పాదాలపై నల్లగా పేరుకున్న ట్యాన్ తొలగించే హోం రెమిడీస్

టమోటా

సన్ ట్యాన్ తొలగించడానికి టమోటాలు చక్కటి పరిష్కారం. పాదాలను నీటిలో నానబెట్టి శుభ్రం చేసుకున్న తర్వాత టమోటాని రెండు ముక్కలుగా కట్ చేసి విత్తనాలు తీసేసి.. పాదాలపై టమోటా రసం రాసుకోవాలి. ఆరిన తర్వాత మళ్లీ అప్లై చేయాలి. 15 నిమిషాల తర్వాత రోజ్ వాటర్ తో పాదాలు శుభ్రం చేసుకోవాలి. రెండ్రోజులకు ఒకసారి ఇలా చేస్తే పాదాల ట్యాన్ కి చెక్ పెట్టవచ్చు.

బంగాళదుంప

న్యాచురల్ బ్లీచింగ్ ప్రాపర్టీస్ కలిగిన బంగాళదుంపల తొక్క తీసేసి.. మిక్సీకి వేసి రసం తీయాలి. ఈ రసంలో పాదాలను 15 నిమిషాలపాటు నాననివ్వాలి. తర్వాత పాదాలను గోరువెచ్చని నీటితో శుభ్రం చేసుకుని ఆరనివ్వాలి. ఇలా మూడ్రోజులకు ఒకసారి చేయాలి.

పసుపు

చర్మాన్ని తెల్లగా మార్చడంలో పసుపు మిరాకిల్ చేస్తుంది. పసుపులో నీళ్లు కలిపి పేస్ట్ తయారు చేయాలి. ఈ మిశ్రమాన్ని పాదాలకు రాసుకుని 20 నిమిషాల తర్వాత కొన్ని పాలల్లో నానబెట్టాలి. తర్వాత గోరువెచ్చని నీటితో శుభ్రం చేయాలి.

నిమ్మరసం

నిమ్మరసంలో సిట్రిక్ యాసిడ్ ఉండటం వల్ల .. సన్ ట్యాన్ తేలికగా తొలగిస్తుంది. నిమ్మరసంను పాదాలపై 10 నిమిషాల పాటు మసాజ్ చేయాలి. ఆరిన తర్వాత గోరువెచ్చని నీళ్లు, ఉప్పు కలిపిన నీటితో శుభ్రం చేసుకోవాలి. ఇలా చేస్తే పాదాలు గ్లోయింగ్ గా మారతాయి.

తేనె

పాదాలకు తేనె రాసుకుని 10 నిమిషాలు ఆరనివ్వాలి. ఇందులో ఉండే యాంటీ ఆక్సిడెంట్స్.. 15 నిమిషాల్లో మీ చర్మాన్ని స్మూత్ గా మార్చేస్తాయి.

పెరుగు

పెరుగుని పాదాలకు అప్లై చేసి.. 15 నిమిషాల తర్వాత శుభ్రం చేసుకోవాలి. ఇలా వారానికి మూడుసార్లు చేయడం వల్ల పాదాలపై ట్యాన్ తొలగిపోతుంది.

బొప్పాయి

బొప్పాయి గుజ్జుని పాదాలకు రాయడం వల్ల సన్ ట్యాన్ తొలగించడంలో ఎఫెక్టివ్ గా పనిచేస్తుంది. ఇది ఎలాంటి సైడ్ ఎఫెక్ట్స్ లేకుండా ట్రీట్ చేస్తుంది.