంది. ఆలివ్ ఆయిల్ అప్లై చేసిన పద్దతి ప్రకారమే కొబ్బరి నూనె కూడా అప్లై చేయాల్సి ఉంటుంది.

5. వాటర్ మ్యాజిక్ :

మీకు కనుక సెన్సిటివ్ స్కిన్ ఉన్నట్లైతే, వాటర్ ద్వారానే మొటిమలను నివారించుకోవచ్చు. మొటిమల మీద చల్లటి నీటిని పోసి కడగాలి. తర్వాత తడిని పూర్తిగా ఆరనివ్వాలి. ఇలా రోజుకు రెండు మూడు సార్లు చేస్తుంటే మంచి ఫలితం ఉంటుంది.

6. కలబంద:

ఫ్రెష్ గా ఉండే అలోవెరాను లిప్ పింపుల్స్ మీద డైరెక్ట్ గా అప్లై చేయాలి . కలబంద అప్లై చేయడం వల్ల ఇది ఇతర ఇన్ఫెక్షన్స్ సోకకుండా నివారిస్తుంది. కొద్దిగా పసుపు మిక్స్ చేస్తే మరింత త్వరగా నయం అవుతుంది.

7. పసుపు:

ఒక చెంచా పసుపును నీళ్ళలో వేసి, పేస్ట్ లా చేసి ఈ పేస్ట్ ను నేరుగా లిప్ పింపుల్ మీద అప్లై చేయాలి . ఈ హోం రెమెడీ మొటిమలను నివారించడంతో పాటు, ఇన్ఫెక్షన్స్ ను కూడా నివారిస్తుంది.

8. నిమ్మరసం:

లిప్ పింపుల్స్ మీద నిమ్మరసంను నేరుగా అప్లై చేయడం వల్ల , మొటిమలు బర్న్ అవుతాయి. తర్వాత కొద్దిగా పాలు అప్లై చేస్తే స్మూతింగ్ ఎఫెక్ట్ కలుగుతుంది.

9. బాదం:

బాదంకు కొద్దిగా పాలు జోడించి, పేస్ట్ లా చేసి తర్వాత నేరుగా మొటిమలకు అప్లై చేస్తే సమస్య నివారించబడుతుంది. లిప్ పింపుల్స్ నివారించడంలో ఇది ఒక ఉత్తమ హోం రెమెడీ.

10. కాఫీ ట్రీట్మెంట్ :

కొద్దిగా కాఫీ పౌడర్ ను నీటిలో వేసి మిక్స్ చేసి తర్వాత పెదాల మీద మసాజ్ చేయాలి . ఇలా చేస్తే మొటిమల వల్ల ఏర్పడ్డ మచ్చలు కూడా తొలగిపోతాయి.

11. బొప్పాయి :

మొటిమలను నివారించడానికి బొప్పాయి మరో బెస్ట్ హోం రెమెడీ. బొప్పాయితో ఫేస్ మాస్క్ వేసుకున్నట్లే, పెదాల మీద కూడా మాస్క్ వేయడం ద్వారా ఒక్క వారంలోనే లిప్ పింపుల్స్ నివారించబడుతాయి.

12. ఆరెంజ్ పీల్ పేస్ట్:

ఆరెంజ్ తొక్కను తీసి మెత్తగా పేట్ట్ చేసి మొటిమల మీద నేరుగా అప్లై చేయాలి. ఇందులో ఉండే నేచురల్ యాసిడ్స్ మొటిమలను నివారించడంలో గ్రేట్ గా సహాయపడుతాయి.