సహజ కేశ సంపదకు టానిక్-బీర్!

1. బీర్ తో మీ కేశాలను కడగండి. తర్వాత వేడినీటితో శుభ్రం చేయండి.
2. జుట్టు మెరవాలంటే లేదా అధిక ఎదుగుదల రావాలంటే షాంపూ చేసిన తర్వాత బీర్ ను యాపిల్ సైడర్ వినేగార్ తో కలిపి రాయండి. సాధారణంగా ఈ ప్రక్రియ చాలామంది ఆచరిస్తారు.
3. ఒక కప్పు బీరులో కొద్ది చుక్కలు జోజోబా ఆయిల్ కలపండి. జుట్టు కుదుళ్ళలో రాసి కొంత సేపు వుంచండి. తర్వాత నీటితో కడిగేయండి.
4. ఒక బీర్ బాటిల్ ను తెరచి రాత్రంతా వుంచండి. దానిని ఒక నిమిషం పాటు వేడి చేయండి. అందులో రెండు చెంచాల తేనె, మూడు లేదా నాలుగు చెంచాలు నిమ్మరసం కలపండి. దానిని జుట్టుకు పట్టించి 15 నుండి 20 నిమిషాలు వుంచి నీటితో కడిగేయండి.
5. బీరుతో డిస్టిల్డ్ వాటర్, నిమ్మరసం, వినేగార్ కలిపి ఆ మిశ్రమాన్ని షాంపూ చేసిన జుట్టుకు పట్టించండి. కొంత సేపు అలానే వుంచి కడిగేయండి.
6. నీరు, షాంపూ, బీర్ మూడూ కలిపి దానిని జుట్టుకు పట్టించండి. సహజమైన ఈ టానిక్ జుట్టును మెత్తగాను బలంగాను చేస్తుంది.

బీర్ లో ఫాస్పరస్, మెగ్నీషియం, పొటాషియం, మాల్టోస్ లుంటాయి ఇవి జుట్టుకు మంచి పోషణనిస్తాయి. బీరులో వున్న బయోటిన్ జుట్టు ఊడకుండా కాపాడుతుంది. డాండ్రఫ్ నుండి రక్షణ కల్పిస్తుంది. మాల్టోస్ జుట్టుకు బలం ఇస్తే, విటమిన్ సి జుట్టుకు సహజమైన మెరుపు కల్పిస్తుంది.