అధిక చెమటను న్యాచురల్ గా తగ్గించే టాప్ సొల్యూషన్స్

టమోటా జ్యూస్

ప్రతి రోజూ ఒక గ్లాస్ ఫ్రెష్ టమోటా జ్యూస్ తాగడం వల్ల అధిక చెమట సమస్యను నివారించవచ్చు.

బంగాళదుంప

ఇది సింపుల్ అండ్ ఈజీ సొల్యూషన్. బంగాళదుంపను ముక్కలుగా కట్ చేసి.. అండ్ ఆర్మ్స్ దగ్గర బాగా రుద్దాలి. అంతే చెమట నుంచి ఉపశమనం పొందవచ్చు.

బేకింగ్ సోడా

కార్న్ స్టార్చ్, బేకింగ్ సోడా సమానంగా తీసుకుని పేస్ట్ చేసుకోవాలి. ఈ మిశ్రమాన్ని అండర్ ఆర్మ్స్ కి అప్లై చేసి.. అరగంట తర్వాత క్లీన్ చేసుకోవాలి. ఈ మిశ్రమానికి ఎసెన్షియల్ ఆయిల్ లేదా డియోడరెంట్ కూడా ఉపయోగించవచ్చు.

కొబ్బరినూనె

10గ్రాముల కర్పూరం, కొంచెం కొబ్బరి నూనె తీసుకుని బాగా మిక్స్ చేసి.. స్వెట్టింగ్ ఎక్కువగా ఉండే ప్రాంతాల్లో రాసుకుని.. కాసేపటి తర్వాత శుభ్రం చేసుకుంటే.. న్యాచురల్ గా సమస్యను నివారిస్తుంది.

ద్రాక్ష

రోజూ గ్రేప్స్ తినడం వల్ల ఎక్సెసివ్ స్వెట్టింగ్ నివారించవచ్చు. ఇందులో న్యాచురల్ యాంటీ ఆక్సిడెంట్స్ ఉండటం వల్ల శరీరంలో టెంపరేచర్ ని బ్యాలెన్స్ చేస్తుంది.

ఉప్పు

నిమ్మరసానికి 1 టేబుల్ స్పూన్ ఉప్పు కలిపి.. మసాజ్ చేయాలి. స్వెట్ గ్లాంగ్స్ ని ఇది తగ్గించి.. ఎక్సెసివ్ స్వెట్టింగ్ ని నివారిస్తుంది.

నిమ్మరసం, బేకింగ్ సోడా

నిమ్మరసం, బేకింగ్ సోడాలను సమానంగా తీసుకోవాలి. బాగా మిక్స్ చేసి.. దూది ముంచి అండర్ ఆర్మ్స్ కి అప్లై చేయాలి. 20 నిమిషాల తర్వాత శుభ్రం చేసుకుంటే.. మీ సమస్యకు గుడ్ బై చెప్పవచ్చు.

టీ ట్రీ ఆయిల్

టీ ట్రీ ఆయిల్ లో కాటన్ బాల్ ముంచి.. చెమట ఎక్కువగా ఉండే శరీర భాగాల్లో రాసుకోవాలి. ఒకవేళ మీది సెన్సిటివ్ స్కిన్ అయితే.. 5 చుక్కల టీ ట్రీ ఆయిల్ ని, అరకప్పు నీటిలో కలిపి రాసుకోవాలి. ఇలా చేయడం వల్ల చెమట పట్టడాన్ని నివారించవచ్చు.

వెనిగర్

ముందుగా వెనిగర్ తీసుకుని.. అందులో దూది ముంచి రాత్రి పడుకోవడానికి ముందు అండర్ ఆర్మ్స్ కి రాసుకోవాలి. ఉదయాన్నే శుభ్రం చేసుకోవాలి. ఇలా ప్రతి రోజూ చేయడం వల్ల చెమట నుంచి ఉపశమనం పొందవచ్చు.

నిమ్మరసం, ఉప్పు

2 టేబుల్ స్పూన్ల నిమ్మరసం, ఒక టేబుల్ స్పూన్ సాల్ట్ మిక్స్ చేయాలి. ఈ మిశ్రమాన్ని చెమట ఎక్కువగా ఉండే ప్రాంతాల్లో రాసుకుని.. కొన్ని నిమిషాల పాటు మసాజ్ చేయాలి. 20 నిమిషాల తర్వాత నీటితో శుభ్రం చేసుకోవాలి. ఇలా రెగ్యులర్ గా చేయాలి.

కొన్ని జాగ్రత్తలు

ఈ చిట్కాలతో పాటు.. కొన్ని జాగ్రత్తలు తీసుకోవడం వల్ల చెమట నివారించవచ్చు. ఎక్కువగా నీళ్లు, పండ్ల రసాలు తాగడం, ఒత్తిడికి లోనుకాకుండా ఉండటం, ఆల్కహాల్, సిగరెట్స్ కి దూరంగా ఉండటం, కాఫీలు తగ్గించడం, వేడినీటి స్నానానికి దూరంగా ఉండటం వంటి జాగ్రత్తలు తీసుకున్నా.. చెమట పట్టడాన్ని నివారించవచ్చు.