నిగనిగలాడే కురుల సౌందర్యం...!

Hair Care

oi-Saraswathi

By Sindhu

Published: Tuesday, April 17, 2012, 17:47 [IST]

వాతావరణంలో వచ్చే తేడాల వలన, ఉష్టోగ్రతల తారతమ్యం వలన రకరకాల కేశసంపద కలిగిన వ్యక్తులను ఒకే చోట చూసే అవకాశం అప్పుడప్పుడు మనకు కలుగుతుంది. సాధారణంగా కేశాలు ఎటువంటివైనా అవి ఆరోగ్యంతో నిగనిగలాడుతుంటేనే వాటికి చక్కగా అలంకరించడం సాధ్యమవుతుంది. ఎండిపోయి నిర్జీవంగా మారిపోతే వాటిని ఎటువంటి స్టయిల్ లో అలంకరించినా అతికించినట్లుగానే ఉంటాయి తప్ప సహజసిద్దమైన రంగు వాటిని కనపడదు. వెంట్రుకలు నిర్జీవంగా మారిపోకుండా ఉండాలంటే వాటికి అప్పుడప్పుడు ఎంత తేమ అవసరమవుతుందో పరీక్షించి చూసుకోవడం చాలా మంచిది.

అదేపనిగా తల దువ్వుకుటుంటే జుట్టు ఆరోగ్యంగా ఉండదు. దానివల్ల కురులు బిరుసుగా మారతాయి. చిట్లిపోతాయి కూడా. చిక్కుపోయేంత వరకు దువ్వుకుంటే చాలు అది కూడా మరీ బలవంతంగా తీయకూడదు. ముందుగా చేత్తో కొద్దిగా తీసుకుని ఆ తర్వాత వెడల్పాటి దంతాలున్న దువ్వెనతో దువ్వుకుంటే చాలు.

చివర్లు చిట్లిన శిరోజాలను నివారించేందుకు కండిషనర్లు వాడితే మార్పురాదు. కండిషనర్ జుట్టుకు పోషణనందిస్తుంది. తేమగా పట్టుకుచ్చులా ఉండేలా చేస్తుంది. చిట్లిన చివర్లను నివారించాలంటే...వాటిని కత్తిరించడమే పరిష్కారం. దానివల్ల సమస్య పెరగదు. ప్రతి మూడు నెలలకోసారి చివర్లు కొద్దిగా కత్తిరించుకుంటే ఈ సమస్య ఎదురు కాదు.

షాంపు, కండిషనర్ ఎక్కువగా రుద్దుకోవడం వల్ల జుట్టు ఆరోగ్యంగా ఉంటుదనుకోవడం పొరబాటు రూపాయి నాణెమంత తీసుకుంటే చాలు. ఒక వేళ ఎక్కువగా వాడామా..జుట్టు పొడిబారుతుంది. కండిషనర్ ను ఎక్కువగా రాసుకుంటే శిరోజాల్లో జిడ్డుగా అనిపిస్తాయి. అందుకే సాధ్యమైనంత వరకు తక్కువగా వాడాలి. జుట్టు పొడవును బట్టి మరికాస్త తీసుకుంటే సరిపోతుంది.

జుట్టుకు రంగు వేసుకునే క్రమంలో కేశ సంరక్షణ పై ప్రత్యేకంగా దృష్టి సారించాలి. రంగు వేసుకుంటున్నప్పుడు..అందుకు సంబంధించిన షాంపు, కండిషనర్ ను మాత్రమే వాడాలి. నిర్లక్ష్యం చేస్తే సమస్యలు తప్పవు...