కళ్ల కింద నల్లటి వలయాలు ఏర్పడటానికి కారణాలేంటి ?

హెరిడిటీ

కళ్ల కింద నల్లటి వలయాలు మీ పేరెంట్స్ వల్ల కూడా వస్తాయి. ఇవి హెరిటిడీ కారణంగా వచ్చే అవకాశాలున్నాయి. కాబట్టి మీ ఫ్యామిలీలో ఎవరికైనా ఉన్నాయేమో చెక్ చేయండి.

ఎగ్జిమా

ఎగ్జిమా కూడా కళ్ల కింద నల్లటి వలయాలకు కారణం కావచ్చు. ఎగ్జిమా మాత్రమే డార్క్ సర్కిల్స్ కి కారణం కాకపోయినా.. దురద, రుద్దడం కారణంగా.. డార్క్ సర్కిల్స్ ఏర్పడే అవకాశం ఉంది.

అలర్జీ

అలర్జీలు దురదకు కారణమవుతాయి. కళ్ల కింద చర్మం చాలా సున్నితంగా, పలుచగా ఉంటుంది. దురద వల్ల బ్లడ్ వెజెల్స్ లో వాపు వస్తుంది. అది కళ్ల కింద చర్మం పలుచగా ఉండటం వల్ల ముఖం అంతటిలోకి అక్కడి స్కిన్ మరింత డార్క్ గా మారుతుంది. కాబట్టి.. అలర్జీలను ఫస్ట్ నివారిస్తే సరిపోతుంది.

మేకప్

డార్క్ సర్కిల్స్ కి మేకప్ కూడా కారణం కావచ్చు. మస్కారా, ఐ షాడో, కన్సీలర్ వంటివి ఉపయోగించేటప్పుడు చాలా జాగ్రత్తగా ఉండాలి. అవి మీ చర్మ తత్వానికి సరిపడకపోతే.. డార్క్ సర్కిల్స్ ఏర్పడటానికి కారణమవుతాయి.

బోన్ స్ట్రక్చర్

మీ ఎముకల రూపు కూడా కొన్ని సందర్భాల్లో కళ్ల కింద నల్లటి వలయాలకు కారణమవుతుంది. కొన్నిసార్లు కళ్లు లోపలికి వెళ్లిపోయినట్టు అనిపిస్తాయి. దీనివల్ల కళ్ల నీడ పడటం వల్ల కళ్లకింద నల్లటి వలయాలకు అవకాశం ఉంటుంది.

నరాలు

నరాలు కూడా కళ్ల కింద నల్లటి వలయాలకు కారణమవుతాయి. ఒక వేళ మీ కళ్లు నీలిరంగులో కనిపిస్తున్నాయంటే.. బ్లడ్ వెజెల్సే దీనికి కారణం. నీలి రంగులో కనిపించే నరాలు కళ్ల కింద చర్మాన్ని డార్క్ గా కనిపించేలా చేస్తాయి.

సూర్యరశ్మి

మీరు సూర్యకిరణాల నుంచి ప్రొటెక్షన్ తీసుకోకపోయినా.. ఈ నల్లటి వలయాలు ఏర్పడటానికి ఛాన్స్ ఉంది. సూర్య రశ్మి మీ కళ్ల కింద చర్మాన్ని డ్యామేజ్ చేస్తాయని గుర్తుంచుకోండి. కాబట్టి.. సన్ గ్లాసెస్ లేదా సన్ స్క్రీన్ లోషన్ లేకుండా బయటకు వెళ్లకండి.