ముఖం తరచుగా జిడ్డుగా అయిపోతుందా.. పది రూపాయల ఈ టిప్స్ పాటిస్తే, తెల్లగా నిగనిగలాడిపోతారు!

ఈ వేసవి కాలం వచ్చేసింది. ఇప్పుడున్న పరిస్థితులను చూస్తే ఈ సంవత్సరం ఎండలు భారీగా దంచికొట్టే అవకాశాలు కనిపిస్తున్నాయి. ఈ ఎండలకు మనం బయటికి వెళ్తే కచ్చితంగా నల్లబడిపోవడంతో పాటు.. చర్మానికి సంబంధించిన అనేక సమస్యలు వస్తాయి. అలాగే చర్మం నుంచి ఆయిల్ ఎక్కువగా బయటికి వచ్చి.. ముఖం జిడ్డుగా మారిపోతుంది. అలాగే చర్మ రంధ్రాలన్నీ మూసుకుపోతాయి. దీంతి పాటు చర్మానికి సంబంధించిన రోగాలు వస్తాయి. ఇలాంటి సందర్భాల్లో చర్మానికి సంబంధించిన సంరక్షణ సరిగ్గా తీసుకోవాలి. అలాగే చర్మాన్ని కాపాడుకోవాలి. అందుకోసం చాలా మంది క్రీమ్స్ వాడుతుంటే కొందరు మాత్రమే హోమ్ రెమెడీస్ ట్రై చేస్తుంటారు. అయితే ఈ స్టోరీలో ఎండ నుంచి తప్పించుకోవడానికి, చర్మ సమస్యలను దూరం చేసుకోవడానికి ఎలాంటి టిప్స్ పాటించాలి? ఎలాంటి సంరక్షణ తీసుకోవాలి అనేది ఈ స్టోరీలో తెలుసుకుందాం.

జిడ్డు చర్మం ఉన్నవారికి వేసవి టిప్స్

1. పచ్చి పాలతో ముఖాన్ని శుభ్రం చేయండి

ఉదయాన్నే ముఖాన్ని క్లీన్ చేయడానికి పచ్చి పాలను ఉపయోగించవచ్చు. పాలు సహజంగా మృదువైన క్లెన్సర్‌లా పనిచేస్తాయి. ఇది చర్మంలో పేరుకుపోయిన మృత కణాలను తొలగించడమే కాకుండా, రంధ్రాలను శుభ్రం చేస్తుంది. పాలలో కొద్దిగా ఉప్పు కలిపి మసాజ్ చేస్తే మంచి ఫలితం లభిస్తుంది. తర్వాత గోరువెచ్చటి నీటితో కడగాలి. ఇలా చేయడం వలన చర్మం జిడ్డుగా కాకుండా మృదువుగా తయారవుతుంది. అలాగే తళతళా మెరిసిపోతుంది.

తేనెలో ఉండే యాంటీబ్యాక్టీరియల్ గుణాలు చర్మాన్ని రక్షిస్తాయి. ఇది మొటిమలు, బాక్టీరియా కారణంగా వచ్చే ఇన్‌ఫెక్షన్లను తగ్గిస్తుంది. రోజుకోసారి ముఖానికి తేనె రాసి మృదువుగా మసాజ్ చేసి 15-20 నిమిషాల తరువాత కడగండి. చర్మం తాజాగా మెరిసిపోతుంది.

3. కీరా లేదా దోసకాయ పేస్టుతో చల్లదనాన్ని కలిగించండి

కీరా లేదా దోసకాయ ముక్కలను మిక్సీలో వేసి పేస్ట్ చేసుకుని ముఖానికి అప్లై చేయండి. ఇవి చర్మానికి తేమనిస్తూ, వేడి వల్ల వచ్చే ఇబ్బందులను తగ్గిస్తాయి. చర్మం తాజాగా ఉండేందుకు సహాయపడతాయి. 20 నిమిషాల తర్వాత చల్లని నీటితో కడగడం ఉత్తమం.

4. పెరుగు ఉపయోగించి ఎక్స్‌ఫోలియేషన్

పెరుగులో ఉండే లాక్టిక్ యాసిడ్ చర్మాన్ని స్వచ్ఛంగా ఉంచుతుంది. ఇది మృత కణాలను తొలగించి ముఖానికి సహజ మెరుపును ఇస్తుంది. ఆయిలీ స్కిన్‌కి ఇది మంచి సహాయకారి. పెరుగు ముఖానికి అప్లై చేసి 15 నిమిషాల పాటు ఉంచి గోరువెచ్చటి నీటితో కడిగేయండి.

5. టొమాటో పల్ప్‌తో మసాజ్

టొమాటోలో ఉండే యాసిడ్స్ మరియు విటమిన్లు చర్మానికి మంచి ప్రభావం కలిగిస్తాయి. ఇది చర్మంపై పేరుకుపోయిన జిడ్డును తగ్గించి, కాంతిని మెరుగుపరుస్తుంది. టొమాటో పల్ప్ తీసుకుని ముఖానికి మసాజ్ చేయండి. కొద్ది సేపటికి నీటితో కడగండి. వారానికి 2-3 సార్లు చేయవచ్చు.

ముగింపు

వేసవిలో ఆయిలీ చర్మం ఉన్నవారు రోజూ ముఖం శుభ్రంగా ఉంచడం, సహజ ఉత్పత్తులతో చర్మాన్ని సంరక్షించడం అత్యవసరం. ఎక్కువగా కెమికల్స్ ఉన్న ప్రోడక్ట్స్‌ని కాకుండా, ఇంటి చిట్కాలను పాటిస్తే చర్మం ఆరోగ్యంగా, ప్రకాశవంతంగా ఉంటుంది.