కురుల సౌందర్యం పెంచే రహస్యం

Published: Thursday, March 22, 2012, 16:44 [IST]

కురుల అందం అంతా ఇంతా కాదు..గాలికి ఎగిరే అందమైన, ఒత్తయిన జుట్టు మనిషి అందం, వ్యక్తిత్వాన్ని మరింత ఆకర్షణీయంగా చేస్తుంది. అలాంటి కురుల సౌందర్యాన్ని పెంచే రహస్యం ఏంటో తెలుసుకుందామా...
1. షాంపు ఎంపిక: మీ జుట్టుకు సరిపడే తగిన షాంపూనే వాడాలి. సరైన షాంపూ కురులకు, తల చర్మానికి సంరక్షణ ఇస్తుంది. అలాగే షాంపూను ఎప్పుడూ ఒక షాంపూనే ఎన్నుకోవాలి. తరచూ షాంపూలు మార్చుకోకూడదు.
2. హెయిర్ కలర్ ఎంపిక: హెయిర్ కలర్ ను ఎంపిక చేసుకునేటప్పుడు మీ స్కిన్ టోన్ ను నిశితంగా పరిశీలించండి. దానికి అనుగుణమైన కలర్ నే వాడాలి. లేదంటే హెయిర్ కలర్ వికారంగా కనబడుతుంది. బ్రాండెడ్ కంపెనీల కలర్ నే వాడడం మంచిది.
3. చిక్కుబడి నిర్జీవంగా కన్పించే జుట్టులో మెరుపు తేవడానికి హెయిర్ సీరమ్ ఉపయోగించాలి.
4. జుట్టు ఒత్తుగా కనిపించడానికి మూస్ వాడితే మార్పు మీరే గమనించవచ్చు. మార్కెట్లో చాలా రకాల మూస్ లు లభ్యమౌతాయి.
5. తరచుగా వెంట్రుకలను ట్రిమ్మింగ్ చేయించడం మంచిది. వెంట్రుకలను స్ట్రయిట్ చేయడానికి స్ట్రయిటినింగ్ మెషిన్ వాడొచ్చు.
6. పొడి జుట్టు నిగారింపు పెంచడానికి వెంట్రుకల మూలల్లో ఒక అంగుళం విడిచి ఆ తర్వాత హెయిర్ కండిషనింగ్ చేయాలి.
7. ఉసిరికాయ మెత్తని పేస్ట్ చేసి కుదుళ్లకు పట్టించి, అరగంట తర్వాత చల్లటి నీటితో కడిగేస్తే వెంట్రుకల్లో నేచురల్ షైనింగ్ వస్తుంది.
8. గోరింటాకు నూనెను జుట్టుకు పట్టిస్తే కురులు తెల్లబడటం తగ్గుతుంది.
9. జుట్టు సవరించాలనుకుంటే దువ్వటానికి ముందుగా వేళ్ళతో..సున్నితంగా విప్పారదీయాలి. తర్వాత నెమ్మదిగా దువ్వండి. దాంతో వెంట్రుకలు రాలే ప్రమాదం ఉండదు.
10. కురల సహజ నిగారంపు కోసం కొబ్బరి నూనెలో కొన్ని చుక్కలు నిమ్మరసం కలపి తలకు మసాజ్ చేయండి . మరుసటిరోజు దాన్ని షాంపూతో కడగండి జుట్టులో మెరుపు వస్తుంది.