హెర్బల్ హెయిర్ ప్యాక్ తో తెల్లజుట్టు కు చెక్...

Published: Thursday, February 23, 2012, 18:17 [IST]

How to prevent White Hair with Herbals.....

యుక్తవస్సులో ఉన్న ఆడ..మగ ఎవరైన సరే తమ జుట్టు నల్లగా నిగనిగలాడాలని ఆశిస్తారంటే అతిశయోక్తికాదు. చాలా చిన్న వయస్సులోనే కొంతమంది తెల్ల వెంట్రుకలతో సతమతమౌతుంటారు. నలుగురిలోకి వెళ్ళాలంటే సిగ్గుపడుతారు. అలాంటి వారు జుట్టు తెల్లబడకుండా ఉండాలంటే కొన్ని మెలకవలుతోపాటు..ఆయుర్వేదిక్ హెయిర్ ప్యాక్ తో తెల్ల జుట్టును నివారించవచ్చు...తక్కువ ఖర్చుతో అందుబాటులో ఉండే వస్తువులతో కావాల్సిన మందును తయారు చేసుకోవచ్చు. ఇలా చేయడం వల్ల చిన్న పిల్లలకు జుట్టు తెల్లబడకుండా కాపాడుతుంది. తలలో ఉండే ఇన్ఫెక్షన్ ను తగ్గిస్తుంది. జుట్టును బలంగా తయారు చేస్తుంది.

1. కేవలం ఒక కట్ట తాజా కరివేపాకులను పొడి చేసి, నీటితో పేస్టులాగ చేసి, 2 కప్పుల కొబ్బరి నూనెను దానికి కలిపి, ఆ మిశ్రమంలోని తేమ ఆవిరయ్యే వరకు వేడి చేసి, చల్లర్చిన తర్వాత ఒక సీసాలో భద్ర పరచుకోవాలి. వారంలో రెండు సార్లు తలకి ఈ మిశ్రమాన్ని వాడితే క్రమంగా వెంట్రుకలు తెల్లబడే సమస్య నుంచి నివారణ పొందగలరు

2. రెండు టీ స్పూన్ల వేపాకుల చూర్ణం, రెండు టీ స్పూన్ల మెంతుల చూర్ణం, నాలుగు టీ స్పూన్ల బ్రాహ్మి చూర్ణం, నాలుగు టీ స్పూన్ల చందనం చూర్ణం, నాలుగు టీ స్పూన్ల శీకాకాయ చూర్ణం, ఆరు టీ స్పూన్ల కుంకుడు కాయల చూర్ణం తీసుకొని పక్కన పెట్టుకొని. ముందుగా అన్ని రకరకాల చూర్ణాలు కలిసిపోయేలా కలపాలి. ఆ కలిపినా చూర్ణం ఒక స్టీలు గిన్నెలో వేసి చూర్ణం మునిగే వరకు నీళ్ళుపోయాలి. తర్వాత చిన్నమంటమీద కొధిగా వేడి చేయాలి. ఈ విధంగా చేస్తే పేస్టులాగా తయారవుతుంది. ఇలా తయారైన పేస్టును నెమ్మదిగా జుట్టు కుదుళ్ళకు మరియు జుట్టుకు మంచిగా పట్టించి జుట్టును ఆరనివ్వాలి. తర్వాత శుభ్రమైన నీళ్ళతో స్నానం చేయాలి. ఇలా స్నానం చేసేటప్పుడు వేరే షాంపూను ఉపయోగించనవసరం లేదు.