గోవిందా..!! జుత్తు ఊడిపోతుందా..?

జుత్తు సంరక్షణకు ఉసిరికాయ సారం మరింత దోహదపడుతుంది. తల స్నానం చేసే ముందు ఉసిరికాయ రసానికి నిమ్మరసాన్ని జోడించి ఈ మిశ్రమాన్ని తలకి పట్టిస్తే, కొన్నివారాల్లనే మంచి ఫలితం మీరు చూడొచ్చు.

ఉసిరికాయలను చిన్న చిన్న ముక్కులుగా చేసి ఎండబెట్టుకోండి. బాగా ఎండిన ముక్కలను కొబ్బరి నూనెలో వేసి వేడి చేసుకోండి. మరసటి రోజు కొబ్బరినూనెలోని ఉసిరి ముక్కలను తీసేసి నూనెను మీ తలకు అప్లై చేసుకోండి. ఈ నూనెను కొన్ని వారాల పాటు మీ జుత్తుకు పట్టిస్తే, జుత్తు ఊడిపోవడం తగ్గటంతో పాటు మీ కేశాలు ధృడంగా తయారవుతాయి.

నాణ్యమైన కొబ్బరినూనెలో నిమ్మరసం కలిపి జట్టుకు పట్టిస్తే మీ కేశాలకు మంచి నిగారింపు లభిస్తుంది. అలాగే కొత్తిమీర రసాన్ని తలకు పట్టించి, ఆరిన తరవాత గోరువెచ్చిని నీటితో తలస్నానం చేస్తే జుత్తు ఊడటాన్ని నియంత్రించవచ్చు.

మిరియాలు, నిమ్మకాయ గింజలను సమపాళ్లలో ముద్దగా నూరుకుని, ఆ మిశ్రమాన్ని తలకు పట్టించి, ఆ తరవాత తల స్నానం చేస్తే కుదుళ్లు బలపడతాయి. అలాగే బాదం నూనె జుట్టు రాలటాన్ని నిరోధిస్తుంది. రోజు బాదం నూనెతో తలను మర్దనా చేసుకుంటే మీ కేశాలు మరింత నిగారింపునిస్తాయి.