డార్క్ నెక్ కు చెక్ పెట్టే ఎఫెక్టివ్ హోం రెమెడీస్ ..

1. నిమ్మరసం మరియు రోజ్ వాటర్:

ఫ్రెష్ గా ఉండే నిమ్మరసం ఒక టేబుల్ స్పూన్ తీసుకొని అందులో రోజ్ వాటర్ మిక్స్ చేయాలి. బాగా మిక్స్ చేసి కాటన్ బాల్ డిప్ చేసి మెడ చుటూ అప్లై చేసి మర్దన చేయాలి. రాత్రంతా అలాగే ఉంచి మరుసటి రోజు ఉదయం శుభ్రం చేసుకోవాలి. ఇదిఅన్ని రకాల చర్మతత్వాతలకు నప్పుతుంది.

2. లెమన్ అండ్ హనీ:

ఇది వివిధ రకాల చర్మ తత్వాలున్న వారికి ఫర్ఫెక్ట్ కాంబినేషన్ . ఫ్రెష్ లెమన్ జ్యూస్ లో కొద్దిగా ఆర్గానిక్ తేనె మిక్స్ చేయాలి. ఈ మిశ్రమాన్ని మెడ చుట్టూ పట్టించాలి. అలరగంట తర్వాత గోరువెచ్చని నీటితో శుభ్రం చేసుకోవాలి. ఈచిట్కాతో స్కిన్ టోన్ ఎఫెక్టివ్ గా మార్చుకోవచ్చు.

3. పసుపు మరియు నిమ్మరసం:

పసుపు, నిమ్మరసం సమపాళ్లల్లో తీసుకొని మెడకు పట్టించి పావు గంట పాటు ఆరనిచ్చి తర్వాత గోరు వెచ్చని నీటితో శుభ్రం చేసుకోవాలి. ఈ విధంగా కొన్ని రోజుల పాటు చేసినట్లయితే మెడ రంగులో తేడాను గమనించవచ్చు. ఈ చిట్కాను రెగ్యులర్ గా పాటిస్తుంటే ముందు ముందు తిరిగి డార్క్ గా మారకుండా ఉంటుంది.

4. నిమ్మరసం మరియు టమోటో:

టమోటో గుజ్జులో కొద్దిగా నిమ్మరసం పిండి మెడచుట్టూ అప్లై చేయాలి. అరగంట తర్వాత శుభ్రం చేసుకుంటే మంచి ఫలితం ఉంటుంది. చక్కటి మార్పు కనిపిస్తుంది . ఈ చిట్కాను కూడా రిపీట్ చేసి వేసుకోవచ్చు.

5. నిమ్మ, ఆలివ్ ఆయిల్ మరియు తేనె:

ఈ మూడింటి కాంబినేషన్ లో నెక్ ప్యాక్ వేసుకోవడం వల్ల మెడమీద డెడ్ స్కిన్ సెల్స్ తొలగిపోతాయి . అందుకోసం ఒక బౌల్లో ఒక చెంచా తేనె , 2చెంచాల ఆలివ్ ఆయిల్ , ఒక చెంచా నిమ్మరసం వేసి మిక్స్ చేయాలి. ఈ మిశ్రమాన్ని మెడకు పట్టించి అరగంట మసాజ్ చేయాలి. అరగంట తర్వాత గోరువెచ్చని నీటితో శుభ్రం చేసుకుంటే మంచి ఫలితం ఉంటుంది.