ఇది ఒక్క చుక్క రాసుకుంటే చాలు, క్షణంలోనే డార్క్ సర్కిల్స్ మాయమైపోతాయి.. అందరి ఇంట్లో ఉంటుంది!

మారిన జీవన విధానం కారణంగా చాలా మంది అనేక ఆరోగ్య సమస్యలను ఎదుర్కొంటున్నారు. మరీ ముఖ్యంగా అందానికి సంబంధించిన సమస్యలను ఎక్కువగా ఎదుర్కొంటున్నారు. ముఖంపై చర్మం చాలా తొందరగా ముడతపడిపోవడం, ముఖం ముదురుగా కనిపించడం, అందం తగ్గిపోవడం వంటి సమస్యలు తీవ్రంగా వేధిస్తున్నాయి. అలాగే మొబైల్, ల్యాప్‌టాప్స్‌ను ఎక్కువగా వినియోగించడం వలన కళ్ల కింద డార్క్ సర్కిల్స్ ఎక్కువగా రావడం వంటి సమస్యలను మనం గమనించవచ్చు. అయితే ఆ డార్క్ సర్కిల్స్ తొలగించుకోవడానికి చాలా మంది రకరకాలుగా ట్రై చేస్తుంటారు. ఏవేవో క్రీమ్స్ వాడుతుంటారు. అయితే ఇంట్లో దొరికే కొన్ని పదార్థాలతో ఆ డార్క్ సర్కిల్స్‌ను ఎలాంటి ఎఫెక్ట్స్ లేకుండా తొలగించుకోవచ్చు. దానికి సంబంధించిన మరిన్ని వివరాలు ఈ స్టోరీలో..

డార్క్ సర్కిల్ తొలగించుకోవడానికి, క్రీం తయారీకి కావాల్సిన పదార్థాలు

ఆలుగడ్డ
శనగపిండి
కొద్దిగా పెరుగు
కొద్దిగా పసుపు

క్రీం తయారీ విధానం

ముందుగా ఆలుగడ్డను తొక్క తీసి శుభ్రంగా కడుక్కోవాలి. ఆ తరువాత ఆ ఆలుగడ్డను సన్నగా తురుముకోవాలి. ఇప్పుడు ఒక చిన్న బౌల్ తీసుకొని.. అందులో ఆలుగడ్డ రసాన్ని తీసుకోవాలి. ఆ తరువాత అందులో ఒక చెంచా శనగ పిండి వేసుకోవాలి. దాంతో పాటు ఒక చెంచా పెరుగు కూడా వేసుకోవాలి. అనంతరం చిటికెడు పసుపు వేసుకోవాలి. ఆ మిశ్రమాన్ని మొత్తాన్ని బాగా కలుపుకోవాలి. అందులోని పదార్థాలు అంతా బాగా కలిసే వరకు కలుపుకోవాలి. అంతే క్రీం సిద్ధమైనట్లే..

ఎలా అప్లై చేసుకోవాలంటే..

ఈ క్రీం అప్లై చేసుకోవడం చాలా సులభం. ముందుగా ఈ క్రీంను.. మన కంటి కిందకు అలాగే కనురెప్పలపై రాసుకోవాలి. అనంతరం మెల్లిగా ఓసారి మర్దన చేసుకోవాలి. అనంతరం ఒక పదిహేను నిమిషాల పాటు వాటిని ఆరనివ్వాలి. ఆపై గోరు వెచ్చని నీటితో మీ ఫేస్ కడుక్కుంటే సరిపోతుంది. ఇలా ఒక అయిదు లేదా ఆరు రోజుల పాటు చేస్తే.. కచ్చితంగా మంచి ఫలితాన్ని మీరు పొందవచ్చు. డార్క్ సర్కిల్స్ తొలగిపోవడాన్ని మీరు గమనించవచ్చు.

అది మాత్రమే కాదు..

సాధారణంగా ఈ మిశ్రమం డార్క్ సర్కిల్స్ తొలగించుకోవడానికి వినియోగిస్తుంటారు. కానీ ఇది నల్లని చర్మాన్ని తెల్లగా మార్చేందుకు కూడా వినియోగిస్తారు. ఎండలో వెళ్లి ఎక్కువగా ట్యాన్ అయిన వారు ఎవరైనా ఉంటే.. దీనిని ప్రయత్నించవచ్చు. దీనిని అప్లై చేయడం వలన మంచి ప్రయోజనాలు ఉంటాయి. అలాగే చర్మం కూడా తెల్లబడుతుంది. దీనిని చేసుకోవడం కూడా చాలా సులభం.

వాటి నుంచి రక్షణ..

సాధారణంగా మనం డార్క్ సర్కిల్స్ తొలగించుకోవడానికి ఎక్కువగా కెమికల్ ఉన్న క్రీమ్స్ వాడుతుంటాము. ఇవి ఆరోగ్యానికి చాలా హానిని చేస్తాయి. అలాగే ఇందులోని రసాయనాలు క్యాన్సర్‌కు కూడా కారణమవుతాయి. అలాగే మన చర్మం తొందరగా ముసలిదైపోయినట్లు కనిపిస్తుంటుంది. అందుకే వాటికి బదులుగా ఇంట్లోనే తయారు చేసుకునే ఈ మిశ్రమాన్ని వినియోగించాలి. దీనిని వినియోగించడం వలన మెరుగైన రిజల్ట్ రావడంతో పాటు కెమికల్స్ నుంచి తప్పించుకోవచ్చు. అలాగే సహజసిద్ధమైన అందాన్ని సొంతం చేసుకోవచ్చు. మరి మీరు కూడా ఓసారి ట్రై చేయండి.