కురల సంరక్షణ పట్ల శ్రద్ద వహిస్తున్నా..కురులు రాలిపోతున్నాయా...?

Hair Care

oi-Saraswathi

By Sindhu

Published: Thursday, May 3, 2012, 17:31 [IST]

గతంలో జుట్టు రక్షణకు చాలా పద్దతులు పాటించేవారు. మందార తైలాలు, వేపనూనె, ఆవనూనె, ఆముదము.. రకరకాలుగా తయారు చేసిన తైలాలు ఇలా చాలా వాడి... తమ కురులను అందంగా పొడుగ్గా సంరక్షించుకునేవారు మహిళలు. అయితే నేడు కురులను నింపాదిగా కూర్చొని పరిరక్షించుకొనే రోజులు కనుమరగైపోయాయి. సాంకేతిక పరిజ్ఞానంతో పాటు ఉరుకులు పరుగుల జీవితం అలవాటై పొయి... పూర్తిగా యాంత్రికంగా మనిషి బతికేస్తున్న క్రమంలో స్త్రీలు సైతం ఆర్ధిక కారణాల దృష్ట్యా ఉదోగం చేయాల్సి రావటంతో పట్టణ ప్రాంతాలలోనే కాదు గ్రామీణ ప్రాంతాల మహిలలు సైతం తమ శిరోజాల సంరక్షణకు కేటాయించే సమయం బాగా తక్కువై పోయింది.

ప్రతి నిత్యం కురులకు నూనె కూడా రాసుకోలేని వారు కొందరైతే... ట్రేండు, స్టైల్ అంటూ ఆధునికత పేరుతో కురుల సంరక్షణకి సమయాన్ని కేటాయించక ఎలా పడితే అలా అనేక రకాల రంగులలో ముంచెత్తుతుండటంతో వాటి కురులు చిట్లిపోవటం, కట్ అవ్వడం, రాలిపోవటం ప్రారంభించి చివరికి బట్ట తల కూడా వచ్చే అవకాశాలు బొలెడు ఉన్నాయి. అయితే మరి కొందరు కనీసం అప్పుడప్పుడు తలంటు కొని కేశ సంరక్షణ పట్ల శ్రద్ధ వహిస్తున్నా... వెంట్రుకలు రాలుట, చిక్కు తీసుకొనుట మొదలైన ప్రక్రియ లపైనే శ్రద్ధ వహిస్తుంటే... మరి కొందరు స్పాః ట్రీట్‌మెంట్‌ని ఆశ్రయించేందుకు మక్కువ చూపు తాన్నారు. అయితే ఈ ప్రక్రియ ఎక్కువ ఖర్చుతో కూడుకున్నదే అయినా దానివలన పొందే ప్రయోజనం ఎక్కువకాలం ఉండదని... దాని కన్నా ఇంట్లో తీసుకునే సంరక్షణ చర్యలే కురులకు మేలు చేకూరుస్తాయని బ్యుటీషియన్లు సైతం అంగీకరి స్తున్నారు.
అందుకోసం కురల సంరక్షణలో ఇంటిలోనే కేశసంరక్షణకు తీసుకో వలసిన కొన్ని జాగ్రత్తలను మీకోసం.....

1. అయిదు స్పూన్ల ఆలివ్‌ నూనెకు అరకప్పు తెల్లసొనను కలిపి తలకు రాసుకోవాలి, ఇరవై నిమిషాల తరువాత స్నానం చేస్తే పోషణ అంది తలకట్టు పట్టుకుచ్చులా ఉంటుంది.
2. ఒక టీ స్పూన్‌ తేనె, ఒక స్పూన్‌ ఆలివ్‌ ఆయిల్‌, ఒక టీస్పూన్‌ నిమ్మరసం కలిపిన మిశ్రమంలో కోడిగుడ్డులోని తెల్లసొనను వేసి బాగా కలపాలి, ఈ మిశ్రమాన్ని జుట్టుకి కుదుళ్లనుండి పట్టించాలి. 30 నిమిషాల తర్వాత తలస్నానం చేయాలి.
3. జుట్టు ఎక్కువగా తెగ రాలుతుంటే దానిని పొట్టిగా కట్‌ చేయించాలి. అప్పటినుంచి మరింత కేర్‌ తీసుకోవడం మొదలెట్టండి. రెగ్యులర్‌గా ఆయిల్‌ పెట్టడం, రోజుమార్చి రోజు తలస్నానం చేయాలి. జుట్టును ప్రతిరోజూ మర్జన చేసుకోవాలి. జుట్టును మెత్తని టవల్‌ తీసుకుని దానితో నిదానంగా తుడవాలి.
4. జుట్టు మరీ జీవం కోల్పోయినట్టు కనిపిస్తుంటే బాగా పండిన అరటిపండు గుడ్డుకు నాలుగు బాదం చుక్కల నూనె చేర్చి ప్యాక్‌ వేసుకోవాలి. తలస్నానం చేసి చివరగా కండిషనింగ్‌ చేసుకుంటే సరిపోతుంది.
5. ఒక కప్పు కొబ్బరినూనె, ఒక కప్పు ఆవాల నూనె కలపాలి. ఈ మిశ్రమంలో ఒక కప్పు కరివేపాకు వేసి రాత్రంతా నానపెట్టి మరుసటిరోజు ఈ మిశ్రమాన్ని ఒక పాత్రలో వేసి, చిన్నమంటపై వేడి చేయాలి. కరివేపా కు కాస్త వేగగానే నూనె మిశ్రమంలోనించి తీసేయాలి. ఆ తరువాత దింపి మూడు కర్పూరం బిళ్లలు వేయాలి. చల్లారిన తరువాత నూనె మిశ్రమాన్ని జుట్టు కుదుళ్లనుంచి జుట్టుకంతా పట్టించి రాత్రంతా అలాగే ఉంచి, మర్నాడు తలస్నానం చేయాలి. ఇలా వారంలో రెండుసార్లు చేస్తే మంచి ఫలితం ఉంటుంది.