రోజువారి జాగ్రత్తలతో కేశ సౌందర్యం మీ చేతుల్లోనే....

Hair Care

oi-Saraswathi

By Sindhu

Published: Monday, March 26, 2012, 10:27 [IST]

శరీరంలో అన్ని అవయవాలకు సంరక్షణ, అలంకరణ ముఖ్యం. అయితే ఎల్లప్పుడు బయటికి కనిపించే చర్మం, జుట్టు సంరక్షణలో ఎక్కువ జాగ్రత్తలు తీసుకొన్నట్లైతే , వయస్సు పైబడుతున్నా అందంగా, సహజంగా కనిపిస్తారు. ముఖ్యంగా వయస్సు పెరిగేకొద్ది చర్మం లో ఎలా మార్పలు సంతరించుకుంటాయో..వెంట్రుకల్లో కూడా సహజంగా మార్పులు వస్తాయి. వయస్సు పై బడే కొద్దీ వెంట్రుకలు రాలిపోవడం, జుట్టు తెల్లబడటం..మొదలైనవి జరుగుతుంటాయి. మరి అలాంటి వాటికి కోసం కొన్ని జాగ్రత్తలు తీసుకొన్నట్లైతే మీ కేశ సౌందర్యం మీ చేతుల్లోనే ....

1. జుట్టును అందంగా ఉంచుకోవటానికి తలస్నానం సాధ్యమైనంత ఎక్కువసార్లు చేస్తూ జుత్తును శుభ్రంగా ఉంచుకోవాలి.
2. తలస్నానానికి హెర్బల్ షాంపూలు, హెర్బల్ హెయిర్ కండిషనర్‌ లు ఉపయోగిస్తే మంచిది.
3. వారానికి రెండుసార్లన్నా కొబ్బరినూనెతో తలకు మాయిశ్చరైజర్ చేయడం మరిచిపోకూడదు.
4. గుంట గలకరాకు తెచ్చి శుభ్రం చేసుకొని, మిక్సీలో రసం తీసి తలకు పట్టించి గంట తరువాత తలస్నానం చేస్తూ ఉంటే, తెల్ల జుట్టు క్రమంగా నల్లబడుతుంది. మాడుకు చల్లదనం ఇస్తుంది. ఈ రసాన్ని, మందారపూలను కలిపి కొబ్బరి నూనెలో మరిగించి, చల్లారాక సీసాలో పోసి రాసుకుంటున్నా మంచి ఫలితం కన్పిస్తుంది.
5. ఎక్కువగా జుట్టు రాలుతోందా ఒక ఉల్లిపాయను మెత్తగా పేస్టులా చేసుకోవాలి. దానికి చెంచాడు తేనె కలపాలి. తలకు పట్టించి గంట తర్వాత చల్లని నీటితో కడిగేయాలి.
6. వెంట్రుకలు తెల్లబడకుండా ఉండాలంటే ఉసిరికాయ రసం, నువ్వుల నూనె సమపాళ్ళలో కలిపి, కాచి తలకు రాసుకోవాలి.
7. కొంతమంది జుట్టు జిడ్డుగా, నూనె కారుతూ ఉంటుంది. తలస్నానం చేసిన కొద్దిసేపటికే జుట్టు జిడ్డుగా తయారై రాలిపోతుంటుంది. ఇటువంటివారు ఒకవేళ కండీషనర్ వాడదలుచుకుంటే పెరుగును మాత్రం వాడుకోవాలి. కండీషనర్‌ను తలకు కాకుండా వెంట్రుకల కొసలకు ప్రయోగించాలి. స్నానానికి ఉపయోగించే నీళ్లకు కొద్దిగా నిమ్మరసాన్ని చేర్చితే జిడ్డు వదులుతుంది.
8. దువ్వెన, హెయిర్‌బ్రష్‌ల బ్రిసిల్స్‌ పెళుసుబారినట్లు అనిపిస్తే వాడకం ఆపేయాలి, లేదంటే వెంట్రుకలు పాడైపోతాయి. దువ్వెనలను అధిక వేడి ఉన్న హెయిర్‌ డ్రయర్‌ సమీపాన ఉంచకండి, వేడికి దువ్వెన పళ్లు దెబ్బతింటాయి.