తెల్లజుట్టు నివారించి జుట్టు పట్టుకుచ్చులా మెరవాలంటే...

Hair Care

oi-Saraswathi

By Sindhu

Published: Friday, March 30, 2012, 17:33 [IST]

సాధారణంగా మనుషుల్లో వెంట్రుకలు రాలడం, పెరడగడం వంటివి సర్వసాధరణం. అయితే తెల్లవెంట్రుకలు చిన్న వయస్సులోనే రావడం అనేది సమస్యే. వయస్సు పెరిగేకొద్ది హార్మోనులు ప్రభావంతో వెంట్రుకలు తెల్లబడుతాయి. అయితే చిన్న వయస్సులోనే వెంట్రుకలు తెల్లబడుతుంటే అందుకు కారణం శరీర తత్వం, వారసత్వపు లక్షణాల కారణంకావచ్చు. చాలామంది ఆలోచనలో మునిగిపోతుంటారు అలాంటి వారికి వెంట్రుకలు త్వరగా తెల్లబడుతాయి. తెల్ల వెంట్రుకలకు కారణం కేవలం మానసికపరమైన ఒత్తిడే కాకుండా వారి తల్లిదండ్రుల, వంశపారంపర్యంగా వచ్చే జీన్స్ బట్టి ఉంటుంది

1. తెల్ల వెంట్రుకలు నల్లగా మారాలంటే కొబ్బరి నూనె లో వెల్లుల్లి పాయలను ఉడికించి, తర్వాత వడకట్టి, ప్రతి రోజు తల కు రాస్తే తెల్ల వెంట్రుకలు నలుపు గా మారుతాయి.
2. తెల్ల వెంట్రుకలు నల్లబడటానికీ గోరింట చాలా ఉపయోగపడుతుంది. జుట్టుకుదుళ్ళకు, కంటికి, మెదడుకు కూడా ఎంతో మేలు చేస్తుంది.
3. గోరింట ఆకును రుబ్బి బిళ్లలుగా ఎండనిచ్చి కొబ్బరినూనెలో వేసి రోజూ తలకు మర్దనచేస్తే దీర్ఘకాల తలనొప్పి ఇట్టే తగ్గుతుంది. జుట్టు రాలటాన్ని కూడా అరికట్టవచ్చు.
4. పాల కూర ఆకులను గ్రైండ్ చేసి దానితో తల రుద్దుకుంటే నిర్జీవంగా ఉన్న జుట్టు ఆరోగ్యంగా మెరుస్తుంది.
5. కోడి గుడ్డు తెల్లసొన, రెండు స్పూన్ల ఆముదం, ఒక స్పూన్ గ్లిజరిన్ కలిపి తలకు పట్టించి గంట తరువాత తలస్నానం చేస్తే తల నిగనిగలాడుతుంది.
6. జుట్టు సున్నితంగా మారాలంటే 5 స్పూన్ల తేనని తలకు పట్టించి అరగంట తర్వాత శుభ్రపరచుకోవాలి.
7. ఇంట్లో చేసే దోసె పిండిని జుట్టుకు పట్టించి పదిహేను నిమిషాల తరువాత తలస్నానం చేస్తే నిగనిగలాడుతుంది.
8. వారానికి ఒకసారి కొబ్బరినీటితో తలరుద్దుకుని తరువాత చల్లని లేదా గోరువెచ్చని నీటితో తలంటుకుంటే కురులు పట్టులా మారుతాయి.
9. తాజా కొత్తిమీర రసం జుట్టుకు పట్టించడం వలన నిగారింపు వస్తుంది.
10. వెచ్చటి కొబ్బరినూనెతో తలకు మర్దనా చేసి తరువాత తలకు వేడి నీటిలో ముంచిన టవల్ చుట్టి గంట సేపు ఉంచి తరువాత తలస్నానం చేస్తే జుట్టు మెత్తగా పట్టుకుచ్చులా మారుతుంది.