బాడీపై స్ట్రెచ్ మార్క్స్ ను ఇలా పోగొట్టుకోవొచ్చు

1.రోస్ హిప్ సుగంధ నూనె

గులాబి మొక్కల విత్తనాల నుంచి తీసే ఈ సుగంధ నూనెలో విటమిన్లు, యాంటీ ఆక్సిడెంట్లు పుష్కలంగా ఉంటాయి. ఈ శక్తివంతమైన లక్షణాలు చర్మం మళ్ళీ బాగయ్యేట్లా చేసి, స్ట్రెచ్ మార్క్స్ కన్పడనీయకుండా తగ్గిస్తుంది.

ఎలా వాడాలి; కొన్ని చుక్కల రోజ్ హిప్ సుగంధ నూనెను మీరు రోజూ వాడే నూనెలో కలిపి, స్ట్రెచ్ మార్క్స్ పై రోజూ మసాజ్ చేయండి.

2.జొజుబా సుగంధ నూనె

విటమిన్ ఎ మరియు ఇ లతో నిండి ఉన్న జొజొబా సుగంధ నూనె పాడైన చర్మాన్ని బాగుచేసే మరో చిట్కా.ఇది చర్మం తిరిగి తన పాత రూపం పొందటానికి సాయపడుతుంది. ఈ సుగంధ నూనెను క్రమం తప్పకుండా వాడటం వలన మీ మొండి స్ట్రెచ్ మార్క్స్ పోతాయి.

ఎలా వాడాలి ;ఈ సుగంధ నూనె మరియు ఆలివ్ నూనెను కలపండి. ఈ మిశ్రమాన్ని మచ్చలున్న చోట మసాజ్ చేయండి.

3.ఫ్రాంకిన్సెస్ సుగంధ నూనె

సహజ చికిత్సా గుణాలకి ప్రసిద్ధమైన, ఫ్రాంకిన్సెన్స్ సుగంధ నూనె మొండి స్ట్రెచ్ మార్క్స్ ను తొలగించే మరో అద్భుతమైన చిట్కా.

ఎలా వాడాలి ; కొన్ని చుక్కల సుగంధ నూనెను మీ ప్రతి రోజు వాడే మాయిశ్చరైజర్ లో కలిపి మచ్చలున్న చోటంతా రాయండి. క్రమం తప్పకుండా ఇలా చేసి మంచి ఫలితాలు పొందండి.

4.రోజ్ మేరీ సుగంధ నూనె

రోజ్ మేరీ సుగంధనూనె చర్మం రిపేరవ్వటంలో సాయపడి, సాగే గుణాన్ని తిరిగి అందిస్తుంది. క్రమం తప్పకుండా దీన్ని వాడటం వలన స్ట్రెచ్ మార్క్స్ కూడా పల్చబడతాయి.

ఎలా వాడాలి ; కొన్ని చుక్కల ఈ రోజ్ మేరీ నూనెను కొబ్బరినూనెతో కలిపి, మిశ్రమాన్ని స్ట్రెచ్ మార్క్స్ ఉన్న చోటల్లా మొత్తం రాయండి. స్ట్రెచ్ మార్క్స్ తొలగించుకోటానికి వారానికి 2-3సార్లు ఈ చిట్కాను వాడండి.

5.లావెండర్ సుగంధ నూనె

లావెండర్ సుగంధ నూనె మరో తప్పక ప్రయత్నించాల్సిన పదార్థం. దీనిలోని మచ్చల వ్యతిరేక లక్షణాలు చర్మం తొందరగా పూడుకునేలా చేసి, చర్మంపై మచ్చల రంగును కూడా లేతగా మార్చి తొందరగా చర్మపు రంగులో కలిపేస్తుంది.

ఎలా వాడాలి ; కొన్ని చుక్కల లావెండర్ నూనెను విటమిన్ ఇ నూనెతో కలిపి స్ట్రెచ్ మార్క్స్ ఉన్న అన్ని చోట్లా మెల్లగా మసాజ్ చేయండి.

6.నెరోలీ సుగంధ నూనె

ఈ సుగంధ నూనె చర్మాన్ని రిపేర్ చేయటానికి, జీవం తేవడానికి ప్రసిద్ధి. అదేకాక, అది కొల్లాజెన్ ఉత్పత్తిని కూడా పెంచి, మీ చర్మపు సాగేగుణాన్ని మెరుగుపరుస్తుంది.

ఎలా వాడాలి; కొన్ని చుక్కల సుగంధ నూనెను బాదం నూనెతో కలిపి స్ట్రెచ్ మార్క్ ఎక్కువ ఉన్న చోట మసాజ్ చేయండి.

7. గ్రేప్ సీడ్ సుగంధ నూనె

గ్రేప్ సీడ్ నూనెలో ఉండే అన్ సాట్యురేటడ్ కొవ్వుపదార్థాలు మరియు విటమిన్ ఇ స్ట్రెచ్ మార్క్స్ కి ప్రభావవంతమైన చిట్కాగా పనిచేస్తుంది.

ఎలా వాడాలి; 3-4 చుక్కల సుగంధ నూనెను ఆలోవెరా జెల్ తో కలపండి. ఈ మిశ్రమాన్ని మచ్చలున్న చోట మొత్తం మసాజ్ చేయండి. వారానికి 3-4సార్లు ఇలా చేయటం వలన వాటి రంగు పల్చబడుతుంది.

8.పాచౌలీ సుగంధ నూనె

పాచౌలీ సుగంధనూనెలోని చర్మం తిరిగి జీవింపచేసే లక్షణాలు, పాడైన చర్మాన్ని బాగుచేసి, చర్మంపై చిరాగ్గా కన్పించే స్ట్రెచ్ మార్క్స్ ను ఎక్కువ పెరగకుండా తొలగిస్తాయి.

ఎలా వాడాలి ; కొన్ని చుక్కల సుగంధ నూనెను మీరు రోజూ వాడుకునే మాయిశ్చరైజర్ తో కలిపి మచ్చలపై మసాజ్ చేయండి. వారంలో 2-3సార్లు ఈ ఇంటిచిట్కా పాటించి వేగవంతమైన ఫలితాలు పొందండి.