నిర్జీవమైన..రాలిపోయే జుట్టుకు బనానా ప్యాక్...

Published: Thursday, March 29, 2012, 17:37 [IST]

1. నిర్జీవంగా కనిపించే జుట్టు కోసం ఒక అరటి పండులో ఒక టీస్పూన్, బాదం నూనె కలిపి దానిని జుట్టుకు పట్టించాలి. తర్వాత వేడినీటిలో ముంచి పిండిన కాటన్ టవల్ ను తలకు చుట్టి అరగంట తర్వాత గోరువెచ్చిని నీటితో తలను కడిగి షాంపూ చేసుకుంటే జుట్టు మెరిసేటట్లు చేస్తుంది.
2. అరటిపండు జుట్టు బాగా పెరగడానికి ఉపయోగపడుతుంది. బాగ పండిన అరటిపండును పొట్టు తీసి మిక్సీలో వేసి పేస్ట్ లా చేసి అందులో నిమ్మరసం కలిపి బాగా మిక్స్ చేయాలి. తలను పచ్చిపాలతో తడిపి తర్వాత మాడుకు అరటి పండు మిశ్రమాన్ని బాగ పట్టించి వేడి నీళ్ళల్లో ముంచి టవల్ తో తలబాగాన్ని కవర్ చేయాలి. అరగంట తర్వాత మంచి షాంపూతో తలస్నానం చేస్తే వెంట్రుకలు పెరగడానికే కాకుండా జుట్టు షైనింగ్ వస్తుంది.
3. ఒక పండిన అరటిపండును తీసుకుని మెత్తని ముద్దలా చేసి.. దానిని మాడుకు, జుట్టుకు పట్టించాలి. తరువాత తలకు క్యాప్ వేసుకుని ఇరవై నిమిషాలపాటు అలాగే ఉంచాలి. ఆపై షాంపూతో తలస్నానం చేస్తే జుట్టు ఆరోగ్యవంతంగా తయారవుతుంది.
4. మార్కెట్లో బనానా హెయిర్ ఆయిల్ దొరుకుతుంది. దీనిని తలకు బాగ మర్దన చేసినట్లైతే జుట్టు పెరగడంతో పాటు..జుట్టు రాలడాన్ని అరికడుతుంది.
5. ఎండలో ఎక్కువగా తిరిగేవారికి, రంగుల లాంటి రసాయనాలను ఉపయోగించేవారికి, జుట్టును కర్లింగ్ చేయించుకునేవారికి వాతావరణంలోని మార్పులు హాని కలుగజేస్తాయి. అయితే ఇలాంటివారి జట్టును, మాడును బాగు చేసేందుకు అరటి పండ్లు మంచి ఔషధంలా పనిచేస్తాయి. అరటిపండులోని పొటాషియం మాడుపై ఉండే ఎలాంటి బ్యాక్టీరియానైనా సరే తొలగించి, జుట్టు ఆరోగ్యవంతంగా పెరిగేలా తోడ్పడుతుంది.
6. బాగ పండిన అరటిపండు, ఎగ్ వైట్, మూడు టేబుల్ స్పూన్ల బీర్ ఒక బౌల్ వేసి బాగా పేస్ట్ లా చేసి తల నుదురుకి బాగా పట్టించి అరగంట తర్వాత మంచి ఆర్గానిక్ షాంపూతో గోరివెచ్చని నీళ్ళోతో తలస్నానం చేస్తే పొడిబారిన వెట్రుకలు, చిట్లిన వెట్రుకలను మృదువుగా చేయటమే కాకుండా..నీర్జీవంగా మారిని వెంట్రులకు మెరుపునిస్తుంది.