సందర్భానికి తగిన హెయిర్ స్టైల్!

By B N Sharma

Published: Thursday, September 15, 2011, 16:12 [IST]

సందర్భానికి తగిన హెయిర్ స్టైల్ మెయిన్టెయిన్ చేయాలనుకుంటున్నారా? ప్రతి సందర్భానికి మీరు ఆకర్షణీయంగా మీ జుట్టును తయారు చేసుకోవచ్చు. సందర్భం చిన్నదైతే, జుట్టు సాదా సీదాగా వుంచండి. అయితే రింగులు తిప్పుకున్న వెంట్రుకలు ఎపుడూ ఆకర్షణీయంగానే వుంటాయి. బయటి పార్టీలకు, కుటుంబ వేడుకలకు రింగులు తిరిగిన కర్లీ హెయిర్ స్టైల్ పెట్టుకోండి. ఇంట్లోనే రింగులు తిప్పుకునే జుట్టు పెట్టుకోడమెలా? కొన్ని చిట్కాలు పాటించండి.

1. జుట్టును షాంపూతో వాష్ చేయండి. జుట్టు చివరలను బయటకు దువ్వుతూ తలపై భాగాన్నిడ్రై చేయండి. తడిగా వున్న జుట్టు కొనలను ఒక ఇనుప గొట్టానికి చుట్టి రింగులుగా అమర్చండి. రింగులు చుట్టేటపుడు కష్టం అనుకుంటే కొంత హెయిర్ స్ప్రే రాయండి. జుట్టు సెట్ అవటానికి షైనీ సీరం, బాబీ పిన్స్ లేదా పోనీ టెయిల్ హోల్డర్ వాడండి.

2. జుట్టు రింగులు తిరగాలంటే ఫోమ్ రోలర్ సహాయంతో కూడా చేయవచ్చు. ఫోమ్ రోలర్లు రెండు సైజులలో వుంటాయి. పెద్ద రోలర్ దిగువ భాగపు వెంట్రుకలకు, చిన్న రోలర్ తలపై భాగ వెంట్రుకలకు వాడండి. కొంత సేపు ఆరబెట్టి జాగ్రత్తగా రోలర్లను బయటకు తీసి హెయిర్ పిన్స్, క్లిప్స్ తో వాటిని సెట్ చేయండి.

3. వేవీ కర్లీ హెయిర్ కావాలంటే వెంట్రుకలను రింగులను తిప్పటానికి హెయిర్ స్ట్రెయిటనర్స్ ఉపయోగించండి. పొడవైన జుట్టు గలవారికి ఇది బాగుంటుంది.

4. జుట్టు పొట్టిగా వుంటే, చిన్న రింగులు బాగుంటాయి. దీనికి కావలసిందల్లా ఒక దువ్వెన, డ్రైయర్ లేదా చిన్న రోలర్స్. వెంట్రుకలను రోలర్స్ కు చుట్టి డ్రైయర్ తో బ్లో చేయండి. కొద్ది గంటలుంచి రోలర్స్ తీసి వేయండి.

5. మెత్తటి రింగులు కావాలంటే హెయిర్ మాయిశ్చరైజర్స్, వాడాలి. ఘాటైన షాంపూలు, అమ్మోనియా కల ఉత్పత్తులు వాడకండి.

పైన చెప్పిన చర్యలను పాటిస్తే, చక్కటి, అందమైన కర్లీ హెయిర్ మీ సొంతం.