చర్మంపై అసహ్యంగా కనిపించే కాలిన మచ్చలు నివారించే రెమిడీస్..!

టమోటా జ్యూస్

టమోటాలో న్యాచురల్ బ్లీచింగ్ ఉంటుంది. ఇది మృత కణాలను తొలగిస్తుంది. కాబట్టి కొన్ని చుక్కల టమోటా రసాన్ని కాలిన మచ్చలు ఏర్పడిన దానిపై డైరెక్ట్ పై అప్లై చేయాలి. 15 నిమిషాల తర్వాత శుభ్రం చేసుకోవాలి. ఇలా రోజుకి రెండుసార్లు చేస్తే మెరుగైన ఫలితాలు పొందవచ్చు.

ఆల్మండ్ ఆయిల్

విటమిన్ ఈ, యాంటీ ఆక్సిడెంట్స్ ఆల్మండ్ ఆయిల్ లో పుష్కలంగా ఉండటం వల్ల.. కాలిన మచ్చలను త్వరగా నయం చేసి, పోషణ అందిస్తుంది. దీనివల్ల కొత్త కణాలు ఏర్పడతాయి. కొద్దిగా ఆల్మండ్ ఆయిల్ తీసుకుని ప్రతి రోజూ రాత్రిపూట మసాజ్ చేసుకోవాలి.

పెరుగు, పసుపు

పెరుగులో లాక్టిక్ యాసిడ్, పసుపులో యాంటీ ఆక్సిడెంట్స్.. కాలిన గాయాలను వెంటనే నయం చేస్తుంది. వాపుని, మచ్చలు తగ్గిస్తుంది. ఒక టేబుల్ స్పూన్ పెరుగులో చిటికెడు పసుపు కలిపి.. అప్లై చేయాలి. 30 నిమిషాల తర్వాత చల్లటినీటితో శుభ్రం చేయాలి. ఇలా రోజుకి రెండుసార్లు చేయాలి.

బ్లాక్ టీ బ్యాగ్

టీ బ్యాగ్ చర్మాన్ని టైట్ గా మార్చి, డ్యామేజ్ అయిన చర్మకణాలను తొలగిస్తుంది. మచ్చలను తొలగిస్తుంది. బ్లాక్ టీ బ్యాగ్ తీసుకుని కాసేపు ఫ్రిడ్జ్ లో పెట్టి తర్వాత కాలిన చర్మంపై పెట్టాలి. చర్మం వెచ్చగా అయిన తర్వాత.. తీసేయాలి. ఇలా.. రోజుకి రెండు మూడు సార్లు చేయాలి.

కొబ్బరినూనె

కొబ్బరినూనెలో యాంటీ బ్యాక్టీరియల్, యాంటీ ఫంగల్, యాంటీ సెప్టిక్ గుణాలు ఉండటం వల్ల.. గాయమైన స్కిన్ టిష్యూస్ ని నయం చేస్తుంది. అలాగే కొత్త కణాలు ఏర్పడేలా చేస్తుంది. కొద్దిగా కొబ్బరినూనె తీసుకుని.. మసాజ్ చేయాలి. అందులోని పోషకాలను చర్మం గ్రహిస్తుంది. ఇలా రోజుకి రెండు, మూడు సార్లు చేస్తే.. బర్న్ మార్క్స్ తొలగిపోతాయి.

బంగాళాదుంప

బంగాళాదుంపలో బ్లీచింగ్ ప్రాపర్టీస్ ఎక్కువగా ఉంటాయి. ఇవి కాలిన మచ్చలను లైట్ గా మార్చేస్తాయి. బంగాళాదుంపను కొన్ని ముక్కలుగా కట్ చేసి.. కాలిన చర్మంపై రబ్ చేయాలి. క్లాక్ వైట్, యాంటీ క్లాక్ వైజ్ రుద్దాలి. ఇలా రోజుకి రెండుసార్లు చేయాలి.

పాలు

పాలల్లో ప్రొటీన్స్, ఫ్యాటీ యాసిడ్స్, క్యాల్షియం ఉండటం వల్ల.. స్కిన్ టిఫ్యూష్ ని మెరుగుపరిచి, మచ్చలను తగ్గిస్తాయి. కాటన్ బాల్ ని పచ్చిపాలలో ముంచి.. కాలిన మచ్చలపై పెట్టుకోవాలి. 5 నిమిషాల తర్వాత.. శుభ్రం చేసుకోవాలి. ఇలా రోజుకి మూడుసార్లు చేయాలి.

అలోవెరా

అలోవెరాలో అలోసిన్ ఉంటుంది. ఇది.. చర్మంపై ఉండే డెడ్ స్కిన్ సెల్స్ ని ఎక్స్ ఫోలియేట్ చేస్తుంది. చర్మాన్ని టైట్ గా మారుస్తుంది. మచ్చలను తగ్గిస్తుంది. కాబట్టి కలబంద నుంచి జెల్ తీసి.. అప్లై చేయాలి. ఆరిన తర్వాత శుభ్రం చేసుకోవాలి. ఈ న్యాచురల్ రెమిడీని రోజుకి మూడు సార్లు అప్లై చేస్తే.. మెరుగైన ఫలితాలు పొందవచ్చు.

ఉల్లిపాయ

ఉల్లిపాయలో సల్ఫర్ ఉండటం వల్ల.. కాలిన మచ్చలను తొలగిస్తుంది. ఉల్లిపాయను గ్రైండ్ చేసి రసం తీయాలి. కాటన్ బాల్ ఉపయోగించి.. చర్మంపై రాసుకోవాలి. 5 నిమిషాల తర్వాత శుభ్రం చేసుకోవాలి. ఇలా రోజుకి రెండుసార్లు చేయాలి.

లావెండర్ ఆయిల్

లావెండర్ ఆయిల్ లో యాంటీ సెప్టిక్ గుణాలుంటాయి. చర్మంపై గాయాలను చాలా వేగంగా తగ్గిస్తుంది. కొన్ని చుక్కల లావెండర్ ఆయిల్ ని కాలిన వెంటనే చర్మంపై అప్లై చేయాలి. కాలిన గాయాన్ని త్వరగా తగ్గించడమే కాకుండా.. మచ్చలు పడకుండా అడ్డుకుంటుంది.

తేనె

తేనెలో యాంటీ బ్యాక్టీరియల్ గుణాలుంటాయి. ఇది ఉపశమనం కలిగించడమే కాకుండా.. కొత్త కణాలు ఏర్పడటానికి సహాయపడుతుంది. కొన్ని చుక్కల తేనెతో.. కాలిన చర్మంపై మసాజ్ చేయాలి. 15 నిమిషాల తర్వాత.. చల్లటి నీటితో శుభ్రం చేయాలి. ఈ హోం రెమిడీ.. అద్భుతమైన ఫలితాలను ఇస్తుంది.

బేకింగ్ సోడా

బేకింగ్ సోడాలో ఉండే సోడియం బైకార్బొనేట్ డెడ్ స్కిన్ సెల్స్ ని తొలగిస్తుంది. ఇన్ఫెక్షన్ కి కారణమయ్యే బ్యాక్టీరియాను నాశనం చేస్తుంది. ఒక టీస్పూన్ బేకింగ్ సోడాను కావాల్సినన్ని నీటిలో కలపాలి. పేస్ట్ చేసుకుని.. చర్మంపై అప్లై చేయాలి. ఆరిన తర్వాత.. చల్లటి నీటితో శుభ్రం చేసుకోవాలి. ఇలా రోజుకి ఒకసారి చేయాలి.