హెయిర్ కలరింగ్ చేసిన తర్వాత తీసుకోవాల్సిన జాగ్రత్తలు

Published: Saturday, February 18, 2012, 14:50 [IST]

హెయిర్ కలరింగ్ వల్ల జుట్టు కళ కోల్పోవడమే కాదు, పూర్తిగారాలిపోయి బట్టతలకు దారి తీయవచ్చు. అందువల్ల హెయిర్ కలరింగ్ కోసం ఆర్గానిక్ కలర్స్‌ ని, అమోనియా లేని రంగులను మాత్రమే వాడమని మీ బ్యూటిషియన్ కు చెప్పాలి. మీ హెయిర్ కలర్‌ ను కాపాడే షాంపూస్, కండీషనర్స్‌ ను మాత్రమే వాడమని హెయిర్ డ్రెస్సర్‌ కు చెప్పాలి. దీనివల్ల జుట్టురాలిపోవడం తగ్గడమే కాదు ఆరోగ్యంగా కూడా ఉంటుంది. దాంతో పాటు మరికొన్ని టిప్స్ మీ కోసం...
హెయిర్ కలరింగ్ తర్వాత జుట్టును జాగ్రత్తగా చూసుకోవాలి. కాస్త శ్రద్ద పెడితే జుట్టు చెడిపోకుండా కలర్ ఎక్కువ కాలం నిలచి ఉంటుంది.
1. జుట్టుకు ఏదైనా రంగు వేసుకొన్నప్పుడు అది ఎక్కువ కాలం నిలవాలంటే కలర్ ప్రొటెక్టివ్ షాంపూ వాడాలి.
2. కలరింగ్ చేసాక కేశాలకు హార్డ్ షాంపూ, యాంటీ డేండ్రఫ్ షాంపూలను వాడకూడదు.
3. జుట్టుకు షాపూ చేయించిన తర్వాత కండీషనర్ తప్పక వాడండి దీంతో జుట్టు మృదువుగా మారి మెరుస్తుంటుంది.
4. కలరింగ్ తర్వాత కేశఆలు శుభ్రపరిచినప్పుడు జుట్టు ఆరడానికి బ్లోడ్రై వాడకూడదు. దాంతో జుట్టు పొడిబారుతుంది.
5. కలరింగ్ చేసేటప్పుడు రంగును చర్మంపై పడకుండా జాగ్రత తీసుకోవాలి.
6. వారానికి ఒకసారి హెయిర్ స్పా ట్రీట్ మెంట్ తీసుకుంటే కలర్ ఎక్కువకాలం నిలచి ఉంటుంది. జుట్టుకు కూడా ఆరోగ్యంగా ఉంటుంది.
7. వారంలో ఒకటి రెండు సార్లు నూనె రాస్తే జుట్టు మృదువుగా మారి, జుట్టురాలడాన్ని అరికడుతుంది.
8. జుట్టు పొడిబారి, చిట్లిపోయినట్లు ఉంటే హెయిర్ సీరమ్ వాడితే ఉపయోగం ఉంటుంది.
9. జుట్టు స్వభావం తెలుసుకోకుండా మీకు తోచినట్లు కలర్ వాడితే వెంట్రుకలకు హాని కలుగుతుంది. కాబట్టి నిపుణులను సంప్రదించాకే అవసరాన్ని బట్టి కలరింగ్ చేయించుకోండి.
10. రంగులు తరచు మార్చాలనుకునే వారు నిత్యం జుట్టు పొడిగా ఉండేలా చేసుకోవటం ఎంత ముఖ్యమో... వాడుతున్న రంగులు మీకు పడుతున్నాయా? లేదా? అన్నది గమనించడం కూడా అంతే ముఖ్యం.