వేసవి ప్రభావం జుట్టు మీద పడకుండా జాగ్రత్తలు....?

Published: Thursday, March 8, 2012, 16:03 [IST]

సాధరణంగా కాలాన్ని, సీజన్ బట్టి వాతావరణం మారుతూ ఉంటుంది. వాతావరణం మార్పును బట్టి ఉష్టోగ్రతలల్లో మార్పు సంతరించుకుంటుంది. దానివల్ల మానవ శరీరంలో కూడా మార్పులు సంబవిస్తాయి. ఉదాహరణకు శీతాకాలం చలి ఎక్కువగా ఉండటం. చర్మం పగుళ్ళు ఏర్పడం, జుట్టు జిడ్డుగా లేదా పొడిబారటం జరుగుతుంది. వేసవికాలంలో చర్మ సంరక్షణ కోసం ఎన్ని జాగ్రత్తలు తీసుకుంటామో... అదే విధంగా జుట్టు సంరక్షణకు కూడా అంతే జాగ్రత్తలు తీసుకోవాల్సి ఉంటుంది. అందుకోసం.. ఎండలో బయటకు వెళ్లేటప్పుడు చర్మానికి రాసినట్లుగానే జుట్టుకు లేదా మాడుకు కూడా కొంచెం సన్‌స్క్రీన్ లోషన్ రాయాల్సి ఉంటుంది. ఇలా చేయడం వల్ల ఎండకు మాడు చుర్రుమనదు.

1. బేబి ఆయిల్ లేకపోతే కొబ్బరినూనెను దూదితో తీసుకొని తలపైన అప్లైచేసి మసాజ్ చేయాలి.
2. చుండ్రుతో బాధపడేవారు రాత్రిపూట మెంతులు నానబెట్టి ఉదయాన్నె కొబ్బరినూనెలో కలిపి తలకు పట్టించి మసాజ్ చేస్తే చుండ్రు బాధ తగ్గుతుంది.
3. వేసవిలో జుట్టుకు వారానికి రెండు, మూడు సార్లు మాత్రమే స్వల్పంగా నూనెను రాయాలి.
4. వేసవిలో ఎండలో బయటకు వెళ్ళేటప్పుడు తలకు ఆచ్ఛాదనగా టోపీని లేదా గొడుగును ఉపయోగించాలి.
5. నూనె రాసి 10 నిమిషాలు ఊరిన తరువాత గోరింటాకు, టీ-డికాషిన్, పెరుగు కలిపిన మిశ్రమాన్ని తలకు పట్టించాలి. గోరింటాకు వేసినట్లైతే జుట్టు కలర్ మారుతుందని భయపడాల్సిన పనిలేదు. ఈ మూడింటిని రాత్రి నానబెట్టి ఉదయాన్నే తలకు పట్టిస్తే మాత్రమే జుట్టు కలర్ మారుతుంది. గోరింటాకు పడని వారు మందారాకును వాడవచ్చు. ఈ విధంగా వారానికి ఒకసారి వాడినట్లైతే జుట్టు ఆరోగ్యంగా, మృదువుగా ఉంటుంది.
6. తలస్నానానికి ఉపయోగించే నీరు, తల తుడుచుకునే తువ్వాలు, తలకు ధరించే టోపీ శుభ్రంగా ఉండేలా చూసుకోవాలి.

వేసవిలో జుట్టుకు రక్షణ చర్యలు పాటిస్తూ వెంట్రుకలపట్ల సరైన శ్రద్ధ తీసుకుంటే వేసవి ప్రభావం జుట్టు మీద ప్రసరించదు. మీ కురులు నిగనిగలాడుతూ మెరిసిపోతాయి.