దువ్వెనెల ఎంపికలోనే మీ జుట్టు అందమంతా...!

Hair Care

oi-Saraswathi

By Sindhu

Published: Saturday, January 28, 2012, 17:22 [IST]

ఎలాంటి జాగ్రత్తలు తీసుకోకుండా శిరోజాలు అందంగా ఉండాలనుకోవడం సరికాదు. చిన్నపాటి శ్రద్ద తీసుకుంటే మీ జుట్టు నిగనిగలాడుతుంది. అందమైన వెంట్రుకల సంరక్షణ కోసం ఎన్నో జాగ్రత్తలు తీసుకుంటాం. సాధారణంగా శిరోజాల సంరక్షణకు వాడాల్సిన షాంపూ, కండీషనర్, చివర్లు చిట్లకుండా తీసుకోవాల్సిన జాగ్రత్తలు గురించి ఆలోచిస్తాం. జుట్టును అందంగా తయారుచేయడానికి దువ్వెనలు, బ్రష్‌లు ఎంతో దోహదపడతాయి. మరి అటువంటి వాటి గురించి తెలుసుకోకపోతే ఎలా...

1. జిడ్డు, మురికి చేరి శిరోజాలను బలహీనం చేస్తాయవి. అందుకే తల దువ్వుకునే బ్రష్‌లు దువ్వెనలు శుభ్రపరచడంలో తగుజాగ్రత్త తీసుకోవడం అవసరం.
2. దువ్వెనల్లో ఎక్కువ మట్టి చేరకుండా ఉండాలంటే వారానికి ఒకసారి శుభ్రం చేయాలి. వీటి పళ్లమధ్యలో పేరుకుపోయిన మలినాలను తొలగించడానికి పాత టూత్‌బ్రష్‌ను ఉపయొగించవచ్చు.
3. గోరురువెచ్చని నీటిలో కొద్దిగా షాంపు వేసి దువ్వెన నాన బెట్టండి. చివరగా బ్రష్‌తో రుద్ది కడిగేయండి. సబ్బునీటిలో కొన్ని చుక్కల డెటాల్ వేసి దువ్వెనలను కాసేపు నాననిచ్చి శుభ్రం చేస్తే చుండ్రు సమస్యల్లాంటివి రావు.
4. దువ్వుకోగానే వెంట్రుకలు అలాగే ఉంచి వదిలేయకండి. వాటిని తొలిగించి టిష్యూతో తుడిచేస్తే మురికి తొలగిపోతుంది.
5. కొన్ని రకాలదువ్వెనలకు బ్రిజిల్స్ గరుకుగా ఉండి గుచ్చుకున్నట్లవుతాయి. అలాంటి దువ్వెనలు మృదువైన శిరోజాలను దెబ్బతీస్తాయి. అందుకే అలాంటివాటిని వాడకండి.
6. దువ్వెన, హెయిర్‌బ్రష్‌ల బ్రిసిల్స్‌ పెళుసుబారినట్లు అనిపిస్తే వాడకం ఆపేయాలి, లేదంటే వెంట్రుకలు పాడైపోతాయి. దువ్వెనలను అధిక వేడి ఉన్న హెయిర్‌ డ్రయర్‌ సమీపాన ఉంచకండి, వేడికి దువ్వెన పళ్లు దెబ్బతింటాయి.